Fatal error: Uncaught TypeError: get_verse(): Argument #5 ($T) must be of type string, array given, called in /var/www/vhosts/firenewt.net/esb.bible/httpdocs/app/page/scroll/multiverse.inc on line 610 and defined in /var/www/vhosts/firenewt.net/esb.bible/httpdocs/app/page/scroll/multiverse.inc:120 Stack trace: #0 /var/www/vhosts/firenewt.net/esb.bible/httpdocs/app/page/scroll/multiverse.inc(610): get_verse(1, 'Jer', 50, 43, Array, 0, Array) #1 /var/www/vhosts/firenewt.net/esb.bible/httpdocs/app/page.inc(431): require('/var/www/vhosts...') #2 /var/www/vhosts/firenewt.net/esb.bible/httpdocs/app/app.php(112): require('/var/www/vhosts...') #3 /var/www/vhosts/firenewt.net/esb.bible/httpdocs/index.php(20): require('/var/www/vhosts...') #4 {main} thrown in /var/www/vhosts/firenewt.net/esb.bible/httpdocs/app/page/scroll/multiverse.inc on line 120

➖ »	« ➖ ➕
Peshitta OT PesOT	The Acts of Thomas ActThom
← Jeremiah Jer 50 →
[1]ܦܸܬ̣ܓ̣ܵܡܵܐ ܕܐܸܡܲܪ ܡܵܪܝܵܐ ܥܲܠ ܒܵܒܹܠ ܘܥܲܠ ܐܲܪܥܵܐ ܕܟܲܠܕ݂ܵܝܹ̈ܐ: ܒܐܝܼܕܹܗ ܕܐܹܪܲܡܝܵܐ ܢܒ̣ܝܼܵܐ.	[No book]
[2]ܚܵܘܵܘ ܒܥܲܡܡܹ̈ܐ ܘܐܲܫܡܲܥܘ: ܘܲܫܩܘܿܠܘ ܐܵܬ̤ܵܐ: ܐܲܫܡܲܥܘ ܘܠܵܐ ܬܸܬܲܟ݂ܣܘܼܢ: ܐܸܡܲܪܘ ܐܸܬ̇ܬܲܚܕܲܬ̤ ܒܵܒܹܠ: ܢܦܲܠ ܒܹܝܠ: ܘܐܲܚܦܲܪ ܡܪܘܿܕܲܟ݂: ܒܗܸܬ̣ܘ ܦܬܲܟ݂ܪܹ̈ܝܗ̇: ܘܐܸܬ̇ܬܲܒܲܪܘ ܓܠܝܼܦܹ̈ܝܗ̇.	[No book]
[3]ܡܸܛܠ ܕܲܣܠܸܩ ܥܠܹܝܗ̇ ܥܲܡܵܐ ܡ̣ܢ ܓܲܪܒ̇ܝܵܐ: ܗ̤ܘ ܢܸܥܒܸ̇ܕ݂ ܐܲܪܥܵܗ̇ ܠܚܘܼܪܒܵܐ: ܘܠܵܐ ܢܸܗܘܹܐ ܒܵܗ̇ ܕܝܵܬܹܒ̣: ܡ̣ܢ ܒܢܲܝ̈ܢܵܫܵܐ ܘܲܥܕܲܡܵܐ ܠܲܒ̣ܥܝܼܪܵܐ ܢܵܕ݂ܘ ܘܐܸܙܲܠܘ.	[No book]
[4]ܒܝܵܘ̈ܡܵܬ̣ܵܐ ܗܵܢܘܿܢ ܘܲܒ̣ܙܲܒ̣ܢܵܐ ܗܵܘ̇ ܐܵܡܲܪ ܡܵܪܝܵܐ: ܢܹܐܬ̣ܘܿܢ ܒܢܲܝ̈ ܝܼܣܪܵܝܹܠ ܗܸܢܘܿܢ ܘܲܒ̣ܢܲܝ̈ ܝܑܼܗܘܼܕ݂ܵܐ ܐܲܟ݂ܚ̄ܕ݂ܵܐ: ܡܗܲܠܟ݂ܝܼܢ ܘܒ̣ܵܟܹܝܢ ܘܲܠܡܵܪܝܵܐ ܐܲܠܵܗܗܘܿܢ ܒܵܥܹ̇ܝܢ.	[No book]
[5]ܥܲܠ ܐܘܼܪ̈ܚܵܬ̣ܵܗ̇ ܕܨܸܗܝܘܿܢ ܢܫܲܐܠܘܼܢ ܒܐܲܦܲܝ̈ܗܘܿܢ: ܬܵܘ ܢܸܬ̣ܠܵܘܸܐ ܠܡܵܪܝܵܐ ܩܝܵܡܵܐ ܕܲܠܥܵܠܲܡ ܕܠܵܐ ܡܸܬ̇ܛܥܸܐ.	[No book]
[6]ܐܲܝܟ݂ ܥܵـ̈ـܢܵܐ ܐܲܒ̇ܝܕ̇ܬܵܐ ܗܘ̤ܵܐ ܥܲܡܝ: ܪ̈ܵܥܵܘܵܬ̣ܗܘܿܢ ܐܲܛܥܝܼܘ ܐܸܢܘܿܢ: ܘܥܲܠ ܛܘܼܪܹ̈ܐ ܒܲܕܲܪܘ ܐܸܢܘܿܢ: ܡ̣ܢ ܛܘܼܪܹ̈ܐ ܠܪ̈ܵܡܵܬ̣ܵܐ ܐܸܙܲܠܘ: ܘܲܛܥܵܘ ܒܡܲܪܒܲܥܗܘܿܢ.	[No book]
[7]ܟܠ ܡܲܢ ܕܐܸܫܟܲܚ ܐܸܢܘܿܢ ܐܸܟܲܠ ܐܸܢܘܿܢ: ܘܲܒ̣ܥܸܠܕ̇ܒ̣ܵܒܲܝ̈ܗܘܿܢ ܐܵܡ̇ܪܝܼܢ ܠܵܐ ܢܸܫܒ̇ܘܿܩ ܐܸܢܘܿܢ: ܥܲܠ ܕܲܚܛܵܘ ܠܡܵܪܝܵܐ ܘܲܠܕܲܝܪܹܗ ܙܲܕ̇ܝܼܩܬܵܐ: ܘܣܲܒ̣ܪܵܐ ܕܐܲܒ̣ܵܗܲܝ̈ܗܘܿܢ: ܡܵܪܝܵܐ ܗ̄ܘ̣.	[No book]
[8]ܥܪܘܿܩܘ ܡ̣ܢ ܓܵܘ ܒܵܒܹܠ: ܘܡ̣ܢ ܐܲܪܥܵܐ ܕܟܲܠܕ݂ܵܝܹ̈ܐ ܦܘܿܩܘ: ܘܲܗܘ̤ܵܘ ܐܲܝܟ݂ ܬܲܝܫܹ̈ܐ ܩܕ݂ܵܡ ܥܵـ̈ـܢܵܐ.	[No book]
[9]ܡܸܛܠ ܕܗܵܐ ܡܕ݂ܝܼܠ ܐ̄ܢܵܐ ܘܡܲܣܸܩ ܐ̄ܢܵܐ ܥܲܠ ܒܵܒܹܠ: ܟܸܢܫܵܐ ܕܥܲܡܡܹ̈ܐ ܣܲܓ̇ܝܼ̈ܐܹܐ ܡ̣ܢ ܐܲܪܥܵܐ ܕܓܲܪܒ̇ܝܵܐ: ܘܢܸܣܬܲܕ݂ܪܘܼܢ ܥܠܹܝܗ̇: ܘܡ̣ܢ ܬܲܡܵܢ ܬܸܬ̇ܚܸܕ݂: ܓܹܐܪ̈ܲܝܗܘܿܢ ܐܲܝܟ݂ ܓܲܒ̣ܪܵܐ ܕܡܲܨܠܲܚ ܘܠܵܐ ܗܵܦܹ̇ܟ݂ ܣܪܝܼܩܵܐܝܼܬ̣.	[No book]
[10]ܘܬܸܗܘܹܐ ܐܲܪܥܵܐ ܕܟܲܠܕ݂ܵܝܹ̈ܐ ܠܒܸܙܬ̣ܵܐ: ܘܟ݂ܠܗܘܿܢ ܒܵܙܘܿܙܹܝ̈ܗ̇ ܢܸܣܒ̇ܥܘܼܢ ܐܵܡܲܪ ܡܵܪܝܵܐ.	[No book]
[11]ܡܸܛܠ ܕܬܸܚܕ̇ܘܿܢ ܘܡܸܛܠ ܕܲܬ̇ܕ݂ܘܼܨܘܼܢ: ܪܹܫ ܝܵܪܬ̇ܘܼܬ̣ܝ: ܘܲܬ̇ܕ݂ܨܘܼܢ ܐܲܝܟ݂ ܥܸܓ̣̈ܠܹܐ ܕܦܸܛܡܵܐ: ܘܲܬ̣ܪܲܩܕ݂ܘܼܢ ܐܲܝܟ݂ ܕܸܟ݂ܪܹ̈ܐ ܕܥܵـ̈ـܢܵܐ.	[No book]
[12]ܒܸܗܬ̇ܬ̤ ܐܸܡܟ݂ܘܿܢ ܛܵܒ̣: ܘܐܲܚܦܪܲܬ̤ ܝܵܠܹܕ̇ܟ݂ܘܿܢ: ܗܵܐ ܚܲܪܬ̣ܵܐ ܕܥܲܡ̈ܡܹܐ ܐܲܝܟ݂ ܡܲܕ݂ܒ̇ܪܵܐ ܚܲܪܒܵܐ ܘܨܵܕ݂ܝܵܐ.	[No book]
[13]ܡ̣ܢ ܪܘܼܓ̣ܙܹܗ ܕܡܵܪܝܵܐ ܠܵܐ ܬܸܬܸ̇ܒ̣: ܘܬܸܗܘܹܐ ܨܹܕ݂ܝܵܐ ܟܠܵܗ̇. ܘܟ݂ܠ ܕܢܸܥܒܲܪ ܥܲܠ ܒܵܒܹܠ: ܢܸܬ̣ܡܲܗ ܘܢܲܫܪܸܩ ܥܲܠ ܟܠܗܹܝܢ ܡܲܚ̈ܘܿܬ̣ܵܗ̇.	[No book]
[14]ܐܸܣܬܲܕ݂ܪܘ ܥܲܠ ܒܵܒܹܠ: ܟܠ ܐܲܝܠܹܝܢ ܕܝܵܕ݂ܥܝܼܢ ܠܡܸܫܕܵܐ ܒܩܸܫܬܵܐ ܫܕ݂ܵܘ ܥܠܹܝܗ̇: ܠܵܐ ܬܚܘܼܣܘܼܢ ܥܲܠ ܓܹܐܪܹ̈ܐ: ܡܸܛܠ ܕܲܠܡܵܪܝܵܐ ܚܛܵܬ̤.	[No book]
[15]ܝܲܒܸ̇ܒ̣ܘ ܥܠܹܝܗ̇ ܡ̣ܢ ܚܕ݂ܵܪܹ̈ܝܗ̇: ܝܸܗ̄ܒܲܬ̤ ܐܝܼܕ݂ܵܐ: ܢܦܲܠ̣ ܫܲܬ̣ܐ̱ܣܹ̈ܝܗ̇: ܐܸܣܬ̇ܚܸܦܘ ܫܘܼܪܹ̈ܝܗ̇: ܡܸܛܠ ܕܦܘܼܪܥܵܢܹܗ ܕܡܵܪܝܵܐ ܐܸܬ̣ܢܲܩܲܡܘ ܒܵܗ̇. ܐܲܟ݂ܡܵܐ ܕܥܸܒ̣ܕܲܬ̤ ܥܒܸܕ݂ܘ ܠܵܗ̇.	[No book]
[16]ܘܐܵܘܒܸ̇ܕ݂ܘ ܙܵܪܘܿܥܵܐ ܡ̣ܢ ܒܵܒܹܠ: ܘܐܵܚܹܕ݂ ܡܲܓ̇ܠܵܐ ܒܙܲܒ̣ܢܵܐ ܕܲܚܨܵܕ݂ܵܐ: ܡܸܛܠ ܚܲܪܒܵܐ ܕܡܲܕ݂ܘ̱ܝܵܐ: ܐ̄ܢܵܫ ܠܥܲܡܹܗ ܢܸܬ̣ܦ̄ܢܘܿܢ: ܘܲܓ̣ܒܲܪ ܠܐܲܪܥܹܗ ܢܸܥ̱ܪܩܘܼܢ.	[No book]
[17]ܢܸܩܝܵܐ ܛܵܥܝܼܬ̣ܵܐ ܝܼܣܪܵܝܹܠ: ܐܵܪ̈ܝܵܘܵܬ̣ܵܐ ܐܲܛܥܝܼܘ ܐܸܢܘܿܢ: ܩܲܕ݂ܡܵܝܵܐ ܐܲܟ݂ܠܹܗ ܡܲܠܟܵܐ ܕܐܵܬ̣ܘܿܪ: ܘܗܵܢܵܐ ܐ̄ܚܪܵܝܵܐ ܥܫܸܢ ܡܸܢܹܗ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ.	[No book]
[18]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܦܵܩܹ̇ܕ݂ ܐ̄ܢܵܐ ܥܲܠ ܡܲܠܟܵܐ ܕܒ̣ܵܒܹܠ: ܘܥܲܠ ܐܲܪܥܹܗ: ܐܲܝܟ݂ ܕܦܸܩܕܹ̇ܬ̣ ܥܲܠ ܡܲܠܟܵܐ ܕܐܵܬ̣ܘܿܪ.	[No book]
[19]ܘܐܲܗܦܸܟ݂ ܠܝܼܣܪܵܝܹܠ ܠܕܲܝܪܗܘܿܢ: ܘܢܸܪܥܘܿܢ ܒܟܲܪܡ̄ܠܵܐ ܘܲܒ̣ܡܲܬ̣ܢܝܼܢ: ܘܲܒ̣ܛܘܼܪܵܐ ܕܐܲܦܪܹܝܡ: ܘܲܒ̣ܓܸܠܥܵܕ݂: ܘܬܸܣܒܲܥ ܢܲܦ̮ܫܗܘܿܢ.	[No book]
[20]ܒܝܵܘ̈ܡܵܬ̣ܵܐ ܗܵܢܘܿܢ ܘܲܒ̣ܙܲܒ̣ܢܵܐ ܗܵܘ̇ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܢܸܬ̣ܒ̇ܥܹܐ ܥܵܘܼܠܹܗ ܕܝܼܣܪܵܝܹܠ ܘܠܲܝܬܵܘܗܝ: ܘܲܚܛܝܼܬܹܗ ܕܲܝܗܘܼܕ݂ܵܐ: ܘܠܵܐ ܬܸܫܬ̇ܟܲܚ: ܡܸܛܠ ܕܐܸܫܒ̇ܘܿܩ ܠܫܲܪܟܵܐ ܕܐܸܫܬ̇ܚܲܪܘ ܡܸܢܗܘܿܢ.	[No book]
[21]ܣܲܩܘ ܥܲܠ ܐܲܪܥܵܐ ܡܡܲܪܡ̄ܪܢܝܼܬ̣ܵܐ: ܣܲܩܘ ܥܠܹܝܗ̇ ܘܥܲܠ ܥܵܡܘܿܪܹ̈ܝܗ̇: ܐܸܬ̇ܬ̇ܥܝܼܪ ܚܲܪܒܵܐ ܘܲܚܪܘܿܒ̣ܝ ܐܸܢܘܿܢ ܐܵܡܲܪ ܡܵܪܝܵܐ: ܘܲܥܒܸܕ݂ܝ ܐܲܝܟ݂ ܕܦܲܩܸܕ̇ܬܹ̇ܟ݂ܝ.	[No book]
[22]̣: ܩܵܠܵܐ ܕܲܩܪܵܒ̣ܵܐ ܒܐܲܪܥܵܐ ܘܲܬ̣ܒ̣ܵܪܵܐ ܪܲܒܵܐ.	[No book]
[23]ܐܲܝܟܲܢܵܐ ܐܸܬ̇ܬܲܒ̣ܪܲܬ̤ ܘܐܸܫܬܲܩܠܲܬ̤ ܬܲܩܝܼܦܬܵܐ ܕܟ݂ܠܵܗ̇ ܐܲܪܥܵܐ ܐܲܝܟܲܢܵܐ ܗܘ̤ܵܬ̣ ܠܬܸܡܗܵܐ ܒܵܒܹܠ ܒܥܲܡܡܹ̈ܐ.	[No book]
[24]ܐܸܬ̇ܬܲܩܠܲܬ̤ ܒܵܒܹܠ ܘܐܵܦ ܐܸܬ̇ܬܲܚܕܲܬ̤: ܘܠܵܐ ܝܸܕܥܲܬ̣ ܕܠܘܼܩܒܲܠ ܡܵܪܝܵܐ ܩܵܡܲܬ̤.	[No book]
[25]ܦܬܲܚ̣ ܡܵܪܝܵܐ ܐܵܘܨܪܹܗ: ܘܐܲܦܸܩ ܡܵܐܢܹ̈ܐ ܕܪܘܼܓ̣ܙܹܗ: ܡܸܛܠ ܕܲܥܒ̣ܵܕ݂ܵܐ ܗ̄ܘ̣ ܠܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ ܒܐܲܪܥܵܐ ܕܟܲܠܕ݂ܵܝܹ̈ܐ.	[No book]
[26]ܬܵܘ ܥܠܹܝܗ̇ ܡ̣ܢ ܚܕ݂ܵܪܹ̈ܝܗ̇: ܦܬܲܚܘ ܬܲܪ̈ܥܹܝܗ̇: ܒܨܵܐܘܼܗ̇ ܐܲܝܟ݂ ܥܲܪܛܸܠܵܝܬܵܐ: ܘܚܘܼܪܒ̇ܘܼܗ̇ ܘܠܵܐ ܬܸܫܒ̇ܩܘܼܢ ܠܵܗ̇ ܚܲܪܬ̣ܵܐ.	[No book]
[27]ܚܘܼܪܒ̇ܘܼܗ̇ ܘܟ݂ܠܗܘܿܢ ܦܹܐܪܹ̈ܝܗ̇ ܢܸܫܬܲܠܡܘܼܢ ܠܩܸܛܠܵܐ: ܘܵܝ ܥܠܲܝܗܘܿܢ ܕܡܲܛܝܼ ܝܵܘܡܗܘܿܢ: ܙܲܒ̣ܢܵܐ ܕܦܘܼܩܕܵܢܗܘܿܢ.	[No book]
[28]ܩܵܠܵܐ ܕܥܵܪܩܝܼܢ ܘܲܕ݂ܡܸܬ̣ܦܲܠܛܝܼܢ ܡ̣ܢ ܐܲܪܥܵܐ ܕܒ̣ܵܒܹܠ: ܠܲܡܚܵܘܵܝܘܼ ܒܨܸܗܝܘܿܢ ܢܩܲܡܬܹܗ ܕܡܵܪܝܵܐ: ܐܲܠܵܗܲܢ: ܘܲܢܩܲܡܬ̣ܵܐ ܕܗܲܝܟ̇ܠܹܗ.	[No book]
[29]ܐܲܫܡܲܥܘ ܥܲܠ ܒܵܒܹܠ. ܣܲܓܝܼ̈ܐܹܐ: ܟܠ ܕܝܵܕ݂ܥܝܼܢ ܠܡܸܫܕܵܐ ܒܩܸܫܬܵܐ ܫܕ݂ܵܘ ܥܠܹܝܗ̇ ܡ̣ܢ ܚܕ݂ܵܪܹ̈ܝܗ̇: ܠܵܐ ܬܸܫܒ̇ܩܘܼܢ ܠܵܗ̇ ܚܲܪܬ̣ܵܐ: ܦܘܼܪܥܘܼܗ̇ ܐܲܝܟ݂ ܐܲܓ̣ܪܵܗ̇: ܘܐܲܝܟ݂ ܕܥܸܒ̣ܕܲܬ̤ ܥܒܸܕ݂ܘ ܠܵܗ̇: ܡܸܛܠ ܕܥܲܠ ܡܵܪܝܵܐ ܐܲܡ̱ܪܚܲܬ̤ ܘܥܲܠ ܩܲܕ̇ܝܼܫܵܐ ܕܝܼܣܪܵܝܹܠ.	[No book]
[30]ܡܸܛܠ ܗܵܢܵܐ ܢܸܦܠܘܼܢ ܓܲܕ̇ܘܼ݁ܕܹܝܗ̇: ܒܓ̣ܵܘܵܗ̇: ܘܟ݂ܠܗܘܿܢ ܓܲܒ̣ܪܹ̈ܝܗ̇ ܩܪ̈ܲܒ̣ܬ̣ܵܢܹܐ ܢܸܫܬܲܬ̇ܩܘܼܢ ܒܝܵܘܡܵܐ ܗܵܘ̇.	[No book]
[31]ܗܵܐ ܐܸܢܵܐ ܥܠܲܝܟ ܡܲܪܵܚܵܐ ܐܵܡܲܪ ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ: ܡܸܛܠ ܕܲܡܛܵܐ ܝܵܘܡܵܟ݂: ܙܲܒ̣ܢܵܐ ܕܦܘܼܩܕܵܢܵܟ݂.	[No book]
[32]ܘܢܸܣܬ̇ܚܸܦ ܡܲܪܵܚܵܐ ܘܢܸܦܸܠ: ܘܠܲܝܬ̇ ܡܲܢ ܕܲܡܩܝܼܡ ܠܹܗ: ܘܐܸܫܒ̇ܘܿܩ ܢܘܼܪܵܐ ܒܩܘܼܪ̈ܝܹܗ: ܘܬܹܐܟ݂ܘܿܠ ܟܠܗܘܿܢ ܚܕ݂ܵܪܵܘܗܝ.	[No book]
[33]ܗܵܟܲܢܵܐ ܐܵܡܲܪ ܡܵܪܝܵܐ ܨܒ̣ܵܐܘܼܬ̣: ܛܠܝܼܡܝܼܢ ܒܢܲܝ̈ ܝܼܣܪܵܝܹܠ ܘܲܒ̣ܢܲܝ̈ ܝܑܼܗܘܼܕ݂ܵܐ ܐܲܟ݂ܚ̄ܕ݂ܵܐ: ܘܟ݂ܠ ܕܲܫܒ̣ܵܘ ܐܸܢܘܿܢ ܚܲܡܣܸܢܘ ܒܗܘܿܢ: ܘܠܵܐ ܨܵܒܹ̇ܝܢ ܠܡܫܲܕܵܪܘܼ ܐܸܢܘܿܢ.	[No book]
[34]ܦܵܪܘܿܩܗܘܿܢ ܬܲܩܝܼܦ ܗ̄ܘ̣: ܡܵܪܝܵܐ ܚܲܝܠܬ̣ܵܢܵܐ ܫܡܹܗ: ܡܕ݂ܵܢ ܢܕ݂ܘܼܢ ܕܝܼܢܗܘܿܢ: ܘܲܢܫܲܠܸܐ ܠܐܲܪܥܵܐ: ܘܢܲܪܓܸ̇ܙ ܠܟ݂ܠܗܘܿܢ ܥܵܡܘܿܪܹ̈ܝܗ̇ ܕܬܹܒܹܝܠ.	[No book]
[35]ܚܲܪܒܵܐ ܥܲܠ ܟܲܠܕܵܝܹ̈ܐ ܐܵܡܲܪ ܡܵܪܝܵܐ: ܘܥܲܠ ܟܠܗܘܿܢ ܥܵܡܘܿܪܹ̈ܝܗ̇ ܕܒ̣ܵܒܹܠ: ܘܥܲܠ ܪܵܘܪ̈ܒ̣ܵܢܹܝܗ̇ ܘܥܲܠ ܚܲܟ̇ܝܼܡܹ̈ܝܗ̇.	[No book]
[36]ܚܲܪܒܵܐ ܥܲܠ ܩܵܨܘܿܡܹܝ̈ܗ̇ ܘܢܸܬ̇ܛܲܪܦܘܼܢ: ܚܲܪܒܵܐ ܥܲܠ ܓܲܢ̄ܒܵܪܹ̈ܝܗ̇ ܘܢܸܬ̇ܬܲܒ̣ܪܘܼܢ.	[No book]
[37]ܚܲܪܒܵܐ ܥܲܠ ܪ̈ܲܟ݂ܫܵܗ̇ ܘܥܲܠ ܡܲܪ̈ܟ̇ܒ̣ܵܬ̣ܵܗ̇: ܘܥܲܠ ܟܠܗܘܿܢ ܬܵܘܬܵܒܹ̈ܐ ܕܲܒ̣ܓ̣ܵܘܵܗ̇: ܘܢܸܗܘܘܿܢ ܐܲܝܟ݂ ܢܸܫܹ̈ܐ: ܚܲܪܒܵܐ ܥܲܠ ܓܲܙܹܝ̈ܗ̇ ܘܢܸܬ̣ܒܲܙܙܘܼܢ.	[No book]
[38]ܚܲܪܒܵܐ ܥܲܠ ܡܹܝ̈ܗ̇ ܘܢܹܐܒ̣ܫܘܼܢ: ܡܸܛܠ ܕܐܲܪܥܵܐ ܗ̄ܝ̣ ܕܓ̣ܵܠܦܲܝ̈ ܨܲܠܡܹ̈ܐ: ܘܒܲܦܬܲܟ݂ܪܹ̈ܐ ܡܸܫܬܲܒ̣ܗ̱ܪܝܼܢ.	[No book]
[39]ܡܸܛܠ ܗܵܢܵܐ ܢܸܥ̄ܡܪ̈ܵܢ ܒܵܗ̇ ܣܝܼܪܹ̈ܢܵܣ. ܘܢܸـ̈ـܬ̇ܒ̣ܵܢ ܒܵܗ̇ ܒ̈ܢܵܬ̣ ܢܲܥܵܡܹ̈ܐ: ܠܵܐ ܬܸܬܸ̇ܒ̣ ܠܥܵܠܲܡ: ܘܠܵܐ ܬܸܫܪܸܐ ܠܕ݂ܵܪܕܵܪ̈ܝܼܢ.	[No book]
[40]ܘܬܸܗܘܹܐ ܐܲܝܟ݂ ܣܕ݂ܘܿܡ ܘܐܲܝܟ݂ ܥܵܡܘܿܪܵܐ: ܕܲܗܦܲܟ݂ ܐܸܢܹܝܢ ܐܲܠܵܗܵܐ ܘܲܠܥܵܡܘܿܪ̈ܲܝܗܹܝܢ: ܠܵܐ ܢܸܬܸ̇ܒ̣ ܬܲܡܵܢ ܓܒܲܪ: ܘܠܵܐ ܢܸܥܡܲܪ ܬܲܡܵܢ ܒܲܪܢܵܫ.	[No book]
[41]ܗܵܐ ܥܲܡܵܐ ܐܵܬܹ̇ܐ ܡ̣ܢ ܓܲܪܒ̇ܝܵܐ: ܥܲܡܵܐ ܪܲܒܵܐ: ܘܡܲܠ̈ܟܹ̇ܐ ܣܲܓ̇ܝܼ̈ܐܹܐ ܢܕ݂ܘܼܠܘܼܢ ܡ̣ܢ ܣܵܘܦܹܝ̈ܗ̇ ܕܐܲܪܥܵܐ.	[No book]
[42]ܒܩܸܫ̈ܬܵܬ̣ܵܐ ܘܲܒ̣ܢܲܝܙܟܹ̈ܐ ܡܙܲܝܢܝܼܢ: ܒܝܼܫܝܼܢ ܐܸܢܘܿܢ ܘܠܵܐ ܡܪܲܚܡܵܢܝܼܢ: ܩܵܠܗܘܿܢ ܐܲܝܟ݂ ܝܲܡܵܐ ܕܡܸܬ̣ܟ̇ܬܸܫ: ܘܥܲܠ ܪ̈ܲܟ݂ܫܵܐ ܪܟ݂ܝܼܒ̣ܝܼܢ: ܘܲܡܛܲܝܒ̣ܝܼܢ ܐܲܝܟ݂ ܓܲܢ̄ܒܵܪܹ̈ܐ ܠܲܩܪܵܒ̣ܵܐ: ܥܠܲܝܟ̇ܝ ܒܲܪܬ̣ ܒܵܒܹܠ.	[No book]