|
|
| [1]Primo tempore alleviata est terra Zabulon et terra Nephthali: et novissimo aggravata est via maris trans Jordanem Galilææ gentium. |
[No book] |
| [2]Populus qui ambulabat in tenebris, vidit lucem magnam; habitantibus in regione umbræ mortis, lux orta est eis. |
[No book] |
| [3]Multiplicasti gentem, et non magnificasti lætitiam. Lætabuntur coram te, sicut qui lætantur in messe; sicut exsultant victores capta præda, quando dividunt spolia. |
[No book] |
| [4]Jugum enim oneris ejus, et virgam humeri ejus, et sceptrum exactoris ejus superasti, sicut in die Madian. |
[No book] |
| [5]Quia omnis violentia prædatio cum tumultu, et vestimentum mistum sanguine, erit in combustionem, et cibus ignis. |
[No book] |
| [6]Parvulus enim natus est nobis, et filius datus est nobis, et factus est principatus super humerum ejus: et vocabitur nomen ejus, Admirabilis, Consiliarius, Deus, Fortis, Pater futuri sæculi, Princeps pacis. |
[No book] |
| [7]Multiplicabitur ejus imperium, et pacis non erit finis; super solium David, et super regnum ejus sedebit, ut confirmet illud et corroboret in judicio et justitia, amodo usque in sempiternum: zelus Domini exercituum faciet hoc. |
[No book] |
| [8]Verbum misit Dominus in Jacob, et cecidit in Israël. |
[No book] |
| [9]Et sciet omnis populus Ephraim, et habitantes Samariam, in superbia et magnitudine cordis dicentes: |
[No book] |
| [10]Lateres ceciderunt, sed quadris lapidibus ædificabimus; sycomoros succiderunt, sed cedros immutabimus. |
[No book] |
| [11]Et elevabit Dominus hostes Rasin super eum, et inimicos ejus in tumultum vertet. |
[No book] |
| [12]Syriam ab oriente, et Philisthiim ab occidente; et devorabunt Israël toto ore. In omnibus his non est aversus furor ejus, sed adhuc manus ejus extenta. |
[No book] |
| [13]Et populus non est reversus ad percutientem se, et Dominum exercituum non inquisierunt. |
[No book] |
| [14]Et disperdet Dominus ab Israël caput et caudam, incurvantem et refrenantem, die una. |
[No book] |
| [15]Longævus et honorabilis, ipse est caput; et propheta docens mendacium, ipse est cauda. |
[No book] |
| [16]Et erunt qui beatificant populum istum, seducentes; et qui beatificantur, præcipitati. |
[No book] |
| [17]Propter hoc super adolescentulis ejus non lætabitur Dominus, et pupillorum ejus et viduarum non miserebitur: quia omnis hypocrita est et nequam, et universum os locutum est stultitiam; in omnibus his non est aversus furor ejus, sed adhuc manus ejus extenta. |
[No book] |
| [18]Succensa est enim quasi ignis impietas: veprem et spinam vorabit, et succendetur in densitate saltus, et convolvetur superbia fumi. |
[No book] |
| [19]In ira Domini exercituum conturbata est terra, et erit populus quasi esca ignis; vir fratri suo non parcet. |
[No book] |
| [20]Et declinabit ad dexteram, et esuriet; et comedet ad sinistram, et non saturabitur; unusquisque carnem brachii sui vorabit: Manasses Ephraim, et Ephraim Manassen; simul ipsi contra Judam. |
[No book] |
| [21]In omnibus his non est aversus furor ejus, sed adhuc manus ejus extenta. |
[No book] |