|
|
| [1]ܡܲܫܩ̄ܠܵܐ ܕܨܘܿܪ: ܐܲܝ̈ܠܸܠܹܝܢ ܐܸܠܦܹ̈ܐ ܕܬܲܪܫܝܼܫ ܡܸܛܠ ܕܐܸܬ̣ܒ̇ܙܸܙ ܡ̣ܢ ܒܲܝܬܵܐ: ܡܲܝܬ̇ܝܵܢܵܐ. ܘܡ̣ܢ ܐܲܪܥܵܐ ܕܟ݂ܵܬ̣ܝܼܡ ܐܸܬ̣ܓ̇ܠܝܼ ܠܲܢ. |
[No book] |
| [2]ܫܬ̣ܘܿܩܘ ܥܵܡܘܿܪܹ̈ܐ ܕܓ̣ܵܙܲܪܬܵܐ: ܬܲܓܵܪܵܐ ܕܨܲܝܕܵܢ ܕܥܵܒܲܪ ܒܝܲܡܵܐ. |
[No book] |
| [3]ܡܠܘܿܐܵܟ݂ ܒܡܲـ̈ـܝܵܐ ܣܲܓ̇ܝܹ̈ܐܐ: ܙܲܪܥܵܐ ܕܬܲܓܵܪܵܐ ܚܨܵܕ݂ܵܐ ܕܢܲܗܪܵܐ. ܥܠܲܠܬܹܗ ܗܘ̤ܵܬ̣ ܬܹܐܓ̣ܘܼܪܬܵܐ ܠܥܲܡܡܹ̈ܐ. |
[No book] |
| [4]ܒܗܲܬ̣ܝ ܨܵܝܕܵܢ: ܡܸܛܠ ܕܐܸܡܲܪ ܝܲܡܵܐ ܘܥܘܼܫܢܹܗ ܕܝܲܡܵܐ: ܠܵܐ ܚܲܒ̇ܠܹ̇ܬ̣: ܘܠܵܐ ܝܸܠܕܹ̇ܬ̣. ܘܠܵܐ ܪܲܒ̇ܝܼܬ̣ ܓܲܕ̇ܘܼ̈ܕܹܐ: ܘܐܵܦܠܵܐ ܪܲܡ̱ܪܡܹ̇ܬ̣ ܒܬ̣ܘܼ̈ܠܵܬ̣ܵܐ. |
[No book] |
| [5]ܡܵܐ ܕܐܸܫܬ̇ܡܲܥ ܠܡܸܨܪܹܝܢ: ܚܸܒ̣̈ܠܹܐ ܢܹܐܚܕ̇ܘܼܢ ܐܸܢܘܿܢ: ܐܲܝܟ݂ ܫܸܡܥܵܐ ܕܨܘܿܪ. |
[No book] |
| [6]ܥܒܲܪܘ ܠܬܲܪܫܝܼܫ: ܐܲܝܠܸܠܘ ܥܵܡܘܿܪܹ̈ܐ ܕܓ̣ܵܙܲܪܬܵܐ. |
[No book] |
| [7]ܗܵܕܲܐ ܗ̄ܝܼ ܠܟ݂ܘܿܢ ܥܲܫܝܼܢܬܵܐ ܕܡ̣ܢ ܝܵܘ̈ܡܵܬ̣ܵܐ ܩܲܕ݂ܡܵـ̈ـܝܹܐ ܩܕ݂ܵܡܹܝܗ̇ ܢܹܐ̈ܙܵܠ̄ܢ ܪܸ̈ܓ̣ܠܹܝܗ̇ ܕܬܸܥܡܲܪ ܒܪܘܼܚܩܵܐ. |
[No book] |
| [8]ܡܲܢܘܼ ܐܸܬ̣ܡܲܠܲܟ݂ ܗܵܟܲܢܵܐ ܥܲܠ ܨܘܿܪ ܡܟܲܠܲܠܬܵܐ. ܕܬܲܓܵܪܹ̈ܝܗ̇ ܪܵܘ̱ܪ̈ܒ̣ܵܢܹܐ: ܘܲܟ݂ܢܲܥܢܵܝܹ̈ܝܗ̇ ܝܲܩܝܼܪܹ̈ܝܗ̇ ܕܐܲܪܥܵܐ. |
[No book] |
| [9]ܡܵܪܝܵܐ ܚܲܝܠܬ̣ܵܢܵܐ ܐܸܬ̣ܪܲܥܝܼ: ܠܲܡܒܲܛܵܠܘܼ ܐܝܼܩܵܪܵܐ ܕܟ݂ܠ ܚܹܝܠ: ܘܠܲܡܨܲܥܵܪܘܼ ܠܟ݂ܠܗܘܿܢ ܝܲܩܝܼܪܹ̈ܝܗ̇ ܕܐܲܪܥܵܐ. |
[No book] |
| [10]ܥܒ̇ܪܝ ܠܐܲܪܥܹܟ݂ܝ ܐܲܝܟ݂ ܢܲܗܪܵܐ ܒܲܪܬ̣ ܬܲܪܫܝܼܫ ܠܲܝܬ̇ ܬܘܼܒ̣ ܕܕ݂ܵܚܹ̇ܩ ܠܹܟ݂ܝ. |
[No book] |
| [11]ܐܝܼܕܹܗ ܐܲܪܝܼܡ ܥܲܠ ܝܲܡܵܐ: ܘܐܲܪܓܸ̇ܙ ܡܲܠܟ̇ـ̈ـܘܵܬ̣ܵܐ. ܡܵܪܝܵܐ ܦ̣ܩܲܕ݂ ܥܲܠ ܟܢܲܥ̄ܢ ܕܢܵܘܒܸ̇ܕ݂ ܥܲܫܝܼܢܹ̈ܝܗ̇. |
[No book] |
| [12]ܘܐܸܡܲܪ: ܠܵܐ ܬܵܘܣܦܝܼܢ ܬܘܼܒ̣ ܠܡܸܬ̣ܥܲܫܵܢܘܼ: ܛܠܝܼܡܬܵܐ ܒܬ̣ܘܼܠܬܵܐ ܒܲܪܬ̣ ܨܲܝܵܕܵܢ. ܩܘܼܡܝ ܥܒܲܪܝ ܠܟ݂ܵܬ̣ܝܼܡ ܐܵܦ ܬܲܡܵܢ ܠܵܐ ܢܢܝܼܚ ܠܹܟ݂ܝ. |
[No book] |
| [13]ܗܵܐ ܐܲܪܥܵܐ ܕܟܲܠ̈ܕܵܝܹܐ: ܗܵܢܵܐ ܗ̄ܘܼ ܥܲܡܵܐ ܕܠܵܐ ܗ̄ܘܼܵܐ ܐܵܬ̣ܘܿܪܵܝܵܐ ܥܲܒ̣ܕܹ̇ܗ ܠܪܘܼܚܵܐ. ܘܐܲܩܝܼܡܘ ܒܵܨܘܿܝܹ̈ܐ. ܒܨ̣ܵܘ ܣܵܚܪ̈ܵܬ̣ܵܗ̇: ܘܥܲܒ̣ܕ̇ܘܼܗ̇ ܠܡܲܦܘܼܠܬܵܐ. |
[No book] |
| [14]ܐܲܝ̈ܠܠܹܝܢ ܐܲܠ̈ܦܹܐ ܕܬܲܪܫܝܼܫ: ܡܸܛܠ ܕܐܸܬ̣ܒ̇ܙܸܙ ܥܘܼܫ̱ܢܟܹܝܢ. |
[No book] |
| [15]ܢܸܗܘܹܐ ܕܹܝܢ ܒܝܵܘܡܵܐ ܗܵܘܿ: ܬܸܬ̇ܛܥܹܐ ܨܘܿܪ ܫܲܒ̣ܥܝܼܢ ܫܢ̈ܝܼܢ: ܐܲܝܟ݂ ܝܵܘܡܲܝ̈ ܡܲܠܟܵܐ ܚܲܕ݂. ܘܡ̣ܢ ܒܵܬܲܪ ܫܲܒ̣ܥܝܼܢ ܫܢ̈ܝܢ: ܢܸܙܡ̱ܪܘܿܢ ܠܨܘܿܪ ܙܡܝܼܪܬܵܐ ܕܙܵܢܝܼܬ̣ܵܐ. |
[No book] |
| [16]ܣܲܒ̣ܝ ܟܸܢܵܪܵܐ: ܘܐܸܬ̣ܟܲܪܟ̇ܝ ܩܪܝܼܬ̣ܵܐ: ܙܵܢܝܼܬ̣ܵܐ ܕܐܹܬ̇ܛܲܥܝܲܬ̤. ܩܘܿܫܝ ܫܲܦܝܼܪ: ܐܲܣܓܵܝ ܙܡܵܪܵܐ: ܕܬܸܬ̇ܕܲܟ݂ܪܝܼܢ. |
[No book] |
| [17]ܘܢܸܗܘܹܐ ܡ̣ܢ ܒܵܬܲܪ ܫܲܒ̣ܥܝܼܢ ܫܢ̈ܝܼܢ: ܢܸܦܩܘܿܕ݂ ܡܵܪܝܵܐ ܠܨܘܿܪ: ܘܢܲܗܦܟ݂ܝܼܗ̇ ܠܐܲܓ̣ܝܼܪ̈ܵܬ̣ܵܗ̇. ܘܲܬ̣ܙܲܢܹܐ ܒܟ݂ܠܗܹܝܢ ܡܲܠ̈ܟ̇ܘܵܬ̣ܵܐ ܕܥܲܠ ܐܲܦܲܝ̈ ܐܲܪܥܵܐ. |
[No book] |
| [18]ܘܬܸܗܘܹܐ ܬܹܐܓ̣ܘܿܪܬܵܗ̇ ܘܐܲܓ̣ܪ̈ܵܬ̣ܵܗ̇ ܩܘܼܕ݂ܫܵܐ ܠܡܵܪܝܵܐ. ܠܵܐ ܢܸܬ̇ܬ̇ܣܝܼ̈ܡܵܢ ܒܹܝܬ̣ ܓܲܙܵܐ: ܘܠܵܐ ܢܸܬ̣ܢܲܛܪ̈ܢ. ܐܸܠܵܐ ܠܲܕ݂ܥܵܡ̇ܪܝܼܢ ܩܕ݂ܵܡ ܡܵܪܝܵܐ ܬܸܗܘܹܐ ܬܹܐܓ̣ܘܿܪܬܵܗ̇: ܠܡܹܐܟܲܠ: ܘܲܠܡܸܣܒܲܥ: ܘܠܲܡܟܲܣܵܝܘܼ ܥܲܬ̇ܝܼܩܹ̈ܝܗ̇. |
[No book] |