|
|
| [1]ܫܡܲܥܹ̈ܝܢ ܓܵܙܪ̈ܵܬ̣ܵܐ: ܘܨܘܼ̈ܬܹܝܢ ܐܸܡ̈ܘܵܬ̣ܵܐ. ܡ̣ܢ ܪܘܼܚܩܵܐ ܡܵܪܝܵܐ ܩ̣ܪܵܢܝ. ܘܡ̣ܢ ܡܲܪܒ̇ܥܵܐ ܘܡ̣ܢ ܟܲܪܣܵܗ̇ ܕܐܹܡܝ ܕܟܲܪ ܫܹܡܝ. |
[No book] |
| [2]ܥ̣ܒܲܕ݂ ܦܘܼܡܝ ܐܲܝܟ݂ ܣܲܝܦܵܐ ܚܲܪܝܼܦܵܐ ܘܲܒ̣ܛܸܠܵܠܵܐ ܕܐܝܼܕܹܗ ܛܲܫܝܲܢܝ ܥܲܒ̣ܕܲܢܝ ܐܲܝܟ݂ ܓܹܐܪܵܐ ܓܲܒ̣ܝܵܐ: ܘܒܲܩܛܸܪܩܹܗ ܣܲܬ̇ܪܲܢܝ. |
[No book] |
| [3]ܘܐܸܡܲܪ ܠܝܼ܆ ܥܲܒ̣ܕ̇ܝ ܐܲܢ̄ܬ̇: ܝܼܣܪܵܝܹܠ ܕܒ̣ܵܟ݂ ܡܸܫܬܲܒܲܚ ܐ̄ܢܵܐ. |
[No book] |
| [4]ܘܠܵܐ ܐܸܡ̇ܪܹܬ̣ ܠܙܲܪܥܹܗ ܕܝܲܥܩܘܿܒ̣ ܕܲܣܪܝܼܩܵܐܝܼܬ̣ ܠܐܝܼܬ̇ ܘܝܸܗ̄ܒܹ̇ܬ̣ ܚܠܝ ܠܲܣܪܝܼܩܘܼܬ̣ܵܐ. ܫܲܪܝܼܪܵܐܝܼܬ̣ ܕܝܼܢܝ ܩܕ݂ܵܡ ܡܵܪܝܵܐ: ܘܲܥܒܵܕ݂ܝ ܩܕ݂ܵܡ ܐܲܠܵܗܝ. |
[No book] |
| [5]ܗܵܫܵܐ ܗܵܟܲܢܵܐ ܐܵܡܲܪ ܡܵܪܝܵܐ: ܕܓܲܒ̣ܠܢܝ ܒܡܲܪܒ̇ܥܵܐ ܕܐܸܗܘܹܐ ܠܹܗ ܥܲܒ̣ܕܵܐ: ܘܐܲܦܢܸܐ ܠܝܲܥܩܘܿܒ̣ ܠܘܵܬܹܗ: ܘܠܝܼܣܪܵܝܹܠ ܐܹܟܲܢܸܫ ܐܸܫܬܲܒ̇ܚܹ̇ܬ̣ ܩܕ݂ܵܡ ܡܵܪܝܵܐ. ܘܐܲܠܵܗܝ ܗܘ̤ܵܐ ܥܘܼܫܢܝ. |
[No book] |
| [6]ܘܐܸܡܲܪ ܙܥܘܿܪܵܐ ܗ̄ܝܼ ܕܬܸܗܘܹܐ ܠܝܼ ܥܲܒ̣ܕܵܐ: ܘܲܬ̣ܩܝܼܡ ܫܲܒ̣ܛܵܐ ܕܝܲܥܩܘܿܒ̣: ܘܬܲܦܢܸܐ ܢܘܼܪܒܹ̇ܗ ܕܝܼܣܪܵܝܹܠ. ܝܲܗ̄ܒ̣ܬܵܟ݂ ܢܘܼܗܪܵܐ ܠܥܲܡܡܹ̈ܐ: ܕܬܸܗܘܹܐ ܦܘܼܪܩܵܢܝ ܥܕܲܡܵܐ ܠܣܵܘ̈ܦܹܝܗ̇ ܕܐܲܪܥܵܐ. |
[No book] |
| [7]ܗܵܟܲܢܵܐ ܐܵܡܲܪ ܡܵܪܝܵܐ ܩܲܕ̇ܝܼܫܵܐ ܕܝܼܣܪܵܝܹܠ: ܘܦܵܪܘܿܩܹܗ: ܠܲܕ݂ܡܸܣܬܲܠܝܵܐ ܢܲܦ̮ܫܹܗ: ܠܲܕ݂ܡܲܣܠܲܝ ܡ̣ܢ ܥܲܡܵܐ ܘܡ̣ܢ ܥܲܒ̣ـ̈ـܕܹ̇ܐ ܕܫܲܠܝܼܛܵܢܹ̈ܐ: ܡܲܠ̈ܟܹ̇ܐ ܢܸܚܙܘܿܢ ܘܲܢܩܘܼܡܘܼܢ: ܘܫܲܠܝܼܛܵܢܹ̈ܐ ܢܸܣܓ̇ܕ݂ܘܼܢ ܠܹܗ. ܡܸܛܠ ܡܵܪܝܵܐ ܕܲܡܗܲܝܡܲܢ: ܩܲܕ̇ܝܼܫܵܐ ܕܝܼܣܪܵܝܹܠ ܕܲܓ̣ܒ̣ܵܟ݂. |
[No book] |
| [8]ܗܵܟܲܢܵܐ ܐܵܡܲܪ ܡܵܪܝܵܐ: ܒܙܲܒ̣ܢܵܐ ܕܨܸܒ̣ܝܵܢܵܐ ܥܢܹܝܬ̣ܵܟ݂ ܘܲܒ̣ܝܵܘܡܵܐ ܕܦܘܼܪܩܵܢܵܐ ܥܲܕܲܪܬܵܟ݂. ܘܲܓ̣ܒܲܠܬܵܟ݂: ܘܝܲܗ̄ܒ̣ܬܵܟ݂ ܩܝܵܡܵܐ ܠܥܲܡܵܐ: ܘܢܘܼܗܪܵܐ ܠܥܲܡܡܹ̈ܐ. ܕܲܬ̣ܩܝܼܡ ܐܲܪܥܵܐ: ܘܬܹܐܪܲܬ̣ ܝܵܪܬ̇ܘܼܬ̣ܵܐ ܕܚܲܪ̈ܒ̣ܵܬ̣ܵܐ. |
[No book] |
| [9]ܘܬܹܐܡܲܪ ܠܐܲܣܝܼܪܹ̈ܐ ܕܦܘܿܩܘ: ܘܠܲܚܒ̣ܝܼ̈ܫܹܐ ܕܐܸܬ̣ܓ̇ܠܵܘ. ܥܲܠ ܐܘܼܪ̈ܚܵܬ̣ܵܐ ܢܸܪܥܘܿܢ: ܘܲܒ̣ܟ݂ܠܗܘܿܢ ܫܒ̣ܝܼ̈ܠܹܐ ܡܲܪ̈ܥܝܵܬ̣ܗܘܿܢ. |
[No book] |
| [10]ܠܵܐ ܢܸܟ݂ܦ̄ܢܘܿܢ: ܘܠܵܐ ܢܸܨܗܘܿܢ. ܘܠܵܐ ܢܲܟܸ̇ܐ ܐܸܢܘܿܢ ܫܵܘܒܵܐ ܘܫܸܡܫܵܐ. ܡܸܛܠ ܕܲܡܪܲܚܡܵܢܗܘܿܢ ܢܕܲܒܲܪ ܐܸܢܘܿܢ. ܘܲܠܡܲܒ̇ܘܼܥܹ̈ܐ ܕܡܲـ̈ـܝܵܐ ܢܲܝܬܹ̇ܐ ܐܸܢܘܿܢ. |
[No book] |
| [11]ܐܸܥܒܸ̇ܕ݂ ܟܠܗܘܿܢ ܛܘܼܪܹ̈ܐ ܐܘܼܪ̈ܚܵܬ̣ܵܐ: ܘܲܫܒ̣ܝܼ̈ܠܹܐ ܢܸܬ̇ܬ̇ܪܝܼܡܘܿܢ. |
[No book] |
| [12]ܗܵܠܹܝܢ ܢܹܐܬ̣ܘܿܢ ܡ̣ܢ ܪܘܼܚܩܵܐ: ܘܗܵܠܹܝܢ ܡ̣ܢ ܓܲܪܒ̇ܝܵܐ ܘܗܵܠܹܝܢ ܡ̣ܢ ܝܲܡܵܐ: ܘܗܵܠܹܝܢ ܡ̣ܢ ܝܲܡܵܐ ܕܣܲܢܝܲܡ. |
[No book] |
| [13]ܫܲܒܲܚܘ ܫܡܲܝܵܐ: ܘܕ݂ܘܼܨܝ ܐܲܪܥܵܐ. ܐܸܬ̣ܦܲܨ̄ܚܘ ܛܘܼܪܹ̈ܐ ܒܬܸܫܒ̇ܘܿܚܬܵܐ. ܡܸܛܠ ܕܒܲܝܲܐ ܡܵܪܝܵܐ ܠܥܲܡܹܗ: ܘܪܲܚܸܡ ܥܲܠ ܒܵܝܫܘܵܗܝ. |
[No book] |
| [14]ܘܐܸܡܪܲܬ̤ ܨܸܗܝܘܿܢ ܕܫܲܒ̣ܩܲܢܝ ܡܵܪܝܵܐ: ܘܡܵܪܝܵܐ ܛܥܵܢܝ. |
[No book] |
| [15]ܐܸܢ ܛܵܥ̇ܝܵܐ ܐܲܢ̄ܬ̇ܬ̣ܵܐ ܥܘܼܠܵܗ̇: ܘܠܵܐ ܡܪܲܚܡܵܐ ܥܲܠ ܒܲܪ ܡܥܹ̈ܝܗ̇: ܐܵܦܸܢ ܗܵܠܹܝܢ ܢܸܛ̈ܥ̱ܝܵܢ: ܐܸܢܵܐ ܠܵܐ ܐܸܛܥܹܝܟ݂ܝ. |
[No book] |
| [16]ܗܵܐ ܥܲܠ ܦܲܣܹ̈ܐ ܕܐܝܼܕܝ̈ ܪܫܲܡ̇ܬܹ̇ܟ݂ܝ ܘܫܘܼܪ̈ܲܝܟ̇ܝ ܠܘܼܩܒܲܠܝ ܐܸܢܘܿܢ ܐܲܡܝܼܢܵܐܝܼܬ̣. |
[No book] |
| [17]ܒܲܥܓܲܠ ܒܢܲـ̈ـܟ̇ܝ ܡܣܲܚܦܵܢܲܝ̈ܟ̇ܝ ܘܡܲܚ̱ܪ̈ܒ̣ܵܢܲܝܟ̇ܝ ܡܸܢܹܟ݂ܝ ܢܸܦܩܘܼܢ. |
[No book] |
| [18]ܐܲܪܝܼܡܝ ܥܲܝܢܲܝ̈ܟ̇ܝ ܠܲܚܕ݂ܵܪ̈ܲܝܟ̇ܝ. ܘܲܚܙܵܝ ܕܟ݂ܠܗܘܿܢ ܡܸܬ̣ܟܲܢܫܝܼܢ ܘܐܵܬܹ̇ܝܢ ܠܹܟ݂ܝ: ܚܲܝ ܐ̄ܢܵܐ ܐܵܡܲܪ ܡܵܪܝܵܐ: ܕܟ݂ܠܗܘܿܢ ܐܲܝܟ݂ ܨܸܒ̣ܬܵܐ ܬܸܠܒ̇ܫܝܼܢ: ܘܬܸܬ̣ܟܲܠܠܝܼܢ ܐܲܝܟ݂ ܟܲܠܬ̣ܵܐ. |
[No book] |
| [19]ܡܸܛܠ ܕܚܲܪ̈ܒ̣ܵܬܹܟ݂ܝ: ܘܨܵܕ݂̈ܝܵܬܹܟ݂ܝ: ܘܐܲܪܥܵܐ ܕܲܣܚܝܼܦܘܼܬܹܟ݂ܝ ܡܸܟܹ̇ܝܠ ܬܸܬ̣ܐ̱ܠܨ ܡ̣ܢ ܝܲܬ̣ܒܵܐ: ܘܢܸܥܪ̱ܩܘܼܢ ܒܵܠܘܿܥܲܝ̈ܟ̇ܝ. |
[No book] |
| [20]ܘܬ̣ܘܼܒ̣ ܢܹܐܡܪܘܿܢ ܒܐܸܕ݂ܢܲܝ̈ܟ̇ܝ ܒܢܲܝ̈ ܡܓܲܙܝܘܼܬܹܟ݂ܝ: ܐܲܠܝܼܨ ܗ̄ܘܼ ܠܲܢ ܐܲܬ̣ܪܵܐ ܐܸܬ̣ܩܲܪܲܒ̣ ܠܲܢ: ܢܸܬܸ̇ܒ̣. |
[No book] |
| [21]ܘܬܹܐ ܡܪܝܼܢ ܒܠܸܒܹ̇ܟ݂ܝ ܡܲܢܘܼ ܝܲܠܸܕ݂ ܠܝܼ ܗܵܠܹܝܢ. ܕܗܵܐ ܐܸܢܵܐ ܡܓܲܙܲܝܬܵܐ ܐܢܵܐ ܘܲܡܫܵܘܚܲܕ̇ܬܵܐ: ܓܵܠܝܼܬ̣ܵܐ ܘܲܡܕ݂ܵܘܲܕ̇ܬܵܐ. ܗܵܠܹܝܢ ܡܲܢ ܪܲܒ̇ܝ ܐܸܢ ܐܸܢܵܐ ܗܵܐ ܐܹܫܬܲܚܪܹܬ̣ ܒܲܠܚܘܼܕ݂ܝ: ܗܵܠܹܝܢ ܐܲܝܟܵܐ ܗܘ̤ܵܘ. |
[No book] |
| [22]ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ: ܗܵܐ ܡܪܝܼܡ ܐ̄ܢܵܐ ܐܝܼܕ݂ܝ ܥܲܠ ܥܲܡܡܹ̈ܐ. ܘܲܠܥܲܡܡܹ̈ܐ ܐܲܪܝܼܡ ܐܵܬ̤ܵܐ. ܘܢܲܝܬ̇ܘܿܢ ܠܲܒ̣ܢܲܝ̈ܟ̇ܝ ܥܲܠ ܐܝܼܕܲܝܗܘܿܢ. ܘܠܲܒ̣̈ܢܵܬܹܟ݂ܝ ܥܲܠ ܟܲܬ̣ܦܵܬ̣̈ܗܘܿܢ ܢܸܫܩ̄ܠܘܼܢ. |
[No book] |
| [23]ܘܢܸܗܘܘܿܢ ܡܲܠ̈ܟܹ̇ܐ ܡܪ̈ܲܒ̇ܝܵܢܲܝܟ̇ܝ: ܘܪܵܘ̱ܪ̈ܒ̣ܵܢܝܵܬ̣ܗܘܿܢ ܡܲܝܢܩܵܢ̈ܝܵܬܹܟܝ ܘܥܲܠ ܐܲܦܲܝ̈ܗܘܿܢ ܥܲܠ ܐܲܪܥܵܐ ܢܸܣܛܕ݂ܘܼܢ ܠܹܟ݂ܝ. ܘܥܲܦܪܵܐ ܕܪܸ̈ܓ̣ܠܲܝܟ̇ܝ ܢܸܠܚ̄ܟ݂ܘܼܢ ܘܬܸܕܲܥܝܼܢ ܕܐܸܢܵܐ ܐ̄ܢܵܐ ܡܵܪܝܵܐ: ܕܠܵܐ ܒܵܗ̇ܬܝܼܢ ܐܲܝܠܹܝܢ ܕܲܡܣܲܟܹ̇ܝܢ ܠܝܼ. |
[No book] |
| [24]ܠܡܵܐ ܡܸܬ̇ܕܲܒ̣ܪܵܐ ܕܒ̣ܵܪܬܹ̇ܗ ܕܓܲܢ̄ܒܵܪܵܐ. ܐܵܘ ܫܒ̣ܝܼܬܹܗ ܕܥܲܫܝܼܢܵܐ ܡܸܬ̣ܦܲܨܝܵܐ. |
[No book] |
| [25]ܡܸܛܠ ܕܗܵܟܲܢܵܐ ܐܵܡܲܪ ܡܵܪܝܵܐ: ܕܲܕ݂ܒ̣ܵܪܬܹ̇ܗ ܕܓܲܢܒܵܪܵܐ ܬܸܬ̇ܕ̇ܒܲܪ ܘܲܫܒ̣ܝܼܬܹܗ ܕܥܲܫܝܼܢܵܐ ܬܸܬ̣ܦܲܨܹܐ. ܘܕ݂ܝܼܢܲܝ̈ܟ̇ܝ ܐܸܢܵܐ ܐܹܕ̇ܘܼܢ. ܘܠܲܒ̣ܢܲܝ̈ܟ̇ܝ ܐܸܢܵܐ ܐܸܦܪܘܿܩ. |
[No book] |
| [26]ܘܐܵܘܟܸ̇ܠ ܠܐܵܠܘܿܨܲܝ̈ܟ̇ܝ ܒܸܣ̱ܪܗܘܿܢ. ܘܐܲܝܟ݂ ܡܹܐܪܝܼܬ̣ܵܐ ܢܸܪܘܘܿܢ ܡ̣ܢ ܕܸܡܗܘܿܢ. ܘܢܸܕ̇ܥܘܼܢ ܟܠ ܒܣܲܪ ܕܐܸܢܵܐ ܐ̄ܢܵܐ ܡܵܪܝܵܐ ܦܵܪܘܿܩܹܟ݂ܝ: ܘܲܡܣܲܝܥܵܢܹܟ݂ܝ ܬܲܩܝܼܦܹܗ ܕܝܲܥܩܘܿܒ̣. |
[No book] |