➖ »
«
➖ ➕
Peshitta OT
PesOT
Reconstruction of Beza's Greek Textus-Receptus NT (1598)
Beza GNT
←
Hosea
Hos
12
→
[1]ܐܲܦܪܹܝܡ ܪܥ̣ܵܐ ܪܘܼܚܵܐ: ܘܲܪܕܸܦ̣ ܥܲܠܥܵܠܵܐ ܝܵܘܡܵܐ ܟܠܹܗ: ܕܲܓܵܠܘܼܬ̣ܵܐ ܘܒܸܙܬܲܐ ܐܲܣܓ̇ܝܼܘ: ܘܲܕܼ ܝܵܬܹܩܵܐ ܥܲܡ ܐܵܬ̣ܘܿܪܵܝܵܐ ܦܣܲܩ̣ܘ: ܘܡܸܫܚܵܐ ܠܡܸܨܪܹܝܢ ܐܵܘܒܸ̇ܠܘ. [No book]
[2]ܘܕܼܝܼܢܵܐ ܐܝܼܬ̣ ܠܡܵܪܝܵܐ ܥܲܡ ܝܑܼܗܘܼܕܼܵܐ: ܘܢܸܬ̣ܒܲܠ ܠܝܲܥܩܘܿܒ̣ ܐܲܝܟ ܐܘܼܪ̈ܚܵܬܹܗ: ܘܐܲܝܟ ܨܸܢ̈ܥܵܬܹܗ ܢܸܦ̱ܪܥܝܼܘܗܝ. [No book]
[3]ܒܡܲܪܒ̇ܥܵܐ ܓܹܝܪ ܢܟܲܠ ܠܐܲܚܘܼܗܝ:ܘܲܒ̣ܥܘܼܫܢܹܗ ܐܸܬ̣ܪܵܘܪܲܒ̣ ܩܕܼܵܡ ܐܲܠܵܗܵܐ. [No book]
[4]ܘܐܸܬ̣ܡ̱ܨܝܼ ܚܹܝܠ ܡܲܠܲܐܟ̣ܵܐ ܘܲܒ̣ܥ̣ܵܐ ܡܸܢܹܗ: ܒܹܝܬ̣ ܐܹܝܠ ܐܸܫ̣ܟ̇ܚܹܗ: ܘܬܲܡܵܢ ܡܲܠܸܠ ܥܲܡܹܗ. [No book]
[5]ܘܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ ܐܸܬ̇ܕܲܟ̣ܪܹܗ. [No book]
[6]ܐܲܢ̄ܬ̇ ܕܹܝܢ ܐܸܬ̣ܦܲܢܝܼ ܠܘܵܬ̣ ܐܲܠܵܗܵܐ: ܘܛܲܝܒ̇ܘܼܬ̣ܵܐ ܘܕܼܝܼܢܵܐ ܛܲܪ: ܣܲܟܵܐ ܠܐܲܠܵܗܵܟ ܐܲܡܝܼܢܵܐܝܼܬ̣. [No book]
[7]ܡܲܣܲܐܬ̣ܵܐ ܕܢܸܟ̣ܠܵܐ ܒܐܝܼܕܹܗ ܕܲܟ̣ܢܲܥܢ: ܘܲܠܡܸܛܠܲܡ ܪܵܚܹ̇ܡ. [No book]
[8]ܘܐܸܡܲܪ ܐܲܦܪܹܝܡ ܕܥܸܬ̇ܪܹܬ̣ ܘܐܸܫܟ̇ܚܹ̇ܬ̣ ܠܝܼ ܟܹܐܒܹ̈ܐ: ܘܟ̣ܠܵܗ̇ ܠܐܹܘܲܬ̣ܝ ܠܵܐ ܣܵܦܩܵܐ ܠܝܼ ܠܲܚܛܵܗܵܐ ܕܲܚ̇ܛܹܝܬ̣. [No book]
[9]ܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܵܟ ܕܐܲܣܩ̇ܬܵܟ ܡ̣ܢ ܐܲܪܥܵܐ ܕܡܸܨܪܹܝܢ: ܬܘܼܒ̣ ܐܵܘܬ̇ܒ̣ܵܟ ܒܡܲܫܟ̇ܢܹ̈ܐ ܐܲܝܟ ܝܵܘ̈ܡܵܬ̣ܵܐ ܕܥܲܕܼܥܹ̈ܕܹܐ. [No book]
[10]ܘܡܲܠܠܹܬ̣ ܥܲܡ ܢܒ̣ܝܹ̈ܐ: ܘܐܸܢܵܐ ܚܸܙ̈ܘܵܢܲܝ ܐܲܣܓ̇ܝܼܬ̣: ܘܒ̣ܐܝܼܕܼܵܐ ܕܲܢܒ̣ܝܹ̈ܐ ܐܸܬ̇ܕܲܡ̇ܝܼܬ̣. [No book]
[11]ܒܓܸܠܥܵܕܼ ܟܹܐܒܹ̈ܐ ܘܲܒ̣ܓܲܠܓܵܠܵܐ ܠܲܣܪܝܼܩܘܼܬ̣ܵܐ ܕܲܒܲܚ̣ܬ̇ܘܿܢ ܬܵܘܪܹ̈ܐ: ܘܐܵܦ ܡܲܕܼܒ̇ܚܲܝ̈ܟ̇ܘܿܢ ܐܲܝܟ ܓܵܠܹ̇ܐ ܒܚܲܩܠܵܐ ܕܐܲܪܥܵܐ ܒܲܝܵܪܬܵܐ. [No book]
[12]ܘܲܥܪܲܩ̣ ܝܲܥܩܘܿܒ̣ ܠܐܲܪܥܵܐ ܕܐܵܪܵܡ: ܘܲܦܠܲܚ̣ ܝܑܼܣܪܵܝܹܠ ܚܠܵܦ ܐܲܢ̄ܬ̇ܬ̣ܵܐ: ܘܥܲܠ ܐܲܦܲܝ̈ ܐܲܢ̄ܬ̇ܬ̣ܵܐ ܢܛܲܪ. [No book]
[13]ܘܒܲܢܒ̣ܝܹ̈ܐ ܐܲܣܸܩ̣ ܡܵܪܝܵܐ ܠܝܼܣܪܵܝܹܠ ܡ̣ܢ ܡܸܨܪܹܝܢ: ܘܒܲܢܒ̣ܝܹ̈ܐ ܐܸܬ̣ܢ̱ܛܲܪ. [No book]
[14]ܐܲܪܓܸ̇ܙ ܐܲܦܪܹܝܡ ܘܡܲܪܡܲܪ: ܘܲܕܼܡܹܗ ܥܠܵܘܗܝ ܢܸܬ̣ܐ̱ܫܸܕܼ: ܘܚܸܣܕܹ̇ܗ ܢܦܲܢܸܐ ܠܹܗ ܡܵܪܹܗ. [No book]
Author: Theodore Beza (1519–1605)
Source: www.hagiascriptura.com

See information...
Top