|
|
| [1]ܫܡܲܥܘ ܗܵܠܹܝܢ ܕܒܹܝܬ̣ ܝܲܥܩܘܿܒ̣: ܕܡܸܬ̣ܩܪܝܼܢ ܒܲܫܡܹܗ ܕܝܼܣܪܵܝܹܠ: ܘܡ̣ܢ ܡܲـ̈ـܝܵܐ ܕܲܝܗܘܼܕ݂ܵܐ ܢܦܲܩ̣ܘ: ܕܝܵܡܹ̇ܝܢ ܒܲܫܡܹܗ ܕܡܵܪܝܵܐ: ܘܒܲܐܠܵܗܵܐ ܕܝܼܣܪܵܝܹܠ ܡܲܕ݂ܟ̇ܪܝܼܢ: ܠܵܐ ܒܩܘܼܫܬܵܐ ܘܠܵܐ ܒܙܲܕ̇ܝܼܩܘܼܬ̣ܵܐ. |
[No book] |
| [2]ܡܸܛܠ ܕܡ̣ܢ ܩܪܝܼܬ̣ܵܐ ܕܩܘܼܕ݂ܫܵܐ ܐܸܬ̣ܩܪܝܼܘ: ܘܥܲܠ ܐܲܠܵܗܵܐ ܕܝܼܣܪܵܝܹܠ ܐܸܣܬ̇ܡܸܟ݂ܘ: ܡܵܪܝܵܐ ܚܲܝܠܬ̣ܵܢܵܐ ܫܡܹܗ. |
[No book] |
| [3]ܩܲܕ݂ܡܵܝܵـ̈ـܬ̣ܵܐ ܕܡ̣ܢ ܪܹܫܝܼܬ̣ܵܐ ܚܵܘܝܼܬ̣. ܘܡ̣ܢ ܦܘܼܡܝ ܢܦܲܩ̣: ܘܐܲܫ̱ܡ̇ܥܹܬ̣ ܐܸܢܹܝܢ ܠܟ݂ܘܿܢ. ܘܡ̣ܢ ܫܸܠܝܵܐ ܥܵܒܹ̇ܕ݂ ܐ̄ܢܵܐ ܘܐܵܬ̣̈ܝܵܢ. |
[No book] |
| [4]ܝܵܕܲܥ ܕܲܩܫܸܐ ܐܲܢ̄ܬ̇ ܘܲܩܕ݂ܵܠܵܟ݂ ܓܝܵܕܵܐ ܗ̄ܘܼ ܕܦܲܪܙܠܵܐ. ܘܒܹܝܬ̣ ܥܲܝܢܲܝ̈ܟ ܢܚܵܫܵܐ. |
[No book] |
| [5]ܘܚܵܘܝܼܬ̣ܵܟ݂ ܡ̣ܢ ܩܕ݂ܝܼܡ. ܘܥܲܕ݂ܠܵܐ ܬܹܐܬܹܐ ܐܲܫܡܲܥܬܵܟ݂ ܕܠܵܐ ܬܹܐܡܲܪ ܦܬ̣ܟ݂ܪ̈ܲܝ ܥ̣ܒܲܕ݂ܘ: ܘܲܓ̣ܠܝܼܦܲܝ̈ ܘܲܢܣܝܼܟܲܝ̈ ܦܲܪܩܘܼܢܝ. |
[No book] |
| [6]ܫܸܡ̇ܥܹܬ̣ ܘܲܚܙܹ̇ܝܬ̣ ܟܠܗܹܝܢ ܘܐܲܢ̄ܬ̇ܘܿܢ ܠܵܐ ܬܚܵܘܘܿܢ. ܐܲܫܡܲܥܬܵܟ݂ ܚܲܕ݂̈ܬ̣ܵܬ̣ܵܐ ܕܡ̣ܢ ܗܵܫܵܐ ܢܛܝܼܪ̈ܵܢ: ܘܠܵܐ ܝܼܕܲܥܬ̇. |
[No book] |
| [7]ܘܡܸܟܹ̇ܝܠ ܡܸܬ̣ܒܲܪ̈ܝܵܢ ܘܠܵܐ ܡ̣ܢ ܩܕ݂ܝܼܡ. ܘܡ̣ܢ ܩܕ݂ܵܡ ܝܵܘܡܵܐ ܠܵܐ ܫܡܲܥܬ̇ ܐܸܢܹܝܢ: ܕܠܵܐ ܬܹܐܡܲܪ ܕܝܵܕܲܥ ܐ̄ܢܵܐ ܠܗܹܝܢ. |
[No book] |
| [8]ܠܵܐ ܫܡܲܥ̣ܬ̇ ܐܵܦܠܵܐ ܝܵܕܲܥ ܐܲܢ̄ܬ̇ ܠܗܹܝܢ. ܘܡ̣ܢ ܩܕ݂ܝܼܡ ܠܵܐ ܐܸܬ̣ܦܬܲܚ ܐܸܕ݂ܢܲܝ̈ܟ ܝܵܕܲܥ̣ ܐ̄ܢܵܐ ܕܲܡܕܲܓܵܠܘܼ ܡܕܲܓܸ̇ܠ ܐ̄ܢܬ̇. ܘܥܵܘܿܠܵܐ ܡ̣ܢ ܟܲܪܣܵܐ ܐܸܬ̣ܩܪܝܼܬ̇. |
[No book] |
| [9]ܡܸܛܠ ܫܹܡܝ ܐܵܘܪܸܟ݂ ܪܙܼܓ̣ܙܝܼ ܘܬܸܫܒ̇ܘܿܚܬ̇ܝ ܐܸܛܲܪ ܠܵܟ݂: ܘܠܵܐ ܐܵܘܒ̇ܕ݂ܵܟ݂. |
[No book] |
| [10]ܗܵܐ ܨܪܲܦܬܵܟ݂ ܘܠܵܐ ܒܟܸܣܦܵܐ. ܘܲܒ̣ܚܲܪܬܵܟ݂ ܒܟ݂ܘܼܪܵܐ ܕܡܸܣܟܹ̇ܢܘܼܬ̣ܵܐ. |
[No book] |
| [11]ܡܸܛܠܵܬ̣ܝ ܐܸܥܒܸ̇ܕ݂ ܕܠܵܐ ܐܸܬ̇ܛܵܘܲܫ ܘܐܝܼܩܵܪܝ ܠܐܲܚܪܹܝܢ ܠܵܐ ܐܸܬܸ̇ܠ. |
[No book] |
| [12]ܫܡܲܥܲܝܢܝ ܝܲܥܩܘܿܒ̣ ܘܝܼܣܪܵܝܹܠ ܕܲܩܪܝܼܬ̣. ܐܸܢܵܐ ܐ̄ܢܵܐ ܩܲܕ݂ܡܵܝܵܐ: ܘܐܸܢܵܐ ܐ̄ܢܵܐ ܐ̄ܚܪܵܝܵܐ. |
[No book] |
| [13]ܘܐܝܼܕ݂ܝ ܐܲܬ̣ܩܢܲܬ̤ ܫܲܬ̣ܐ̱ܣܹ̈ܝܗ̇ ܕܐܲܪܥܵܐ. ܘܝܲܡܝܼܢܝ ܛܸܦܚܲܬ̤ ܫܡܲܝܵܐ. ܩܵܪܹܐ ܐ̄ܢܵܐ ܠܗܘܿܢ: ܘܩܵܝ̇ܡܝܼܢ ܐܲܟ݂ܚ̄ܕ݂ܵܐ. |
[No book] |
| [14]ܐܸܬ̣ܟܲܢܲܫܘ ܟܠܟ݂ܘܿܢ ܘܲܫܡܲܥܘ ܡܲܢܘܼ ܐܝܼܬ̣ ܒܟ݂ܘܿܢ ܕܲܡܚܵܘܹܐ ܗܵܠܹܝܢ. ܡܵܪܝܵܐ ܪܚܸܡ̣ ܕܢܸܥܒܸ̇ܕ݂ ܨܸܒ̣ܝܵܢܹܗ ܒܒ̣ܵܒܹܠ: ܘܲܒ̣ܙܲܪܥܵܐ ܕܟܲܠܕ݂ܵܝܹ̈ܐ. |
[No book] |
| [15]ܐܸܢܵܐ ܡܲܠܠܹ̇ܬ̣ ܘܐܵܦ ܩܪܹܝܬ̣ ܘܐܲܝܬ̇ܝܼܬܵܗ̇ ܘܐܲܨܠܚܹ̇ܬ̣ ܐܘܼܪܚܹܗ. |
[No book] |
| [16]ܩܪܘܿܒ̣ܘ ܠܘܵܬ̣ܝ ܘܲܫܡܲܥܘ ܗܵܕܹܐ. ܕܡ̣ܢ ܪܹܫܝܼܬ̣ܵܐ ܒܛܘܼܫܝܵܐ ܠܵܐ ܡܲܠܠܹܬ̣ ܘܡ̣ܢ ܙܲܒ̣ܢܵܐ ܕܲܗܘ̤ܵܬ̣ ܬܲܡܵܢ ܐ̄ܢܵܐ. ܘܗܵܫܵܐ ܡܵܪܝܵܐ ܐܲܠܵܗܵܐ ܫܲܕ̇ܪܲܢܝ ܘܪܘܼܚܹܗ. |
[No book] |
| [17]ܗܵܟܲܢܵܐ ܐܵܡܲܪ ܡܵܪܝܵܐ ܦܵܪܘܿܩܵܟ݂ ܩܲܕ̇ܝܼܫܵܐ ܕܝܼܣܪܵܝܹܠ ܐܸܢܵܐ ܡܵܪܝܵܐ ܐܲܠܵܗܵܟ݂ ܡܲܠܸܦ ܐ̄ܢܵܐ ܠܵܟ݂ ܕܠܵܐ ܬܲܥܠܹܐ ܘܲܡܚܵܘܹܐ ܐ̄ܢܵܐ ܠܵܟ݂ ܐܘܼܪܚܵܐ ܕܬܹܐܙܲܠ ܒܵܗ̇. |
[No book] |
| [18]ܠܘܲܝ ܕܹܝܢ ܨܵܐܹ̇ܬ̣ ܐܲܢ̄ܬ̇ ܦܘܼܩܕܵܢܲܝ̈. ܘܗܵܘܹ̇ܐ ܫܠܵܡܵܟ݂ ܐܲܝܟ݂ ܢܲܗܪܵܐ: ܘܙܲܕ̇ܝܼܩܘܼܬ̣ܵܟ݂ ܐܲܝܟ݂ ܓܲܠܠܹ̈ܐ ܕܝܲܡܵܐ. |
[No book] |
| [19]ܘܗܵܘܹ̇ܐ ܙܲܪܥܵܟ݂ ܐܲܝܟ݂ ܚܵܠܵܐ: ܘܝܲܠܕܵܐ ܕܲܡܥܲܝ̈ܟ ܐܲܝܟ݂ ܚܨܵܨܵܘ̈ܗܝ ܘܠܵܐ ܢܣܘܼܦ ܘܠܵܐ ܢܹܐܒܲܕ݂ ܫܡܹܗ ܡ̣ܢ ܩܕ݂ܵܡܲܝ. |
[No book] |
| [20]ܦܘܿܩܘ ܡ̣ܢ ܒܵܒܹܠ: ܥܪܘܿܩܘ ܡ̣ܢ ܟܲܠܕ݂ܵܝܹ̈ܐ ܒܩܵܠܵܐ ܕܬܸܫܒ̇ܘܿܚܬܵܐ ܚܵܘܵܘ ܗܵܕܹܐ. ܘܐܲܫܡ̱ܥܘܼܗ̇ ܘܐܲܦܩܘܼܗ̇ ܥܕܲܡܵܐ ܠܣܵܘ̈ܦܹܝܗ̇ ܕܐܲܪܥܵܐ. ܘܐܸܡܲܪܘ: ܦܪܲܩ̣ ܡܪܝܵܐ ܠܝܲܥܩܘܿܒ̣ ܥܲܒ̣ܕܹ̇ܗ. |
[No book] |
| [21]ܒܚܲܪ̈ܒ̣ܵܬ̣ܵܐ ܗܲܠܸܟ݂ ܐܸܢܘܿܢ. ܘܡܲـ̈ـܝܵܐ ܡ̣ܢ ܛܲܪܵܢܵܐ ܐܲܪܕ̇ܝܼ ܠܗܘܿܢ ܒܲܙܲܥ̣ ܟܹܐܦܵܐ ܘܲܪܕ݂ܵܘ ܡܲـ̈ـܝܵܐ. |
[No book] |
| [22]ܠܲܝܬ̇ ܫܠܵܡܵܐ ܠܪ̈ܲܫܝܼܥܹܐ: ܐܵܡܲܪ ܡܵܪܝܵܐ. |
[No book] |