|
|
| [1]ܘܵܝ ܠܲܕ݂ܒ̣ܵܐܹ̇ܙ ܐܲܢ̄ܬ̇ܘܿܢ ܠܵܐ ܬܸܒ̇ܙܘܼܢ. ܘܕܲܓܵܠܵܐ ܠܵܐ ܢܕ̇ܓܸ̇ܠ ܒܟ݂ܘܿܢ. ܡܵܐ ܕܲܨܒ̇ܝܼܬ̇ܘܿܢ ܠܡܸܒܲܙ: ܬܸܬ̣ܒܲܙܘܼܢ. ܘܡܵܐ ܕܲܨܒܲܝܬ̇ܘܿܢ ܠܲܡܕܲܓܵܠܘܼ: ܢܸܬ̇ܕܲܠܲܓ ܒܟ݂ܘܿܢ. |
[No book] |
| [2]ܡܵܪܝܵܐ: ܪܲܚܸܡ ܥܠܲܝܢ: ܡܸܛܠ ܕܲܥܠܲܝܟ̇ܘܼ ܣܲܒ̣ܪܲܢ. ܗܘ̤ܝܼ ܥܵܕ݂ܘܿܪܲܢ ܒܨܲܦܪܵܐ: ܘܦܵܪܘܿܩܲܢ ܒܙܲܒ̣ܢܵܐ ܕܐܘܼܠܨܵܢܵܐ. |
[No book] |
| [3]ܡ̣ܢ ܩܵܠ ܕܸܚ̱ܠܬ̣ܵܟ݂ ܢܵܕ݂ܘ ܥܲܡܡܹ̈ܐ ܘܡ̣ܢ ܪܵܡܘܼܬ̣ܵܟ݂ ܐܸܬ̣ܒܲܕܲܪܘ ܥܲܡܡܹ̈ܐ. |
[No book] |
| [4]ܡܸܟܹ̇ܝܠ ܬܸܬ̣ܟ̇ܢܸܫ ܒܸܙܲܬ̣ܟ݂ܘܿܢ ܐܲܝܟ݂ ܟܢܘܼܫܝܵܐ ܕܙܵܚܠܵܐ: ܘܐܲܝܟ݂ ܟܢܘܼܫܝܵܐ ܕܩܲܡܨܵܐ ܕܲܟ݂ܢܝܼܫ. |
[No book] |
| [5]ܐܸܬ̇ܬ̇ܪܝܼܡ ܡܵܪܝܵܐ ܕܥܵܡܲܪ ܒܡܪ̈ܵܘܡܹܐ. ܘܲܡܠܵܗ̇ ܠܨܸܗܝܘܿܢ ܕܝܼܢܵܐ ܘܙܲܕ̇ܝܼܩܘܼܬ̣ܵܐ. |
[No book] |
| [6]ܘܢܸܗܘܹܐ ܙܲܒ̣ܢܵܟ݂ ܗܲܝܡܵܢܘܼܬ̣ܵܐ: ܘܦܘܼܪܩܵܢܵܟ݂ ܒܣܸܬܵܪܵܐ. ܚܸܟ݂ܡ̱ܬ̣ܵܐ ܘܝܼܕܲܥܬ̣ܵܐ: ܕܸܚ̱ܠܬ̣ܵܐ ܕܡܵܪܝܵܐ ܗ̤ܝ ܗ̄ܝܼ ܓ̇ܙܹܗ. |
[No book] |
| [7]ܐܸܢ ܢܸܬ̣ܚ̄ܙܹܐ ܠܗܘܿܢ: ܢܲܝܠܠܘܼܢ ܩܲܫܝܵܐܝܼܬ̣. ܘܡܲܠܲܐܟܹ̈ܐ ܕܲܫܠܵܡܵܐ ܢܸܒ̣ܟ̇ܘܿܢ ܡܲܪܝܼܪܵܐܝܼܬ̣. |
[No book] |
| [8]ܨܕ݂ܵܘ ܫܒ̣ܝܼ̈ܠܹܐ: ܘܲܒ̣ܛܸܠ̣ܘ ܥܵܒ̣ܪ̈ܲܝ ܐܘܼܪܚܵܐ. ܘܲܒ̣ܛܸܠ ܩܝܵܡܵܐ. ܘܩܘܼܪ̈ܝܵܐ ܐܸܣܬ̇ܠܝܼ ܘܐ̄ܢܵܫܵܐ ܠܵܐ ܐܸܬ̣ܚ̄ܫܸܒ̣ܘ. |
[No book] |
| [9]ܐܲܠܲܬ̤ ܘܝܸܬ̣ܒܲܬ̤ ܒܐܸܒ̣ܠܵܐ ܐܲܪܥܵܐ. ܘܐܲܚܦܲܪ ܠܸܒ̣ܢܵܢ ܘܲܒ̣ܗܸܬ̣. ܘܲܗܘ̤ܵܐ ܫܵܪܘܿܢܵܐ ܐܲܝܟ݂ ܦܩܲܥܬ̣ܵܐ. ܚܸܪܒܲܬ̤ ܒܲܝܫܵܢ ܘܟܲܪܡ̄ܠܵܐ. |
[No book] |
| [10]ܡܸܟܹ̇ܝܠ ܐܹܩܘܼܡ ܐܵܡܲܪ ܡܵܪܝܵܐ: ܡܸܟܹ̇ܝܠ ܐܸܬ̇ܬ̇ܪܝܼܡ: ܘܡܸܟܹ̇ܝܠ ܐܸܫܬܲܩܲܠ. |
[No book] |
| [11]ܘܬܸܒ̣ܛܢܘܼܢ ܟܘܼ̈ܒܹ̇ܐ: ܘܬܹܐܠܕ̇ܘܼܢ ܩܸܫܬ̣ܵܐ ܒܪܘܼܚܟ݂ܘܿܢ. ܢܘܼܪܵܐ ܬܹܐܟ݂ܘܿܠܟ݂ܘܿܢ. |
[No book] |
| [12]ܘܢܸܗܘܘܿܢ ܥܲܡܡܹ̈ܐ ܡܵܘܩ̄ܕ݂ܝܼܢ ܐܲܝܟ݂ ܟܸܠܫܵܐ. ܘܐܲܝܟ݂ ܟܘܼ̈ܒܹ̇ܐ ܕܲܟ݂ܢܝܼܫܝܼܢ ܒܢܘܼܪܵܐ ܢܹܐܩܕ̇ܘܼܢ. |
[No book] |
| [13]ܫܡܲܥܘ ܪ̈ܲܚܝܼܩܹܐ ܡܸܕܸ̇ܡ ܕܥܸܒ̣ܕܹ̇ܬ̣ ܘܕܲܥܘ ܩܲܪ̈ܝܼܒܹܐ ܓܲܢ̄ܒܵܪܘܼܬ̣ܝ. |
[No book] |
| [14]ܐܸܬ̣ܪ̱ܗܸܒ̣ܘ ܚܲܛܵܝܹ̈ܐ ܒܨܸܗܝܘܿܢ. ܘܲܪܬܹܝܬ̣ܵܐ ܢܦܲܠ̣ ܒܚܲܢ̈ܦܹܐ. ܡܲܢܘܼ ܢܸܥܡܲܪ ܠܲܢ ܥܲܡ ܢܘܼܪܵܐ ܐܵܟܹ̇ܠܬ̣ܵܐ. ܘܡܲܢܘܼ ܢܸܥܡܲܪ ܠܲܢ ܥܲܡ ܡܵܘܩܕܲܬ̣ ܥܵܠܡܹ̈ܐ. |
[No book] |
| [15]ܕܲܡܗܲܠܸܟ݂ ܒܙܲܕ̇ܝܼܩܘܼܬ̣ܵܐ: ܘܲܡܡܲܠܸܠ ܬܪܝܼܨܘܼܬ̣ܵܐ: ܘܣܵܢܹ̇ܐ ܢܸܟ݂ܠܵܐ ܘܲܛܠܘܼܡܝܵܐ: ܘܢܵܦܹ̇ܨ ܐܝܼܕܹܗ ܡ̣ܢ ܕܲܠܡܸܣܲܒ̣ ܫܘܼܚܕܵܐ: ܘܲܡܣܲܟܲܪ ܐܸܕ݂ܢܵܘ̈ܗܝ ܕܠܵܐ ܢܸܫܡܲܥ: ܘܲܡܥܲܡܸܨ ܥܲܝܢܵܘ̈ܗܝ ܕܠܵܐ ܢܸܚܙܹܐ ܒܝܼܫܬܵܐ. |
[No book] |
| [16]ܗܵܢܵܐ ܒܲܡܪܵܘܡܵܐ ܢܸܥܡܲܪ. ܘܲܒ̣ܥܘܼܫܢܵܐ ܕܲܫܩܝܼܦܵܐ ܡܲܫ̱ܪܝܹܗ. ܠܲܚܡܹܗ ܝܑܼܗܝ̣ܒ̣: ܘܡܵܘ̈ܗܝ ܡܗܲܝܡܢܝܼܢ. |
[No book] |
| [17]ܠܡܲܠܟܵܐ ܒܫܘܼܦܪܹܗ ܢܸܚ̈ܙܝܵܢ ܥܲܝܢܲܝ̈ܟ: ܒܐܲܪ̈ܥܵܬ̣ܵܐ ܪ̈ܲܚܝܼܩܵܬ̣ܵܐ. ܘܠܸܒܵܟ݂ ܢܸܬ̣ܝܲܠܲܦ ܕܸܚ̱ܠܬ̣ܵܐ. |
[No book] |
| [18]ܐܲܝܟܵܐ ܗ̄ܘܼ ܣܵܦܪܵܐ ܐܲܝܟܵܐ ܗ̄ܘܼ ܬܵܩܘܿܠܵܐ ܐܲܝܟܵܘ ܕܡܵܢܵܐ ܡܲܓܕ̇ܠܹ̈ܐ ܠܥܲܡܵܐ ܥܲܫܝܼܢܵܐ. |
[No book] |
| [19]ܠܵܐ ܢܚܘܼܪ ܠܥܲܡܵܐ ܕܲܥܛܸܠ ܫܸܡܥܹܗ: ܘܲܠܥܸܓ̣ ܠܸܫܵܢܹܗ: ܘܠܵܐ ܡܸܣܬܲܟܲܠ. |
[No book] |
| [20]ܚܙܝܼ ܠܨܸܗܝܘܿܢ ܩܪܝܼܬ̣ܵܐ ܕܥܲܕ݂ܥܹ̈ܕܲܝܢ. ܘܥܲܝܢܲܝ̈ܟ ܢܚܘܼܪ̈ܵܢ ܒܐܘܿܪܸܫܠܸܡ ܕܲܝܪܵܐ ܥܲܬ̇ܝܼܪܬܵܐ. ܡܲܫܟ̇ܢܵܐ ܕܠܵܐ ܙܵܐܲܥ: ܘܠܵܐ ܡܸܬ̣ܥܲܩܪ̈ܵܢ ܣܸܟܵܘ̈ܗܝ ܠܥܵܠܡܝܼܢ: ܘܟ݂ܠܗܘܿܢ ܛܘܼܢܒܵܘ̈ܗܝ ܠܵܐ ܡܸܬ̣ܦܲܣܩܝܼܢ. |
[No book] |
| [21]ܡܸܛܠ ܕܡܵܪܝܵܐ ܫܡܵܐ ܗ̄ܘܼ ܠܲܢ ܡܫܲܒ̇ܚܵܐ ܘܗ̤ܘ ܢܸܗܘܹܐ ܠܲܢ ܐܲܬ̣ܪܵܐ ܢܲܗܝܼܪܵܐ: ܘܢܲܗܝܼܪܘܼܬ̣ܵܐ ܘܲܪܘܲܚܬ̣ܵܐ ܕܐܝܼ̈ܕܲܝܵܐ. ܕܠܵܐ ܬܲܡܠܸܟ݂ ܡܵܪܘܼܬ̣ܵܐ ܕܫܲܠܝܼܛܵܐ ܘܥܲܫܝܼܢܵܐ ܕܢܸܫܬ̇ܟܲܚ: ܠܵܐ ܢܸܥܒܲܪ ܒܵܗ̇. |
[No book] |
| [22]ܡܸܛܠ ܕܡܵܪܝܵܐ ܗ̄ܘܼ ܕܲܝܵܢܵܐ ܘܡܵܪܝܵܐ ܗ̄ܘܼ ܡܒܲܕ̇ܩܵܢܵܐ. ܘܡܵܪܝܵܐ ܗ̄ܘܼ ܡܲܠܟܲܢ: ܘܗܘ̤ܝܘܼ ܦܵܪܘܿܩܲܢ. |
[No book] |
| [23]ܐܸܫܬ̇ܪܝܼܘ ܚܲܒ̣̈ܠܲܝܟ̇ܝ ܕܠܵܐ ܐܸܫܬܲܕܪܘ ܘܐܸܬ̣ܪ̱ܟܸܢܘ ܥܲܡܘܼܕܲܝ̈ܟ̇ܝ ܕܠܵܐ ܦܫܲܛܘ ܐܵܬ̤ܵܐ: ܥܕܲܡܵܐ ܕܦܲܠܸܓ̣ܘ ܒܸܙܬ̣ܵܐ: ܘܣܘܿܓ̣ܵܐܐ ܕܲܚܓܝܼܪܹ̈ܐ ܫܒܵܘ ܫܒ̣ܝܼܬ̣ܵܐ. |
[No book] |
| [24]ܘܠܵܐ ܢܹܐܡܲܪ ܥܵܡܘܿܪܵܐ ܕܲܟ݂ܪܝܼܗ ܐ̄ܢܵܐ ܥܲܡܵܐ ܕܝܵܬܹܒ̣ ܒܵܗ̇: ܩܲܒܸ̇ܠ ܚܛܵܗܵܐ. |
[No book] |