|
|
| [1]A trumpe be in thi throte, as an egle on the hous of the Lord; for that that thei yeden ouer my boond of pees, and braken my lawe. |
[No book] |
| [2]Thei clepiden me to helpe, A! my God, we Israel han knowe thee. |
[No book] |
| [3]Israel hath cast awei good, the enemye schal pursue hym. |
[No book] |
| [4]Thei regnyden, and not of me; thei weren princes, and Y knew not. Thei maden her gold and siluer idols to hem, that thei schulden perische. |
[No book] |
| [5]A! Samarie, thi calf is cast awei; my strong veniaunce is wrooth ayens hem. Hou long moun thei not be clensid? |
[No book] |
| [6]for also it is of Israel. A crafti man made it, and it is not god; for the calf of Samarie schal be in to webbis of ireyns. |
[No book] |
| [7]For thei schulen sowe wynd, and thei schulen repe whirlewynd. A stalke stondynge is not in hem, the seed schal not make mele; that if also it makith mele, aliens schulen ete it. |
[No book] |
| [8]Israel is deuouryd; now Israel is maad as an vnclene vessel among naciouns, |
[No book] |
| [9]for thei stieden to Assur. Effraym is a wielde asse, solitarie to hym silf. Thei yauen yiftis to louyeris; |
[No book] |
| [10]but also with meede thei hiriden naciouns. Now Y schal gadere hem togidere, and thei schulen reste a litil fro birthun of the kyng and of princes. |
[No book] |
| [11]For Efraym multipliede auteris to do synne, auteris weren maad to hym in to trespas. |
[No book] |
| [12]Y schal write to hem my many fold lawis, that ben arettid as alien lawis. |
[No book] |
| [13]Thei schulen brynge sacrifices, thei shulen offre, and ete fleischis; and the Lord schal not resseyue tho. Now he schal haue mynde on the wickidnessis of hem, and he schal visite the synnes of hem; thei schulen turne in to Egipt. |
[No book] |
| [14]And Israel foryat his makere, and bildide templis to idols, and Judas multipliede stronge citees; and Y schal sende fier in to the citees of hym, and it schal deuoure the housis of hym. |
[No book] |