Electronic Study Bible

« ➖ ➕	➖ »
Peshitta OT PesOT	Peshitta OT PesOT
← Isaiah Isa 35 →
[1]ܢܸܚܕܸ̇ܐ ܡܲܕ݂ܒ̇ܪܵܐ ܨܲܗܝܵܐ. ܘܲܬ̇ܕ݂ܘܼܨ ܦܩܲܥܬ̣ܵܐ: ܘܬܲܦܪܲܥ ܐܲܝܟ݂ ܚܲܡܨܲܠܵܝܬܵܐ.	[1]ܢܸܚܕܸ̇ܐ ܡܲܕ݂ܒ̇ܪܵܐ ܨܲܗܝܵܐ. ܘܲܬ̇ܕ݂ܘܼܨ ܦܩܲܥܬ̣ܵܐ: ܘܬܲܦܪܲܥ ܐܲܝܟ݂ ܚܲܡܨܲܠܵܝܬܵܐ.
[2]ܘܲܬ̇ܕ݂ܘܼܨ ܐܲܝܟ݂ ܕܲܝܨܵܐ. ܘܲܒ̣ܫܘܼܒ̣ܚܵܐ ܐܝܼܩܵܪܵܐ ܕܠܸܒ̣ܢܵܢ ܢܸܬ̣̱ܝܼܗܸܒ̣ ܠܵܗ̇. ܘܗܸܕ݂ܪܹܗ ܕܟܲܪܡ̄ܠܵܐ ܘܲܕ݂ܫܵܪܘܿܢܵܐ. ܗܸܢ̣ܘܿܢ ܢܸܚܙܘܿܢ ܐܝܼܩܵܪܹܗ ܕܡܵܪܝܵܐ: ܘܗܸܕ݂ܪܹܗ ܕܐܲܠܵܗܲܢ.	[2]ܘܲܬ̇ܕ݂ܘܼܨ ܐܲܝܟ݂ ܕܲܝܨܵܐ. ܘܲܒ̣ܫܘܼܒ̣ܚܵܐ ܐܝܼܩܵܪܵܐ ܕܠܸܒ̣ܢܵܢ ܢܸܬ̣̱ܝܼܗܸܒ̣ ܠܵܗ̇. ܘܗܸܕ݂ܪܹܗ ܕܟܲܪܡ̄ܠܵܐ ܘܲܕ݂ܫܵܪܘܿܢܵܐ. ܗܸܢ̣ܘܿܢ ܢܸܚܙܘܿܢ ܐܝܼܩܵܪܹܗ ܕܡܵܪܝܵܐ: ܘܗܸܕ݂ܪܹܗ ܕܐܲܠܵܗܲܢ.
[3]ܙܘܼܗܵܪܵܐ ܘܠܘܼܒܵܒ̣ܵܐ ܕܲܡܚܝܼ̈ܠܹܐ ܕܐܵܬܹܐ ܦܵܪܘܿܩܵܐ ܘܦܵܪܹܩ ܠܗܘܿܢ. ܐܸܬ̣ܚܲܝܲܠܹܝ̈ܢ ܐܝܼ̈ܕܲܝܵܐ ܕܲܡܪ̈ܲܦܝܵܢ. ܘܒ̣ܘܼܪ̈ܟܹ̇ܐ ܕܪ̈ܵܥܠܵܢ ܐܸܫܬܲܪܲܪܹ̈ܝܢ.	[3]ܙܘܼܗܵܪܵܐ ܘܠܘܼܒܵܒ̣ܵܐ ܕܲܡܚܝܼ̈ܠܹܐ ܕܐܵܬܹܐ ܦܵܪܘܿܩܵܐ ܘܦܵܪܹܩ ܠܗܘܿܢ. ܐܸܬ̣ܚܲܝܲܠܹܝ̈ܢ ܐܝܼ̈ܕܲܝܵܐ ܕܲܡܪ̈ܲܦܝܵܢ. ܘܒ̣ܘܼܪ̈ܟܹ̇ܐ ܕܪ̈ܵܥܠܵܢ ܐܸܫܬܲܪܲܪܹ̈ܝܢ.
[4]ܐܸܡܲܪܘ ܠܲܙܥܘܿܪ̈ܲܝ ܠܸܒܵܐ: ܐܸܬ̣ܚܲܝܲܠܘ ܘܠܵܐ ܬܸܕ݂ܚ̄ܠܘܼܢ ܗܵܐ ܐܲܠܵܗܟ݂ܘܿܢ ܬܵܒ̣ܘܿܥܵܐ ܐܵܬܹ̇ܐ. ܐܲܠܵܗܵܐ ܦܵܪܘܿܩܵܐ ܐܵܬܹ̇ܐ: ܘܦܵܪܹܩ ܠܟ݂ܘܿܢ.	[4]ܐܸܡܲܪܘ ܠܲܙܥܘܿܪ̈ܲܝ ܠܸܒܵܐ: ܐܸܬ̣ܚܲܝܲܠܘ ܘܠܵܐ ܬܸܕ݂ܚ̄ܠܘܼܢ ܗܵܐ ܐܲܠܵܗܟ݂ܘܿܢ ܬܵܒ̣ܘܿܥܵܐ ܐܵܬܹ̇ܐ. ܐܲܠܵܗܵܐ ܦܵܪܘܿܩܵܐ ܐܵܬܹ̇ܐ: ܘܦܵܪܹܩ ܠܟ݂ܘܿܢ.
[5]ܗܵܝܕܹ̇ܝܢ ܢܸܬ̣ܦܲـ̈ـܬ̇ܚܵܢ ܥܲܝܢܲܝ̈ܗܘܿܢ ܕܲܥܘܝܼܪܹ̈ܐ. ܘܐܸܕ݂ܢܲܝ̈ܗܘܿܢ ܕܚܲܪ̈ܫܹܐ ܢܸܬ̣ܦܲـ̈ـܬ̇ܚܵܢ.	[5]ܗܵܝܕܹ̇ܝܢ ܢܸܬ̣ܦܲـ̈ـܬ̇ܚܵܢ ܥܲܝܢܲܝ̈ܗܘܿܢ ܕܲܥܘܝܼܪܹ̈ܐ. ܘܐܸܕ݂ܢܲܝ̈ܗܘܿܢ ܕܚܲܪ̈ܫܹܐ ܢܸܬ̣ܦܲـ̈ـܬ̇ܚܵܢ.
[6]ܗܵܝܕܹ̇ܝܢ ܢܩܲܝܸܙ ܚܓ̣ܝܼܪܵܐ ܐܲܝܟ݂ ܐܲܝܠܵܐ. ܘܢܸܬ̣ܦܫܸܛ ܠܸܫܵܢܹܗ ܕܦܹܐܩܵܐ. ܡܸܛܠ ܕܐܸܬ̇ܬ̇ܪܲܥܘ ܡܲـ̈ـܝܵܐ ܒܡܲܕ݂ܒ̇ܪܵܐ: ܘܢܲܚ̈ܠܹܐ ܒܲܦܩܲܥܬ̣ܵܐ.	[6]ܗܵܝܕܹ̇ܝܢ ܢܩܲܝܸܙ ܚܓ̣ܝܼܪܵܐ ܐܲܝܟ݂ ܐܲܝܠܵܐ. ܘܢܸܬ̣ܦܫܸܛ ܠܸܫܵܢܹܗ ܕܦܹܐܩܵܐ. ܡܸܛܠ ܕܐܸܬ̇ܬ̇ܪܲܥܘ ܡܲـ̈ـܝܵܐ ܒܡܲܕ݂ܒ̇ܪܵܐ: ܘܢܲܚ̈ܠܹܐ ܒܲܦܩܲܥܬ̣ܵܐ.
[7]ܢܸܗܘܘܿܢ ܐܲܓ̣ܡܹ̈ܐ ܒܐܲܬ̣ܪܵܐ ܚܘܼܪܒܵܐ: ܘܡܲܒ̇ܘܼ̈ܥܹܐ ܕܡܲـ̈ـܝܵܐ ܒܹܝܬ̣ ܨܲܗ̈ܘܵܢܹܐ. ܢܹܐܥܹܐ ܥܡܝܼܪܵܐ ܘܩܲܢܝܵܐ ܘܐܲܪܒ̣ܵܢܵܐ ܒܕܲܝܪܵܐ ܕܝܵܪܘܿܪܹ̈ܐ.	[7]ܢܸܗܘܘܿܢ ܐܲܓ̣ܡܹ̈ܐ ܒܐܲܬ̣ܪܵܐ ܚܘܼܪܒܵܐ: ܘܡܲܒ̇ܘܼ̈ܥܹܐ ܕܡܲـ̈ـܝܵܐ ܒܹܝܬ̣ ܨܲܗ̈ܘܵܢܹܐ. ܢܹܐܥܹܐ ܥܡܝܼܪܵܐ ܘܩܲܢܝܵܐ ܘܐܲܪܒ̣ܵܢܵܐ ܒܕܲܝܪܵܐ ܕܝܵܪܘܿܪܹ̈ܐ.
[8]ܘܢܸܗܘܸܐ ܬܲܡܵܢ ܫܒ̣ܝܼܠܵܐ: ܘܐܘܼܪܚܵܐ ܩܲܕ̇ܝܼܫܬܵܐ ܢܸܬ̣ܩ̄ܪܸܐ: ܘܠܵܐ ܬܸܥܒܲܪ ܒܹܗ ܛܲܢܦܘܼܬ̣ܵܐ. ܘܠܵܐ ܬܸܗܘܹܐ ܒܹܗ ܐܘܼܪܚܵܐ. ܘܣܲܟ݂̈ܠܹܐ ܠܵܐ ܢܸܛܥܘܿܢ ܬܲܡܵܢ.	[8]ܘܢܸܗܘܸܐ ܬܲܡܵܢ ܫܒ̣ܝܼܠܵܐ: ܘܐܘܼܪܚܵܐ ܩܲܕ̇ܝܼܫܬܵܐ ܢܸܬ̣ܩ̄ܪܸܐ: ܘܠܵܐ ܬܸܥܒܲܪ ܒܹܗ ܛܲܢܦܘܼܬ̣ܵܐ. ܘܠܵܐ ܬܸܗܘܹܐ ܒܹܗ ܐܘܼܪܚܵܐ. ܘܣܲܟ݂̈ܠܹܐ ܠܵܐ ܢܸܛܥܘܿܢ ܬܲܡܵܢ.
[9]ܘܠܵܐ ܢܸܗܘܹܐ ܬܲܡܵܢ ܐܲܪܝܵܐ. ܘܚܲܝ̈ܘܵܬ̣ܵܐ ܒܝܼ̈ܫܵܬ̣ܵܐ ܠܵܐ ܢܸܣ̈ܩܵܢ: ܘܠܵܐ ܢܸܫܬܲܟ݂̈ܚܵܢ ܬܲܡܵܢ.	[9]ܘܠܵܐ ܢܸܗܘܹܐ ܬܲܡܵܢ ܐܲܪܝܵܐ. ܘܚܲܝ̈ܘܵܬ̣ܵܐ ܒܝܼ̈ܫܵܬ̣ܵܐ ܠܵܐ ܢܸܣ̈ܩܵܢ: ܘܠܵܐ ܢܸܫܬܲܟ݂̈ܚܵܢ ܬܲܡܵܢ.
[10]ܘܢܹܐܙܠ̄ܘܼܢ ܦܪ̈ܝܼܩܹܐ: ܦܪ̈ܝܼܩܵܘܗܝ ܕܡܵܪܝܵܐ. ܘܢܸܬ̣ܦ̄ܢܘܿܢ ܘܢܸܥܠܘܼܢ ܠܨܸܗܝܘܿܢ ܒܫܘܼܒ̣ܚܵܐ. ܘܲܠܥܵܠܡܝܼܢ ܬܸܗܘܹܐ ܚܲܕ݂ܘܼܬ̣ܵܐ ܥܲܠ ܪܹ̈ܫܲܝܗܘܿܢ. ܒܘܼܣܵܡܵܐ ܘܚܲܕ݂ܘܼܬ̣ܵܐ ܢܲܕ݂ܪ̱ܟ݂ܘܼܢ. ܘܢܸܥܪ̱ܩܘܼܢ ܕܵܘ̈ܘܿܢܹܐ ܘܬܸܢ̈ܚܵܬ̣ܵܐ.	[10]ܘܢܹܐܙܠ̄ܘܼܢ ܦܪ̈ܝܼܩܹܐ: ܦܪ̈ܝܼܩܵܘܗܝ ܕܡܵܪܝܵܐ. ܘܢܸܬ̣ܦ̄ܢܘܿܢ ܘܢܸܥܠܘܼܢ ܠܨܸܗܝܘܿܢ ܒܫܘܼܒ̣ܚܵܐ. ܘܲܠܥܵܠܡܝܼܢ ܬܸܗܘܹܐ ܚܲܕ݂ܘܼܬ̣ܵܐ ܥܲܠ ܪܹ̈ܫܲܝܗܘܿܢ. ܒܘܼܣܵܡܵܐ ܘܚܲܕ݂ܘܼܬ̣ܵܐ ܢܲܕ݂ܪ̱ܟ݂ܘܼܢ. ܘܢܸܥܪ̱ܩܘܼܢ ܕܵܘ̈ܘܿܢܹܐ ܘܬܸܢ̈ܚܵܬ̣ܵܐ.