➖ »
«
➖ ➕
Peshitta OT
PesOT
The Fragments of Papias
Papias
←
Job
Job
24
→
[1]ܡܸܛܠ ܡܵܢܵܐ ܡ̣ܢ ܐܲܠܵܗܵܐ ܠܵܐ ܐܸܬ̇ܛܲܫܝܼܘ ܥܵܘܵܠ̈ܝܼܢ. ܘܝܼܕܲܥ̣ܘ: ܘܠܵܐ ܚܙ̣ܵܘ ܝܵܘ̈ܡܲܝܗܘܿܢ. [No book]
[2]ܘܲܬ̣ܚܘܼܡܵܐ ܫܲܢܝܼܘ. ܘܲܓ̣ܙܪܵܐ ܕܒܲܪܘ [No book]
[3]ܘܲܚܡܵܪܵܐ ܕܝܲܬ̣ܡܵܐ ܕܒܲܪܘ: ܘܡܲܫܟܸ̇ܢܘ ܬܵܘܪܵܗ̇ ܕܐܲܪܡܲܠܬܵܐ. [No book]
[4]ܐܸܬ̇ܛܲܫܝܼܘ ܒܵܝ̈ܫܹܐ ܡ̣ܢ ܐܘܼܪܚܵܐ ܘܐܲܟ݂ܚ̄ܕ݂ܵܐ ܐܸܬ̇ܛܲܫܝܼܘ ܡܲܟ̇ܝܼ̈ܟܹܝܗ̇ ܕܐܲܪܥܵܐ. [No book]
[5]ܐܲܝܟ݂ ܥܪ̈ܵܕܹܐ ܒܡܲܕ݂ܒ̇ܪܵܐ: ܕܲܡܩܲܕ̇ܡܝܼܢ ܠܡܹܐܟ݂ܘܼܠܬܵܐ ܠܲܚܡܵܐ ܠܲܥܠܲܝܡܘܼܬ̣ܗܘܿܢ. [No book]
[6]ܘܲܒ̣ܚܲܩܠܵܐ ܚܲܡܝܼܡܵܐ ܕܠܵܐ ܕܝܼܠܗܘܿܢ ܢܸܚܨܕ݂ܘܼܢ ܘܟܲܪ̈ܡܹܐ ܕܪ̈ܲܫܝܼܥܹܐ ܢܠܲܩܫܘܼܢ. [No book]
[7]ܒܵܐܹ̇ܬ̣ ܥܲܪܛܸܠܵܝܵܐ ܡ̣ܢ ܒܠܲܝ ܠܒ̣ܘܼܫܵܐ. ܘܠܲܝܬ̇ ܬܲܟ݂ܣܝܼܬ̣ܵܐ ܒܥܲܪܝܵܐ. [No book]
[8]ܡ̣ܢ ܙܵܪܝܼܦ̮ܬܵܐ ܕܛܘܼܪܹ̈ܐ ܢܸܬ̣ܪܲܛܒ̣ܘܼܢ. ܘܡ̣ܢ ܒܠܲܝ ܣܸܬܪܵܐ ܠܟܹܐܦܵܐ ܢܥܲܦܩܘܼܢ. [No book]
[9]ܢܸܚ̄ܛܦܘܼܢ ܡ̣ܢ ܒܸܙܬ̣ܵܐ ܕܝܲܬ̣ܡܹ̈ܐ. ܘܥܲܠ ܡܸܣܟܹ̇ܢܹ̈ܐ ܚܘܼܒ̣̈ܠܹܐ ܐܲܪܡ̣ܝܼܘ. [No book]
[10]ܥܲܪܛܸܠ ܗܲܠܸܟ݂ܘ ܡ̣ܢ ܒܠܲܝ ܠܒ̣ܘܼܫܵܐ. ܘܟܲܦܢܹ̈ܐ ܫܩܲܠ̣ܘ ܠܲܚܡܵܐ: ܘܒܹܝܬ̣ ܫܵܪ̈ܘܵܬ̣ܵܐ ܡܓܲܗܢܝܼܢ ܘܟܲܦܢܝܼܢ ܟܲܕ݂ ܫܩܝܼܠܝܼܢ ܣܲܐܬ̣ܵܐ ܘܟܲܠܝܵܐ. [No book]
[11]ܘܒܲܙܒܲܢ ܢܸܟ݂ܦܢܘܼܢ ܒܫܵܪ̈ܘܵܬ̣ܗܘܿܢ. ܘܡܲܥܨܪ̈ܵܢ ܢܸܥܨܪܘܼܢ ܘܢܸܨܗܘܿܢ. [No book]
[12]ܘܡ̣ܢ ܓܵܘ ܩܪܝܼܬ̣ܵܐ ܡܝܼ̈ܬܹܐ ܢܸܬ̣ܐܲܢܩܘܼܢ ܘܢܲܦ̮ܫܵܐ ܕܲܩܛܝܼ̈ܠܹܐ ܬܸܓ̣ܥܹܐ ܘܐܲܠܵܗܵܐ ܠܵܐ ܢܩܲܒܸ̇ܠ ܨܠܘܿܬ̣ܗܘܿܢ. [No book]
[13]ܗܸܢܘܿܢ ܗܘ̤ܵܘ ܒܡܸܕ݂ܝܵܪ̈ܲܝ ܢܘܼܗܪܵܐ ܘܠܵܐ ܚܟܲܡ̣ܘ ܐܘܼܪ̈ܚܵܬܹܗ. ܘܠܵܐ ܗܲܠܸܟ݂ܘ ܒܲܫܒ̣ܝܼܠܵܘ̈ܗܝ. [No book]
[14]ܒܢܘܼܗܪܵܐ ܩܵܐܹ̇ܡ ܩܵܛܘܿܠܵܐ: ܘܩܵܛܹ̇ܠ ܠܡܸܣܟܹ̇ܢܹ̈ܐ ܘܲܠܒ̣ܵܝܫܹ̈ܐ. ܘܲܒ̣ܠܠܝܵܐ ܗܵܘܹܿܐ ܐܲܝܟ݂ ܓܵܢܵܒ̣ܵܐ. [No book]
[15]ܘܥܲܝܢܹ̈ܐ ܕܓܲܝܵܪܹ̈ܐ ܢܸܛܪܵܢ ܠܚܸܫܘܿܟ݂ܵܐ. ܘܐܵܡ̇ܪܝܼܢ ܠܵܐ ܬܸܚܙܹܝܢ ܥܲܝܢܵܐ. ܘܲܡܣܲܬܲܪ ܐܲܦܵܘ̈ܗܝ ܒܚܸܫܘܿܟ݂ܵܐ. [No book]
[16]ܦܵܠܹ̇ܫ ܒܚܸܫܘܿܟ݂ܵܐ ܒܵܬ̇ܝܼ̈ܢ ܘܒ̣ܐܝܼܡܵܡܵܐ ܡܚܲܬܸ̇ܡ ܠܗܘܿܢ. ܕܠܵܐ ܢܸܚܙܘܿܢ ܢܘܼܗܪܵܐ. [No book]
[17]ܡܸܛܠ ܗܵܢܵܐ ܒܥ̣ܵܘ ܠܗܘܿܢ ܛܸܠܵܠܹܗ ܕܡܵܘܬܵܐ: ܘܐܸܫ̣ܟܲܚܘ. ܘܒܲܠܗܝܼܘ ܐܸܢܘܿܢ ܛܸܠܵܠܵܘ̈ܗܝ ܕܡܵܘܬܵܐ. [No book]
[18]ܩܲܠܝܼܠ ܘܥܲܠ ܐܲܦܲܝ̈ ܡܲـ̈ـܝܵܐ. ܬܸܬ̣ܠܝܼܛ ܡܢܵܬ̣ܗܘܿܢ ܒܐܲܪܥܵܐ: ܒܐܘܼܪܲܚ ܟܲܪ̈ܡܝܼܢ. [No book]
[19]ܨܲܗ̈ܘܵܢܹܐ ܘܚܘܼܡܵܐ: ܢܸܚ̄ܛܦܘܼܢ ܐܸܢܘܿܢ ܡܲـ̈ـܝܵܐ ܕܬܲܠܓܵܐ ܒܲܫܝܘܿܠ ܚ̣ܛܵܘ. [No book]
[20]ܘܐܸܬ̇ܛܥܝܼܘ ܡ̣ܢ ܡܲܪܒ̇ܥܵܐ. ܡܸܬ̣ܩܲܬ̤ ܐܸܢܘܿܢ ܪܸܡܬ̣ܵܐ. ܘܡܝܼ̈ܬܹܐ ܬܘܼܒ̣ ܠܵܐ ܢܸܬ̇ܕܲܟ݂ܪܘܼܢ. ܘܢܸܬ̇ܬ̇ܒܲܪ ܐܲܝܟ݂ ܩܲܝܣܵܐ ܥܵܘܵܠܵܐ. [No book]
[21]ܘܲܥܩܲܪܬ̣ܵܐ ܒܝܼܫܬܵܐ ܠܵܐ ܬܹܐܠܲܕ݂: ܘܠܲܐܪܡܲܠܬܵܐ ܠܵܐ ܐܲܛܐܸܒ̣ܘ. [No book]
[22]ܘܩܸܢܝܵܢܵܐ ܕܥܲܫܝܼܢܵܐ ܒܚܲܝܠܹܗ ܢܩܘܼܡ. ܘܠܵܐ ܢܗܲܝܡܸܢ ܒܚܸܙܘܵܐ. [No book]
[23]ܘܢܸܫܪܹܐ ܒܫܸܠܝܵܐ ܘܢܸܬ̇ܬ̇ܟ݂ܠ ܘܥܲܝܢܵܘ̈ܗܝ ܥܲܠ ܐܘܼܪ̈ܚܵܬ̣ܗܘܿܢ ܢܸܬ̇ܬ̇ܪ̈ܝܼܡܵܢ. [No book]
[24]ܩܲܠܝܼܠ ܘܠܲܝܬ̇ ܐܸܢܘܿܢ: ܘܢܸܬ̣ܡܟ̇ܟ݂ܘܿܢ ܘܢܹܐܒ̣ܕ̇ܘܼܢ ܟܠܗܘܿܢ ܡܲܪ̈ܓ̇ܙܵܢܹܐ. ܘܐܲܝܟ݂ ܪܹܫܵܐ ܕܫܸܒ̇ܠܹ̈ܐ ܢܹܐܒ݂ܫܘܼܢ ܘܢܸܬ̣ܦܲܪܟ̇ܘܼܢ. [No book]
[25]ܘܐܸܢ ܠܵܐ ܗ̄ܘܼܵܐ ܪܘܼܓ̣ܙܹܗ: ܢܟܲܕ̇ܒܲܢܝ ܘܬܸܬ̣ܚܫܸܒ̣ ܩܕ݂ܵܡ ܐܲܠܵܗܵܐ ܡܸܠܲܬ̣ܝ. [No book]
Source: www.earlychristianwritings.com
Top