|
|
| [1]ܦܸܬ̣ܓܵܡܵܐ ܕܲܗܘ̤ܵ ܥܲܠ ܐܹܪܲܡܝܵܐ ܡ̣ܢ ܩܕ݂ܵܡ ܡܵܪܝܵܐ: ܘܐܸܡ݂ܲܪ. |
[No book] |
| [2]ܗܵܟܲܢܵܐ ܐܵܡܲ݁ܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܟܬ̣ܘܒ̣ ܠܵܟ݂ ܟܠܗܘܿܢ ܦܸܬ̣ܓ̣ܵܡܹ̈ܐ ܕܐܸܡ̇ܪܸܬ̣ ܠܵܟ݂ ܥܲܠ ܣܸܦܪܵܐ. |
[No book] |
| [3]ܡܸܛܠ ܕܗܵܐ ܝܵܘ̈ܡܵܬ̣ܵܐ ܐܵܬܹ݁ܝܢ ܐܵܡܲ݁ܪ ܡܵܪܝܵܐ: ܘܐܲܗܦܸـܟ݂ ܫܒ̣ܝܼܬ̣ܵܐ ܕܥܲܡܝ ܝܼܣܪܵܝܹܠ: ܘܕܲܝܗܘܼܕ݂ܵܐ ܐܵܡܲ݁ܪ ܡܵܪܝܵܐ: ܘܐܲܗܦܸـܟ݂ ܐܸܢܘܿܢ ܠܐܲܪܥܵܐ ܕܝܸܗ̄ܒܹ̇ܬ̣ ܠܐܲܒ̣ܵܗܲܝ̈ܗܘܿܢ: ܘܢܹܐܪܬ̇ܘܢܵܗ̇. |
[No book] |
| [4]ܘܗܵܠܹܝܢ ܦܸܬ̣ܓ̣ܵܡܹ̈ܐ ܕܐܸܡ݂ܲܪ ܡܵܪܝܵܐ ܥܲܠ ܝܼܣܪܵܝܹܠ: ܘܥܲܠ ܝܑܼܗܘܼܕ݂ܵܐ. |
[No book] |
| [5]ܗܵܟܲܢܵܐ ܐܵܡܲ݁ܪ ܡܵܪܝܵܐ: ܩܵܠܵܐ ܕܙܵܘܸܥܬ̣ܵܐ ܫـ̣ܡܲܥܢ: ܕܸܚܠ̱ܬ̣ܵܐ ܘܠܸܝܬ̇ ܫܠܵܡܵܐ. |
[No book] |
| [6]ܫܲܐܸܠܘ ܘܲܚܙܵܘ ܐܸܢ ܝܵـ̇ܠܹܕ݂ ܕܸܟ݂ܪܵܐ܆ܡܸܛܠ ܡܵܢܵܐ ܚܙܹܝ̇ܬ̣ ܟܠ ܓܒܲܪ ܣܝܼ̈ܡܵܢ ܐܝܼܕ݂ܵܘ̈ܗܝ ܥܲܠ ܓܸܣܵܘ̈ܗܝ ܐܲܝܟ݂ ܝܵܠܹܕܬܵܐ: ܘܐܸܬ̣ܗ̱ܦܸܟ݂ ܟܠܗܹܝܢ ܐܲܦܹ̈ܐ ܠܝܲܩܕܵܢܵܐ. |
[No book] |
| [7]ܘܵܝ ܕܪܲܒ̇ ܗ̄ܘ̣ ܝܵܘܡܵܐ ܗܵܘ̇ ܘܠܲܝܬ̇ ܐܲܟ݂ܘܵܬܹܗ: ܘܲܙܒܲܢ ܥܵܩܬ̣ܵܐ ܗ̇ܘ̣ ܠܝܲܥܩܘܿܒ̣: ܘܡܸܢܸܗ ܢܸܬ̣ܦܪܸܩ. |
[No book] |
| [8]ܘܢܸܗܘܸܐ ܒܝܵܘܡܵܐ ܗܵܘ̇ ܐܵܡܲ݁ܪ ܡܵܪܝܵܐ ܨܒ̣ܵܐܘܼܬ̣: ܐܸܬ̣ܒܲܪ ܢܝܼܪܹܗ ܡ̣ܢ ܨܵܘܪܵܟ݂: ܘܲܚܢܵܩܲܝ̈ܟ ܐܹܦܲܣܸܩ: ܘܠܵܐ ܢܫܲܥܒ̇ܕ݂ܘܼܢ ܐܸܢܘܿܢ ܬܘܼܒ̣ ܢܘܼܟ݂ܖ̈ܵܝܹܐ. |
[No book] |
| [9]ܐܸܠܵܐ ܢܸܦܠ̱ܚܘܼܢ ܠܡܵܪܝܵܐ ܐܲܠܵܗܗܘܿܢ: ܘܲܠܕ݂ܵܘܝܼܕ݂ ܡܲܠܟ̇ܗܘܿܢ ܕܐܲܩܝܼܡ ܠܗܘܿܢ. |
[No book] |
| [10]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕ̇ܝ ܝܲܥܩܘܿܒ̣ ܐܵܡܲ݁ܪ ܡܵܪܝܵܐ: ܘܠܵܐ ܬܵܬ̇ܒܲܪ ܝܼܣܪܵܝܹܠ: ܕܗܵܐ ܦܵܪܹܩ ܐ̄ܢܵܐ ܠܵܟ݂ ܡ̣ܢ ܪܘܼܚܩܵܐ: ܘܲܠܙܲܪܥܵܟ݂ ܡ̣ܢ ܐܲܪܥܵܐ ܕܲܫܒ̣ܝܼܬ̣ܗܘܿܢ: ܘܢܸܬܸ̇ܒ̣ ܝܲܥܩܘܿܒ̣ ܘܢܸܫܠܸܐ ܘܢܸܫܟܲܬ̣ ܘܢܸܬ̇ܬ̇ܢܝܼܚ: ܘܠܵܐ ܢܸܗܘܸܐ ܠܹܗ ܡܲܗܪܵܢܵܐ. |
[No book] |
| [11]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕܝ ܝܲܥܩܘܿܒ̣ ܐܵܡܲ݁ܪ ܡܵܪܝܵܐ: ܡܸܛܠ ܕܥܲܡܵܟ݂ ܐ̄ܢܵܐ ܠܡܸܦ̱ܪܩܵܟ݂ ܐܵܡܲ݁ܪ ܡܵܪܝܵܐ: ܡܸܛܠ ܕܐܸܥܒܹ̇ܕ݂ ܓܡܘܼܪܝܵܐ ܒܟ݂ܠܗܘܿܢ ܥܲܡܡܹ̈ܐ ܕܒܲܕܲܪܬܵܟ݂ ܬܲܡܵܢ: ܘܠܵܟ݂ ܠܵܐ ܐܸܥܒܸܕ݂ ܓܡܘܼܪܝܵܐ: ܘܐܸܪܕܹܝܟ݂ ܒܕ݂ܝܼܢܵܐ ܘܲܡܙܲܟܵܝܘܼ ܠܵܐ ܐܹܙܲܟܹ̇ܝܟ݂. |
[No book] |
| [12]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ: ܟܵܐܹ̇ܒ̣ ܗ̄ܘ̣ ܬܒ̣ܵܪܹܟ݂ܝ: ܘܚܲܣܝܼܢܵܐ ܗ̄ܝ̣ ܡܚܘܿܬܹܟ݂ܝ. |
[No book] |
| [13]ܘܠܲܝܬ̇ ܕܕܵܐ܀ ܝܢ ܕܝܼܢܹܟ݂ܝ: ܕܲܢܥܲܕܪܹܟ݂ܝ ܘܢܲܐܣܹܝܟ݂ܝ. |
[No book] |
| [14]ܟܠܗܘܿܢ ܖ̈ܵܚܡܲܝܟ̇ܝ ܛܥ̣ܵܐܘܼܟ݂ܝ: ܘܢܲܦ̮ܫܹܟ݂ܝ ܒܵـ̇ܥܹܝܢ. ܡܸܛܠ ܕܲܡܚܘܿܬ̣ܵܐ ܕܲܒ̣ܥܸܠܕܒ̣ܵܒܹ̈ܐ ܡܚܹܝ̇ܬܹܟ݂ܝ: ܘܡܲܪܕܘܼܬ̣ܵܐ ܬܲܩܝܼܦܬܵܐ: ܥܲܠ ܕܲܣܓ̣ܝܼܘ ܚܵܘܒܲܝ̈ܟ̇ܝ: ܘܲܥ̣ܫܸܢܘ ܚܛܵܗܲܝ̈ܟ̇ܝ ܕܠܵܐ ܬܬ̣ܘܼܒ̣ܝܼܢ. |
[No book] |
| [15]ܡܵܢܵܐ ܡܲܝܠܠܲܬ̄ܝ ܥܲܠ ܬܒ̣ܵܪܹܟ݂ܝ. ܟܵܐܹ̇ܒ̣ ܗ̄ܘ̣ ܟܹܐܒܹܟ݂ܝ: ܥܲܠ ܣܘܿܓܲܐܬ̣ ܚܵܘܒܲܝ̈ܟ̇ܝ: ܘܕܲܥ̣ܸܫܸܢܘ ܚܛܵܗܲܝ̈ܟ̇ܝ: ܥܸـ̇ܒ̣ܕܹܬ̣ ܠܹܟ݂ܝ ܗܵܠܹܝܢ. |
[No book] |
| [16]ܡܸܛܠ ܗܵܢܵܐ ܟܠ ܐܵܟ݂ܘܿܠܲܝ̈ܟ̇ܝ ܢܸܬ̣ܐܲܟ݂ܠܘܼܢ: ܘܟ݂ܠܗܘܿܢ ܒܥܸܠܕܒ̣ܵܒܲܝ̈ܟ̇ܝ ܒܫܸܒ̣ܝܵܐ ܢܹܐܙܠܘܼܢ: ܘܢܸܗܘܘܿܢ ܕܵܝܘܿܫܲܝ̈ܟ̇ܝ ܠܲܕܝܵܫܵܐ: ܘܟ݂ܠܗܘܿܢ ܒܵܙܘܿܙܲܝ̈ܟ̇ܝ ܐܸܬܸ̇ܠ ܠܒܸܙܬ̣ܵܐ. |
[No book] |
| [17]ܡܸܛܠ ܕܐܲܣܸܩ ܠܹܟ݂ܝ ܐܵܣܝܘܼܬ̣ܵܐ: ܘܡ̣ܢ ܡܚܘܿܬܹܟ݂ܝ ܐܲܣܹܝܟ݂ܝ ܐܵܡܲ݁ܪ ܡܵܪܝܵܐ: ܡܸܛܠ ܕܲܕ݂ܚܝܼܩܬܵܐ ܩ̣ܪܵܐܘܼܟ݂ܝ: ܨܸܗܝܘܿܢ ܗܵܝ̇ ܕܬ̣ܵܒ̣ܘܿܥܵܐ ܠܲܝܬ̇ ܠܵܗ̇. |
[No book] |
| [18]ܗܵܟܲܢܵܐ ܐܵܡܲ݁ܪ ܡܵܪܝܵܐ: ܗܵܐ ܡܲܗܦܸـܟ݂ ܐ̄ܢܵܐ ܫܒ݂ܝܼܬ̣ܵܐ ܕܡܲܫܟ̇ܢܹܗ ܕܝܲܥܩܘܿܒ̣: ܘܥܵـ̇ܒܹܕ݂ ܐ̄ܢܵܐ ܠܹܗ ܐܲܝܟ݂ ܕܡ̣ܢ ܩܕ݂ܝܼܡ: ܘܥܲܠ ܡܲܫܟ̇ܢܵܘ̈ܗܝ ܐܹܪܲܚܹܡ: ܘܬܸܬ̣ܒ̇ܢܸܐ ܩܪܝܼܬ̣ܵܐ ܥܲܠ ܬܸܠܠܵܗ̇: ܘܢܵܘܣܵܐ ܒܙܸܕ݂ܩܹܗ ܢܸܬ̣ܩܲܢ. |
[No book] |
| [19]ܘܬܸܦܘܿܩ ܡܸܢܗܘܧܢ ܬܵܘܕܝܼܬ̣ܵܐ: ܘܩܵܠܵܐ ܕܲܡܫܲܒ̇ܚܵܢܹ̈ܐ: ܘܐܲܣܓܸ̇ܐ ܐܸܢܘܿܢ ܘܠܵܐ ܢܸܙܥ̱ܪܘܼܢ: ܘܐܲܥܫܸܢ ܐܸܢܘܿܢ ܘܠܵܐ ܢܵܒ̣ܨܪܘܼܢ. |
[No book] |
| [20]ܘܢܸܗܘܘܿܢ ܒܢܲܝ̈ܗܘܿܢ ܐܲܝܟ݂ ܕܡ̣ܢ ܩܕ݂ܝܼܡ: ܘܥܹܕܲܬ̣ܗܘܿܢ ܩܕ݂ܵܡܲܝ ܬܸܬ̣ܩܲܢ: ܘܐܸܦܩܘܿܕ݂ ܥܲܠ ܟܠܗܘܿܢ ܐܵܠܘܿܨܲܝ̈ܗܘܿܢ. |
[No book] |
| [21]ܘܢܸܗܘܸܐ ܡܲܠܟ̇ܗܘܿܢ ܡܸܢܗܘܿܢ: ܘܫܲܠܝܼܛܗܘܿܢ ܡ̣ܢ ܒܲܝܢܲܬ̣ܗܘܿܢ ܢܸܦܘܿܩ: ܘܐܹܩܲܪܒ̣ܝܼܘܗܝ ܘܢܸܬ̣ܩܲܪܲܒ̣ ܠܘܵܬ̣ܝ: ܡܸܛܠ ܕܐܲܦܢܸܐ ܠܸܒܹ̇ܗ ܐܵܡܲ݁ܪ ܡܵܪܝܵܐ. |
[No book] |
| [22]ܘܬܸܗܘܘܿܢ ܠܝܼ ܥܲܡܵܐ܆ܘܐܸܢܵܐ ܐܸܗܘܸܐ ܠܟ݂ܘܿܢ ܐܲܠܵܗܵܐ. |
[No book] |
| [23]ܡܲـ̣ܢܘܼ ܓܹܝܪ ܐܲܦܢܝܼ ܠܸܒܹ̇ܗ ܠܕܸܚܠܲܬ̣ܝ ܘܐܸܢܵܐ ܕܚܲܩ̇ܬܹ̇ܗ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ. |
[No book] |
| [24]ܠܵܐ ܬܸܗܦܘܿܟ݂ ܚܸܡܬ̣ܵܐ ܕܪܘܼܓ̣ܙܹܗ ܕܡܵܪܝܵܐ ܥܕܲܡܵܐ ܕܢܸܥܒܸ̇ܕ݂: ܘܲܥܕܲܡܵܐ ܕܲܢܩܝܼܡ ܬܲܪܥܝܼܬ̣ܵܐ ܕܠܸܒܹ̇ܗ: ܒܐܚܪܵܝܑܼܬ̣ ܝܵܘ̈ܡܵܬ̣ܵܐ ܬܸܬ̣ܒܲܝܢܘܼܢ ܒܹܗ. |
[No book] |