|
|
| [1]ܩܪܝܼ ܒܓܲܓܲܪܬܵܟ݂ ܘܠܵܐ ܬܚܘܼܣ ܘܐܲܪܝܼܡ ܩܵܠܵܟ݂ ܐܲܝܟ݂ ܫܝܼܦܘܿܪܵܐ ܘܚܵܘܵܐ ܠܥܲܡܝ ܥܵܘܼܠܗܘܿܢ: ܘܠܲܕ݂ܒܹܝܬ̣ ܝܲܥܩܘܿܒ̣ ܚܛܵܗܲܝ̈ܗܘܿܢ. |
[No book] |
| [2]ܘܠܝܼ ܒܵܥܹ̇ܝܢ ܒܟ݂ܠܝܘܿܡ ܘܨܵܒܹ̇ܝܢ ܠܡܸܕܲܥ ܐܘܼܪ̈ܚܵܬ̣ܝ: ܐܲܝܟ݂ ܥܲܡܵܐ ܕܲܥܒܲܕ݂ ܙܲܕ̇ܝܼܩܘܼܬ̣ܵܐ: ܘܠܵܐ ܫܒܲܩ ܕܝܼܢܵܐ ܕܐܲܠܵܗܹܗ. ܫܵܐܠܝܼܢ ܠܝܼ ܕܝܼܢܵܐ ܘܙܲܕܝܼܩܘܼܬ̣ܵܐ: ܙܨܵܒܹ̇ܝܢ ܠܡܸܬ̣ܩܲܪܵܒ̣ܘܼ ܠܐܲܠܵܗܵܐ. |
[No book] |
| [3]ܠܡܵܢܵܐ ܨܵܡ̣ܢ: ܘܠܵܐ ܚ̣ܙܲܝܬ̇ ܘܡܲܟܸ̇ܟ݂ܢ ܢܲܦ̮ܫܲܢ: ܘܠܵܐ ܝܼܕܲܥܬ̇ ܗܵܐ ܒܝܵܘܡܵܐ ܕܨܵܘܡܟ݂ܘܿܢ ܥܵܒ̣ܕ̇ܝܼܬ̇ܘܿܢ ܨܸܒ̣ܝܵܢܲܝ̈ܟ̇ܘܿܢ: ܘܲܡܩܲܪܒ̣ܝܼܢ ܐ̄ܢ̇ܬ̇ܘܿܢ ܦܬܲܟ݂ܪ̈ܲܝܟ̇ܘܿܢ ܟܠܗܘܿܢ. |
[No book] |
| [4]ܗܵܐ ܠܚܸܪܝܵܢܵܐ ܘܲܠܡܲܨܘܼܬ̣ܵܐ ܨܵܝ̇ܡܝܼܬ̇ܘܿܢ: ܘܲܠܡܸܡܚܵܐ ܒܲܩܛܝܼܪܵܐ ܕܥܵܘܼܠܵܐ. ܠܵܐ ܬܨܘܼܡܘܼܢ ܐܲܝܟ݂: ܕܝܵܘܡܵܢܵܐ: ܘܬܲܫܡ̱ܥܘܼܢ ܩܵܠܟ݂ܘܿܢ ܒܲܡܪܵܘܡܵܐ. |
[No book] |
| [5]ܗܵܢܵܘ ܨܵܘܡܵܐ ܕܲܓ̣ܒܹܝܬ̣: ܕܢܲܡܸܟ ܐ̄ܢܵܫ ܢܲܦ̮ܫܹܗ. ܘܢܸܟ̇ܘܿܦ ܨܵܘܪܹܗ ܐܲܝܟ݂ ܟܪܘܿܠܵܐ ܘܣܲܩܵܐ ܘܩܸܛܡܵܐ ܡܵܐܹ̇ܟ ܠܹܗ. ܠܗܵܢܵܐ ܬܸܩܪܘܿܢ ܨܵܘܡܵܐ: ܘܝܵܘܡܵܐ ܕܨܸܒ̣ܝܵܢܹܗ ܕܡܵܪܝܵܐ. |
[No book] |
| [6]ܗܵܢܵܘ ܨܵܘܡܵܐ ܕܲܓ̣ܒܹܝܬ̣: ܕܬܸܫܪܸܐ ܩܸܛܪܹ̈ܐ ܕܥܵܘܼܠܵܐ: ܘܲܬ̣ܦܲܣܸܩ ܡܹܐܣܲܪ̈ܝܵܬ̣ܵܐ ܕܢܸܟ݂ܠܵܐ. ܘܬܸܫܪܸܐ ܟܒ̣ܝܼ̈ܫܹܐ ܠܚܹܐܪܘܼܬ̣ܵܐ ܘܟ݂ܠܗܹܝܢ ܡܹܐܣܲܪ̈ܝܵܬ̣ܵܐ ܬܸܦܣܩܘܼܢ. |
[No book] |
| [7]ܘܬܸܩܨܹܐ ܠܲܚܡܵܟ݂ ܠܟܲܦܢܵܐ. ܘܠܲܐܟ݂ܣܢܵܝܵܐ ܬܲܥܸܠ ܠܒܲܝܬܵܟ݂ ܟܲܕ݂ ܬܸܚܙܹܐ ܥܲܪܛܸܠܵܝܵܐ: ܘܲܬ̣ܟܲܣܹܝܘܗܝ ܘܠܵܐ ܬܲܗܡܹܐ ܡ̣ܢ ܒܲܪ ܒܸܣܪܵܟ݂. |
[No book] |
| [8]ܗܵܝܕܹ̇ܝܢ ܢܸܬ̣ܦܬܲܚ ܢܘܼܗܪܵܟ݂ ܐܲܝܟ݂ ܨܲܦܪܵܐ. ܘܙܲܕ̇ܝܼܩܘܼܬ̣ܵܟ݂ ܒܲܥܓܲܠ ܬܸܕ݂ܢܲܚ. ܘܬܹܐܙܲܠ ܩܕ݂ܵܡܲܝܟ ܙܲܕ̇ܝܼܩܘܼܬ̣ܵܟ݂. ܘܐܝܼܩܵܪܹܗ ܕܡܵܪܝܵܐ ܢܟܲܫܵܟ݂. |
[No book] |
| [9]ܗܵܝܕܹ̇ܝܢ ܬܸܩܪܸܐ: ܘܢܸܥܢܹܝܟ݂ ܡܵܪܝܵܐ. ܘܬܸܓ̣ܥܹܐ: ܘܢܹܐܡܲܪ ܗܵܐ ܐܸܢܵܐ ܐܸܢ ܬܲܥܒܲܪ ܡ̣ܢ ܓܵܘܵܟ݂ ܢܸܟ݂ܠܵܐ: ܘܬܸܫܪܹܐ ܠܲܟ݂ܒ̣ܝܼ̈ܫܹܐ ܘܡ̣ܢ ܡܲܡܠܠܵܐ ܕܲܓܵܠܵܐ ܬܲܪܚܸܩ. |
[No book] |
| [10]ܘܬܸܬܸ̇ܠ ܠܲܚܡܵܟ݂ ܠܟܲܦܢܵܐ. ܘܲܬ̣ܣܲܒܲܥ ܢܲܦ̮ܫܵܟ݂ ܕܟܲܦܢܵܐ: ܢܸܕ݂ܢܲܚ ܢܘܼܗܪܵܟ݂ ܒܚܸܫܘܿܟ݂ܵܐ: ܘܚܸܫܘܿܟ݂ܵܐ ܐܲܝܟ݂ ܛܲܗܪܵܐ. |
[No book] |
| [11]ܘܲܢܕܲܒ̇ܪܵܟ݂ ܡܵܪܝܵܐ ܐܲܡܝܼܢܵܐܝܼܬ̣ ܘܲܢܣܲܒܲܥ ܢܲܦ̮ܫܵܟ݂ ܒܕ݂ܘܼܗܵܢܵܐ. ܘܢܲܫܲܪ ܓܲܪ̈ܡܲܝܟ ܘܬܸܗܘܹܐ ܐܲܝܟ݂ ܦܲܪܕܲܝܣܵܐ ܕܲܪܘܸܐ: ܘܐܲܝܟ݂ ܡܲܒ̇ܘܼܥܵܐ ܕܡܲܝܵܐ ܕܠܵܐ ܓܵܝ̇ܙܝܼܢ ܡܵܘ̈ܗܝ. |
[No book] |
| [12]ܘܢܸܒ̣ܢܘܿܢ ܡܸܢܵܟ݂ ܚܲܪ̈ܒ̣ܵܬ̣ܵܐ ܕܡ̣ܢ ܥܵܠܲܡ. ܘܫܲܬ̣ܐ̱ܣܹ̈ܐ ܕܕ݂ܵܪܕܵܪ̈ܝܼܢ ܬܩܝܼܡ ܘܢܸܩܪܘܿܢܵܟ݂ ܣܵܐܹ̇ܓ̣ ܬܘܼܪ̈ܥܵܬ̣ܵܐ: ܘܡܲܗܦܸܟ݂ ܫܒ̣ܝܼ̈ܠܹܐ ܠܝܲܬ̣ܒܵܐ. |
[No book] |
| [13]ܐܸܢ ܬܲܗܦܸܟ݂ ܪܸܓ̣ܠܵܟ݂ ܡ̣ܢ ܫܲܒ̇ܬ̣ܵܐ: ܕܠܵܐ ܬܸܥܒܸ̇ܕ݂ ܨܸܒ̣ܝܵܢܵܟ݂ ܒܝܵܘܡܵܐ ܕܩܘܼܕ݂ܫܝ. ܘܬܸܩܪܹܐ ܠܫܲܒ̇ܬ̣ܵܐ ܡܦܲܢܲܩܬ̣ܵܐ: ܘܩܘܼܕܫܹܗ ܕܡܵܪܝܵܐ ܡܝܲܩܪܵܐ. ܘܲܬ̣ܝܲܩܪܝܼܗ̇ ܕܠܵܐ ܬܸܥܒܸ̇ܕ݂ ܒܵܗ̇ ܐܘܼܪܚܵܟ݂: ܘܠܵܐ ܬܸܥܒܸ̇ܕ݂ ܒܵܗ̇ ܨܸܒ̣ܝܵܢܵܟ݂: ܘܠܵܐ ܬܡܲܠܸܠ ܡܸܠܬ̣ܵܐ. |
[No book] |
| [14]ܗܵܝܕܹ̇ܝܢ ܬܸܬ̇ܟܸܠ ܥܲܠ ܡܵܪܝܵܐ. ܕܐܲܪܟ̇ܒ̣ܵܟ݂ ܥܲܠ ܥܘܼܫܢܵܗ̇ ܕܐܲܪܥܵܐ. ܘܐܵܘܟ̇ܠܵܟ݂ ܝܵܪܬ̇ܘܼܬܹܗ ܕܝܲܥܩܘܿܒ̣ ܐܲܒ̣ܘܼܟ݂ ܡܸܛܠ ܕܦܘܼܡܹܗ ܕܡܵܪܝܵܐ ܡܲܠܸܠ̣. |
[No book] |