|
|
| [1]Onus Babylonis, quod vidit Isaias, filius Amos. |
[No book] |
| [2]Super montem caliginosum levate signum: exaltate vocem, levate manum, et ingrediantur portas duces. |
[No book] |
| [3]Ego mandavi sanctificatis meis, et vocavi fortes meos in ira mea, exsultantes in gloria mea. |
[No book] |
| [4]Vox multitudinis in montibus, quasi populorum frequentium; vox sonitus regum, gentium congregatarum. Dominus exercituum præcepit militiæ belli, |
[No book] |
| [5]venientibus de terra procul, a summitate cæli; Dominus, et vasa furoris ejus, ut disperdat omnem terram. |
[No book] |
| [6]Ululate, quia prope est dies Domini; quasi vastitas a Domino veniet. |
[No book] |
| [7]Propter hoc omnes manus dissolventur, et omne cor hominis contabescet, |
[No book] |
| [8]et conteretur. Torsiones et dolores tenebunt; quasi parturiens dolebunt: unusquisque ad proximum suum stupebit, facies combustæ vultus eorum. |
[No book] |
| [9]Ecce dies Domini veniet, crudelis, et indignationis plenus, et iræ, furorisque, ad ponendam terram in solitudinem, et peccatores ejus conterendos de ea. |
[No book] |
| [10]Quoniam stellæ cæli, et splendor earum, non expandent lumen suum; obtenebratus est sol in ortu suo, et luna non splendebit in lumine suo. |
[No book] |
| [11]Et visitabo super orbis mala, et contra impios iniquitatem eorum; et quiscere faciam superbiam infidelium, et arrogantiam fortium humiliabo. |
[No book] |
| [12]Pretiosior erit vir auro, et homo mundo obrizo. |
[No book] |
| [13]Super hoc cælum turbabo; et movebitur terra de loco suo, propter indignationem Domini exercituum, et propter diem iræ furoris ejus. |
[No book] |
| [14]Et erit quasi damula fugiens, et quasi ovis, et non erit qui congreget. Unusquisque ad populum suum convertetur, et singuli ad terram suam fugient. |
[No book] |
| [15]Omnis qui inventus fuerit occidetur, et omnis qui supervenerit cadet in gladio; |
[No book] |
| [16]infantes eorum allidentur in oculis eorum, diripientur domus eorum, et uxores eorum violabuntur. |
[No book] |
| [17]Ecce ego suscitabo super eos Medos, qui argentum non quærant, nec aurum velint; |
[No book] |
| [18]sed sagittis parvulos interficient, et lactantibus uteris non miserebuntur, et super filios non parcet oculus eorum. |
[No book] |
| [19]Et erit Babylon illa gloriosa in regnis, inclyta superbia Chaldæorum, sicut subvertit Dominus Sodomam et Gomorrham. |
[No book] |
| [20]Non habitabitur usque in finem, et non fundabitur usque ad generationem et generationem; nec ponet tibi tentoria Arabs, nec pastores requiescent ibi. |
[No book] |
| [21]Sed requiescent ibi bestiæ, et replebuntur domus eorum draconibus, et habitabunt ibi struthiones, et pilosi saltabunt ibi; |
[No book] |
| [22]et respondebunt ibi ululæ in ædibus ejus, et sirenes in delubris voluptatis. |
[No book] |