|
|
| [1]ܗܵܐ ܙܲܕ̇ܝܼܝܼܩܵܐ ܐܸܒܲܕ݂. ܘܠܲܝܬ̇ ܐ̄ܢܵܫ ܕܡܲܝܬܹ̇ܐ ܥܲܠ ܒܵܠܹܗ. ܘܓܲܒ̣ܪܹ̈ܐ ܚܣܲـ̈ـܝܵܐ ܡܸܬ̣ܟܲܢܫܝܼܢ ܕܠܵܐ ܣܘܼܟܵܠܵܐ: ܡܸܛܠ ܕܡ̣ܢ ܩܕ݂ܵܡ ܒܝܼܫܬܵܐ ܡܸܬ̣ܟ̇ܢܸܫ ܙܲܕ̇ܝܼܩܵܐ. |
[No book] |
| [2]ܘܢܹܐܬ̣ܵܐ ܫܠܵܡܵܐ: ܘܢܸܬ̇ܬ̇ܢܝܼܚܘܼܢ ܥܲܠ ܡܲܫܟܲܒ̣ܗܘܿܢ: ܘܢܹܐܙܠ̄ܘܿܢ ܠܘܼܩܒܲܠܗܘܿܢ. |
[No book] |
| [3]ܘܐܲܢ̄ܬ̇ܘܿܢ ܩܪܘܿܒ̣ܘ ܠܟ݂ܵܐ: ܒܢܲܝ̈ ܡܡܲܟܲܟ݂ܬܵܐ: ܙܲܪܥܵܐ ܓܲܝܵܪܵܐ ܘܙܲܢܵܝܵܐ. |
[No book] |
| [4]ܥܲܠ ܡ̣ܢ ܐܸܬ̣ܠܲܥܲܒ̣ܬ̇ܘܿܢ ܘܥܲܠ ܡܲܢ ܦܬܲܚܬ̇ܘܿܢ ܦܘܼܡܟ݂ܘܿܢ: ܘܐܵܘ ܪܸܟ݂ܬ̇ܘܿܢ ܠܸܫܵܢܟ݂ܘܿܢ. ܕܗܵܐ ܐܲܢ̄ܬ̇ܘܿܢ ܝܲܠܕܵܐ ܕܥܵܘܼܠܵܐ: ܘܙܲܪܥܵܐ ܕܲܓܵܠܵܐ. |
[No book] |
| [5]ܕܡܸܬ̣ܒܲܝܲܐܝܼܢ ܒܲܦܬܲܟ݂ܪܹ̈ܐ ܬܚܹܝܬ̣ ܟܠ ܐܝܼܠܵܢ ܕܥܵܒ̣ܵܐ. ܘܲܢܟܲܣ̣ܬ̇ܘܿܢ ܛܠܵܝܹ̈ܐ ܒܢܲܚ̈ܠܹܐ ܬܚܹܝܬ̣ ܫܩܝܼ̈ܦܹܐ ܕܟܹܐܦܵܐ. |
[No book] |
| [6]ܡܢܵܬ̣ܟ݂ܝ ܘܝܵܪܬ̇ܘܼܬܹܟ݂ܝ ܥܲܡ ܡܢܵܬ̣ܵܐ ܗ̄ܝܼ ܕܢܲܚ̈ܠܹܐ. ܐܵܦ ܥܠܲܝܗܘܿܢ ܢܲܩܝܼܬ̇ܝ ܢܘܼܩܵܝܹ̈ܐ: ܘܐܲܣ̣ܩܬ̇ܝ ܩܘܼܪ̈ܒܵܢܹܐ. ܥܲܠ ܗܵܠܹܝܢ ܐܸܬ̣ܒܲܝܲܐ. |
[No book] |
| [7]ܥܲܠ ܛܘܼܪܹ̈ܐ ܪ̈ܵܡܹܐ ܘܲܡܫܲܩ̈ܠܹܐ ܥܒܲܕ̇ܬ̇ܝ ܡܲܫܟ̇ܒܹܟ݂ܝ. ܐܵܦ ܠܬܲܡܵܢ ܣܠܸܩܬ̇ ܠܡܸܕ݂ܒܲܚ ܕܸܒ̣ܚܹ̈ܐ. |
[No book] |
| [8]ܘܒܸܣܬܲܪ ܬܲܪ̈ܥܹܐ ܥܲܠ ܦܪ̈ܘܼܣܬ̇ܕܹܐ ܪܫܲܡ̣ܬܝ ܕܘܼܟ݂ܪܵܢܹܟ݂ܝ ܡܸܛܠ ܕܡ̣ܢ ܠܘܵܬ̣ܝ ܓܲܠܝܼܬ̇ܝ ܘܲܣܠܸܩܬ̇ܝ ܘܐܲܪܘܲܚܬ̇ܝ ܡܲܫܟ̇ܒ̣ܟ݂ܝ. ܘܲܗ̤ܘܲܝܬ̇ܝ ܠܹܟ݂ܝ ܡܸܢܗܘܿܢ. ܘܲܪܚܸܡܬ̇ܝ ܡܲܫܟܲܒ̣ܗܘܿܢ: ܘܐܲܬ̣ܪܵܐ ܚ̣ܙܲܝܬ̇ܝ. |
[No book] |
| [9]ܘܐܸܫܬܲܒܲܚܬ̇ܝ ܠܡܲܠ̈ܟܹ̇ܐ ܒܡܸܫܚܵܐ. ܘܐܲܣܓ̇ܝܼܬܝ ܒܸܣܡܲܝ̈ܟ̇ܝ ܘܫܲܕܲܪܬ̇ܝ ܐܝܼܙܓܲܕܲܝ̈ܟ̇ܝ ܠܪܘܼܚܩܵܐ. ܘܐܸܬ̣ܡܲܟ̇ܟ݂ܬ̇ܝ ܥܕܲܡܵܐ ܠܲܫܝܘܿܠ. |
[No book] |
| [10]ܒܣܘܿܓ̣ܐܲܬ̣ ܐܘܼܪ̈ܚܵܬܹܟ݂ܝ ܠܐܝܼܬ̇ܝ ܘܠܵܐ ܐܸܡܲܪܬ̇ܝ ܕܐܸܫܠܸܐ. ܒܚܵܘܒ̇ܬ̣ܵܐ ܕܐܝܼܕܲܝ̈ܟ̇ܝ ܐܲܫܚܝܬ̇ܝ ܡܸܛܠ ܗܵܢܵܐ ܠܵܐ ܐܸܬ̣ܟܲܫܲܦܬ̇ܝ. |
[No book] |
| [11]ܡ̣ܢ ܡܲܢ ܐܸܬ̣ܪ̱ܗܸܒ̣ܬ̇ܝ ܘܲܕ݂ܚܸܠܬ̇ܝ. ܕܟܲܕܸ̇ܒ̣ܬ̇ܝ ܒܝܼ. ܘܠܵܐ ܐܸܬ̇ܕ̇ܟܲܪܬ̇ܝܼܢܝ: ܘܠܵܐ ܚܫܲܒ̣ܬ̇ܝܼܢܝ ܒܠܸܒܹ̇ܟ݂ܝ ܗܵܐ ܐܸܢܵܐ ܗ̄ܘܼ ܚܲܣܝܵܐ ܕܡ̣ܢ ܥܵܠܲܡ. ܘܡܹܢܝ ܠܵܐ ܕܚܸܠܬ̇ܝ. |
[No book] |
| [12]ܐܸܢܵܐ ܐܹܚܵܘܹܐ ܙܲܕ̇ܝܼܩܘܼܬ̣ܝ ܘܲܥܒ̣ܵܕܲܝ̈ܟܝ ܠܵܐ ܢܵܘܬ̇ܪܘܼܢܹܟ݂ܝ. |
[No book] |
| [13]ܒܲܓ̣ܥܵܬܹܟ݂ܝ ܢܦܲܨܘܿܢܹܟ݂ܝ ܐܲܝܠܹܝܢ ܕܡܸܬ̣ܟܲܢܫܝܼܢ ܠܹܟ݂ܝ. ܠܟ݂ܠܗܘܿܢ ܬܸܫܩܘܿܠ ܐܸܢܘܿܢ ܪܘܼܚܵܐ. ܘܬܸܣܲܒ̣ ܐܸܢܘܿܢ ܥܲܠܥܵܠܵܐ ܘܐܲܝܠܹܝܢ ܕܲܡܣܲܒ̇ܪܝܼܢ ܒܝܼ: ܢܹܐܪܬ̇ܘܼܢ ܐܲܪܥܵܐ: ܘܢܹܐܪܬ̇ܘܿܢ ܛܘܼܪܝ ܩܲܕ̇ܝܼܫܵܐ. |
[No book] |
| [14]ܘܢܹܐܡܪܘܿܢ ܫܲܦܵܘ ܫܲܦܵܘ: ܦܲܢܵܘ ܐܘܼܪܚܵܐ ܘܐܲܪܝܼܡܘ ܬܘܼܩ̈ܠܵܬ̣ܵܐ ܡ̣ܢ ܐܘܼܪܚܹܗ ܕܥܲܡܝ. |
[No book] |
| [15]ܡܸܛܠ ܕܗܵܟܲܢܵܐ ܐܵܡܲܪ ܡܪܲܝܡܵܐ ܘܲܡܫܲܩܠܵܐ: ܕܲܫܪܸܐ ܠܥܵܠܡܝܼܢ: ܘܩܲܕ̇ܝܼܫ ܫܡܹܗ: ܟܪܲܝܡܵܐ: ܘܩܲܕ̇ܝܼܫ ܡܲܫ̱ܪܝܹܗ: ܠܡܲܟ̇ܝܼܟܹ̈ܐ ܘܲܠܥܲܝܝܼ̈ܩܲܝ ܪܘܼܚܵܐ: ܠܡܲܚܵܝܘܼ ܪܘܼܚܵܐ ܕܡܲܟ̇ܝܼܟܹ̈ܐ: ܘܲܠܡܲܚܵܝܘܼ ܠܸܒܵܐ ܕܡܲܟ݂ܐ̱ܒܹ̈ܐ. |
[No book] |
| [16]ܡܸܛܠ ܕܠܵܐ ܠܥܵܠܲܡ ܐܵܠܹ̇ܡ ܐ̄ܢܵܐ. ܘܠܵܐ ܠܥܵܠܲܡ ܪܵܓܹ̇ܙ ܐ̄ܢܵܐ. ܡܸܛܠ ܕܪܘܼܚܵܐ ܡ̣ܢ ܩܕ݂ܵܡܲܝ ܢܵܦ̇ܩܵܐ ܘܲܢܫܲܡܬ̣ܵܐ ܐܸܢܵܐ ܥܸܒ̣ܕܲܬ̣. |
[No book] |
| [17]ܒܥܵܘܼܠܵܐ ܕܢܸܟ݂ܠܵܗ̇ ܪܸܓ̣ܙܹ̇ܬ̣ ܘܲܡܚܹ̇ܝܬ̣ܵܗ̇. ܘܐܸܬ̣ܦܲܢܝܲܬ̣ ܘܪܸܓ̣ܙܲܬ̣: ܘܐܸܙܲܠ̄ܬ̤ ܚܢܲܓ̣ܬ̣ܵܗ̇ ܒܐܘܼܪܚܵܐ ܕܠܸܒܵܗ̇. |
[No book] |
| [18]ܐܘܼܪ̈ܚܵܬ̣ܵܗ̇ ܚܙܹܝܬ̣: ܘܐܲܣܝܼܬܵܗ̇ ܘܒܲܝܲܐܬܵܗ̇ ܘܦܸܪܥܹܬ̣ ܒܘܼܝܵܐܐ ܠܵܗ̇ ܘܠܲܐܒ̣ܝܼ̈ܠܹܝܗ̇. |
[No book] |
| [19]ܒܪܸܐ ܡܲܡܠܠܵܐ ܕܣܸܦ̈ܘܵܬ̣ܵܐ ܫܠܵܡܵܐ: ܫܠܵܡܵܐ: ܠܪ̈ܲܚܝܼܩܹܐ ܘܲܠܩܲܪ̈ܝܼܒܹܐ: ܐܵܡܲܪ ܡܵܪܝܵܐ ܘܐܲܣܸܐ ܐܸܢܘܿܢ. |
[No book] |
| [20]ܘܪ̈ܲܫܝܼܥܹܐ ܐܲܝܟ݂ ܝܲܡܵܐ ܡܸܬ̇ܕܲܠܚܝܼܢ. ܡܸܛܠ ܕܫܸܠܝܵܐ ܠܵܐ ܡܸܫܟ̇ܚܝܼܢ ܘܗܵܦܟ݂ܝܼܢ ܡܵܘ̈ܗܝ ܪ̈ܲܚܫܵܐ ܘܲܣܝܵܢܵܐ. ܠܲܝܬ̇ ܫܠܵܡܵܐ ܠܪ̈ܲܫܝܼܥܹܐ: ܐܵܡܲܪ ܐܲܠܵܗܝ. |
[No book] |