|
|
| [No book] |
[1]ܘܲܗܘ̤ܵܐ ܒܫܲܢ̄ܬܵܐ ܗܵܝ̇: ܒܪܹܫ ܡܲܠܟܘ̇ܬܹܗ ܕܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܒܫܲܢ̄ܬܵܐ ܪܒ̣ܝܼܥܵܝܬܵܐ ܒܝܲܪܚܵܐ ܕܚܲܡܫܵܐ: ܐܸܡ݂ܲܪ ܠܝܼ ܚܲܢܲܢܝܵܐ ܒܲܪ ܥܵܙܘܿܪ ܢܒ̣ܝܵܐ ܕܲܓܵܠܵܐ ܕܡ̣ܢ ܓܲܒ̣ܥܘܿܢ: ܒܒܲܝܬܹ̇ܗ ܕܡܵܪܝܵܐ: ܠܥܹܝܢ ܟܵܗܢܹ̈ܐ ܘܲܠܥܹܝܢ ܟܠܹܗ ܥܲܡܵܐ. |
| [No book] |
[2]ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܬܸܒ̣ܪܹܬ̣ ܢܝܼܪܹܗ ܕܡܲܠܟܵܐ ܕܒ̣ܵܒܹܠ. |
| [No book] |
[3]ܡܸܟܵܐ ܠܬܲܪܬܹ̇ܝܢ ܫܢܝܼ̈ܢ: ܡܲܗܦܸــܟ݂ ܐ̄ܢܵܐ ܠܐܲܬ̣ܪܵܐ ܗܵܢܵܐ: ܟܠܗܘܿܢ ܡܵܐܢܹ̈ܐ ܕܒܲܝܬܹ̇ܗ ܕܡܵܪܝܵܐ: ܕܲܢܣܲܒ̣ ܢܒ̣ܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܡ̣ܢ ܐܲܬ̣ܪܵܐ ܗܵܢܵܐ: ܘܐܵܘܒܸ̇ܠ ܐܸܢܘܿܢ ܠܒ̣ܵܒܹܠ. |
| [No book] |
[4]ܥܲܡ ܝܘܿܟܲܢܝܵܐ ܒܲܪ ܝܘܿܝܵܩܝܼܡ ܡܲܠܟܵܐ ܕܲܝܗܘܼܕ݂ܵܐ: ܘܲܠܟ݂ܠܵܗ̇ ܫܒ̣ܝܼܬ̣ܵܐ ܕܲܝܗܘܼܕ݂ܵܐ ܕܐܸܙܲܠ̣ܘ ܠܒ̣ܵܒܹܠ: ܡܲܗܦܸـܟ݂ ܐ̄ܢܵܐ ܠܐܲܬ̣ܪܵܐ ܗܵܢܵܐ ܐܵܡܲ݁ܪ ܡܵܪܝܵܐ: ܡܸܛܠ ܕܬ̣ܵܒܲܪ ܐ̄ܢܵܐ ܢܝܼܪܹܗ ܕܡܲܠܟܵܐ ܕܒ̣ܵܒܹܠ. |
| [No book] |
[5]ܘܐܸܡ݂ܲܪ ܐܹܪܲܡܝܵܐ ܢܒ̣ܝܵܐ ܠܚܲܢܲܢܝܵܐ ܢܒ̣ܝܵܐ ܕܲܓܵܠܵܐ: ܠܥܹܝܢ ܟܲܗܢܹ̈ܐ ܘܲܠܥܹܝܢ ܟܠܹܗ ܥܲܡܵܐ ܕܩܵܝ̇ܡܝܼܢ ܒܒܲܝܬܹ̇ܗ ܕܡܵܪܝܵܐ. |
| [No book] |
[6]ܘܐܸܡ݂ܲܪ ܐܸܪܲܡܝܵܐ ܐܵܡܹܝܢ: ܗܵܟܲܢܵܐ ܢܸܥܒܸ̇ܕ݂ ܡܵܪܝܵܐ܆ܢܩܝܼܡ ܡܵܪܝܵܐ ܦܸܬ̣ܓ̣ܵܡܹ̈ܐ ܕܐܸܬ̣ܢܲܒ̇ܝܼܬ̇: ܠܡܲܗܦܵܟ݂ܘܼ ܡܵܐܢܹ̈ܐ ܕܒܲܝܬܹ̇ܗ ܕܡܵܪܝܵܐ: ܘܟ݂ܠܵܗ̇ ܫܒ̣ܝܼܬܵܐ ܡ̣ܢ ܒܵܒܹܠ ܠܐܲܬ̣ܪܵܐ ܗܵܢܵܐ. |
| [No book] |
[7]ܒܪܲܡ ܫܡܲܥ ܦܸܬ̣ܓ̣ܵܘܵܐ ܗܵܢܵܐ ܕܐܵܡܲ݁ܪ ܐ̄ܢܵܐ ܩܕ݂ܵܡܲܝܟ: ܘܲܩܕ݂ܵܡ ܟܠܹܗ ܥܲܡܵܐ ܗܵܢܵܐ. |
| [No book] |
[8]ܢܒ̣ܝܹ̈ܐ ܕܲܗܘ̤ܵܘ ܩܕ݂ܵܡܲܝ ܘܲܩܕ݂ܵܡܲܝܟ ܡ̣ܢ ܥܵܠܲܡ: ܘܐܸܢܲܒ̇ܝܼܘ ܥܲܠ ܐܲܖ̈ܥܵܬ̣ܵܐ ܣܲܓ̇ܝܼܵܐ̈ܬ̣ܵܐ ܘܥܲܠ ܡܲܠܟ̇ــ̈ܘܵܬܵܟܐ ܪܘܖ̈ܒ̣ܵܬ̣ܵܐ: ܠܲܩܪܵܒ̣ܵܐ ܘܲܠܒ̣ܝܼܫܬܵܐ ܘܲܠܡܵܘܬܵܢܵܐ. |
| [No book] |
[9]ܢܒ̣ܝܼܵܐ ܕܡܸܬ̣ܢܲܒܸ̇ܐ ܫܠܵܡܵܐ: ܡܵܐ ܕܲܗܘ̤ܵܐ ܦܸܬ̣ܓ̣ܵܡܹܗ ܕܲܢܒ̣ܝܼܵܐ: ܐܸܬ̣̱ܝܼܕܲܥ ܢܒ̣ܝܵܐ ܗܵܘ̇ ܕܫܲܕ̇ܪܹܗ ܡܵܪܝܵܐ ܒܩܘܼܫܬܵܐ. |
| [No book] |
[10]ܘܲܢܣܲܒ̣ ܚܲܢܲܢܝܵܐ ܢܒ̣ܝܵܐ ܕܲܓܵܠܵܐ ܚܢܵܩܹ̈ܐ: ܡ̣ܢ ܨܵܘܪܹܗ ܕܐܹܪܲܡܝܵܐ ܢܒ̣ܝܼܵܐ: ܘܬܲܒܲܪ ܐܸܢܘܿܢ. |
| [No book] |
[11]ܘܐܸܡ݂ܲܪ ܚܲܢܲܢܝܵܐ ܠܥܹܝܢ ܟܠܹܗ ܥܲܡܵܐ: ܗܵܟܲܢܵܐ ܐܵܡܲ݁ܪ ܡܵܪܝܵܐ: ܗܵܟܲܢܵܐ ܐܸܬ̣ܒ̇ܪܝܼܘܗܝ ܠܢܝܼܪܹܗ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܡܸܟܵܐ ܠܬܲܪܬܹ̇ܝܢ ܫܢ̈ܝܼܢ ܡ̣ܢ ܨܵܘܪܵܐ ܕܟ݂ܠܗܘܿܢ ܥܲܡܡܹ̈ܐ: ܘܐܸܙܲܠ̣ ܐܹܪܲܡܝܵܐ ܢܒ̣ܝܵܐ ܠܐܘܼܪܚܹܗ. |
| [No book] |
[12]ܘܲܗܘ̤ܵܐ ܦܸܬ̣ܓܵܡܹܗ ܕܡܵܪܝܵܐ ܥܲܠ ܐܸܪܲܡܝܵܐ ܢܒ̣ܝܼܵܐ: ܡ̣ܢ ܒܵܬܲܪ ܕܬܲܒܲܪ ܚܲܢܲܢܝܵܐ ܢܒ̣ܝܼܵܐ ܕܲܓܵܠܵܐ ܚܢܵܩܹ̈ܐ ܡ̣ܢ ܨܵܘܪܹܗ ܕܐܹܪܲܡܝܵܐ ܢܒ̣ܝܼܵܐ. |
| [No book] |
[13]ܙܸܠ ܘܐܸܡ݂ܲܪ ܠܚܲܢܲܢܝܵܐ ܢܒ̣ܝܼܵܐ ܕܲܓܵܠܵܐ: ܗܵܟܲܢܵܐ ܐܵܡܲ݁ܪ ܡܵܪܝܵܐ: ܚܢܵܩܹ̈ܐ ܕܩܲܝܣܵܐ ܕܬܲܒܲـ̣ܪܬ̇: ܥܒܸܕ݂ ܚܠܵܦܲܝܗܘܿܢ ܢܝܼܪܵܐ ܕܦܲܪܙܠܵܐ. |
| [No book] |
[14]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ ܨܒ̣ܵܐܘܼܬ̣ ܐܲܠܵܗܵܐ ܕܝܼܣܪܵܝܹܠ: ܢܝܼܪܵܐ ܕܦܲܪܙܠܵܐ ܝܸܗ̄ܒܹ̇ܬ̣ ܥܲܠ ܨܵܘܪܵܐ ܕܟ݂ܠܗܘܿܢ ܥܲܡܡܹ̈ܐ ܗܵܠܹܝܢ: ܠܡܸܦܠܲܚ ܠܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܢܸܦ̱ܠܚܘܼܢܹܗ. ܘܐܵܦ ܚܲܝ̄ܘܬ̣ܵܐ ܕܕܲܒ̣ܪܵܐ ܝܸܗ̄ܒܹ̇ܬ̣ ܠܹܗ ܠܡܸܦ̱ܠܚܹܗ. |
| [No book] |
[15]ܘܐܸܡ݂ܲܪ ܐܹܪܲܡܝܵܐ ܢܒ̣ܝܼܵܐ ܠܚܲܢܲܢܝܵܐ ܢܒ̣ܝܼܵܐ ܕܲܓܵܠܵܐ: ܫܡܲܥ ܚܲܢܲܢܝܵܐ: ܫܲܕ̇ܪܵܟ݂ ܡܵܪܝܵܐ: ܘܐܲܢ̄ܬ̇ ܐܲܬ̣ܟܸܠܬܵܝܗܝ ܠܥܲܡܵܐ ܗܵܢܵܐ ܥܲܠ ܫܘܼܩܪܵܐ. |
| [No book] |
[16]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ: ܗܵܐ ܫܵـ̇ܕܹܐ ܐ̄ܢܵܐ ܠܵܟ݂ ܡ̣ܢ ܐܲܦܲܝ̈ ܐܲܪܥܵܐ: ܫܲܢ̄ܬܵܐ ܗܵܕܹܐ ܡܵـ̇ܐܹܬ̣ ܐܲܢ̄ܬ̇: ܕܥܵܘ̣ܠܵܐ ܡܲܠܸܠܬ̇ ܩܕ݂ܵܡ ܡܵܪܝܵܐ. |
| [No book] |
[17]ܘܡܝܼܬ̣ ܚܲܢܲܢܝܵܐ ܢܒ̣ܝܼܵܐ ܕܲܓܵܠܵܐ ܒܫܲܢ̄ܬܵܐ ܗܵܝ̇ ܒܝܲܪܚܵܐ ܕܫܲܒ̣ܥܵܐ. |