|
|
| [1]ܘܗܵܫܵܐ ܗܵܐ ܓܚܸܟ݂ܘ ܥܠܲܝ: ܐܲܝܠܹܝܢ ܕܲܒ݂ܨܝܼܪܝܼܢ ܡܹܢܝ ܒܝܵܘ̈ܡܵܬ̣ܵܐ: ܐܲܝܠܹܝܢ ܕܐܸܢܵܐ ܐܲܣܠ̇ܝܼܬ̣ ܠܐܲܒ̣ܵܗܲܝ̈ܗܘܿܢ: ܘܠܵܐ ܚܸܫܒܹ̇ܬ̣ ܐܸܢܘܿܢ ܥܲܡ ܟܲܠܒܹ̈ܐ ܕܥܵܢ̈ܝ. |
[No book] |
| [2]ܘܚܲܝܠܵܐ ܕܐܝܼܕܲܝ̈ܗܘܿܢ ܠܡܵܢܵܐ ܐܵܙܹ̇ܠ ܗ̄ܘܼܵܐ ܠܝܼ: ܕܲܥܠܲܝܗܘܿܢ ܐܲܒ̇ܝܼܕ݂ ܟܠܹܗ ܥܘܼܫܢܵܐ. |
[No book] |
| [3]ܘܒܲܩܛܝܼܪܵܐ ܥܲܠ ܢܸܒܲܥ ܥܠܲܝܗܘܿܢ: ܐܲܝܟ݂ ܓܲܢܵܒ̣ܵܐ ܒܥܘܼܫܢܵܐ ܕܪܸܓ̣ܠܬܵܐ. |
[No book] |
| 4[No verse] |
[No book] |
| 5[No verse] |
[No book] |
| [6]ܠܡܸܫܪܵܐ ܒܚ̈ܘܼܠܵܢܹܐ ܕܥܲܦܪܵܐ ܘܟܹܐܦܹ̈ܐ: ܘܲܬ̣ܚܹܝܬ̣ ܫܩܝܼ̈ܦܹܐ ܘܲܬ̣ܚܹܝܬ̣ ܚܵܓܹ̈ܐ. |
[No book] |
| 7[No verse] |
[No book] |
| [8]ܢܸܣܬܲܚܦܘܼܢ ܒ̈ܢܲܝܵܐ ܫܵܛܲـ̈ـܝܵܐ ܥܲܡ ܒ̈ܢܲܝܵܐ ܥܵܘܿܠܹ̈ܐ. ܬܲܡܵܢ ܢܸܬ̣ܡܲܟ̇ܟ݂ܘܼܢ ܡ̣ܢ ܐܲܪܥܵܐ. |
[No book] |
| [9]ܘܗܵܫܵܐ ܪܸܢܝܼܗܘܿܢ ܗܘܹ̇ܝܬ̣: ܘܲܗܘܹ̇ܝܬ̣ ܠܗܘܿܢ ܠܬܸܡܗܵܐ. |
[No book] |
| [10]ܐܲܣܠ̱ܝܘܼܢܝ: ܘܐܸܬ̣ܪܲܚܲܩܘ ܡܹܢܝ. ܘܡ̣ܢ ܐܲܦܲܝ̈ ܚ̣ܣܲܟ݂ܘ ܪܘܼܩܵܐ. |
[No book] |
| [11]ܡܸܛܠ ܕܒܵܬܲܪܝ ܫܲܪܝܼܘ: ܘܡܲܟ̇ܟ݂ܘܼܢܝ. ܘܲܦܓ̣ܘܼܕ̇ܬܹ̇ܗ ܒܦܘܼܡܝ ܐܲܪܡܝܼܘ. |
[No book] |
| [12]ܥܲܠ ܝܲܡܝܼܢܝ ܩ̣ܵܡܘ: ܘܥܲܪܩܸܠ̣ܘ ܠܪܸ̈ܓ̣ܠܲܝ ܘܥܲܪܩ̣ܠܘܼܢܝ ܒܲܫܒ̣ܝܼܠܹ̈ܐ ܕܐܘܼܪ̈ܚܵܬ̣ܗܘܿܢ. |
[No book] |
| [13]ܘܒܲܫܒ̣ܝܼ̈ܠܲܝ ܥܲܪܩܸܠ̣ܘ ܣܪܝܼܩܵܐܝܼܬ̣. ܘܥܲܠ ܡܵܐ ܕܲܗܘܼܵܢܝ ܚܕ݂ܝܼܘ. ܘܲܠܗܘܿܢ ܠܵܐ ܢܸܗܘܹܐ ܥܘܼܕ݂ܪܵܢ. |
[No book] |
| [14]ܐܲܝܟ݂ ܬܘܼܪ̱ܥܬ̣ܵܐ ܪܲܒܿܬ̣ܵܐ ܢܹܐܬ̣ܘܿܢ: ܘܲܬ̣ܚܹܝܬ̣ ܥܲܠܥܵܠܵܐ ܢܸܬ̇ܬܲܒ̣ܪܘܼܢ. |
[No book] |
| [15]ܕܐܲܗܦܸܟ݂ܘ ܥܠܲܝ ܕܠܘܼܚܝܵܐ. ܘܲܪܕܲܦ̣ܘ ܐܲܝܟ݂ ܪܘܼܚܵܐ ܫܒ̣ܝܼ̈ܠܲܝ: ܘܐܲܝܟ݂ ܥܢܵܢܵܐ ܕܥܵܒ̣ܪܵܐ ܦܘܼܪܩܵܢܝ. |
[No book] |
| [16]ܘܗܵܫܵܐ ܐܸܬ̇ܛܲܪܦܲܬ̤ ܢܲܦ̮ܫܝ. ܘܚܲܕ݂ܪܘܼܢܝ ܝܵܘ̈ܡܲܝ ܡܘܼܟܵܟ݂ܝ. |
[No book] |
| [17]ܒܠܸܠܝܵܐ ܓܲܪ̈ܡܲܝ ܝܼܩܲܪܘ ܥܠܲܝ. ܘܓ̣ܘܼܫܡܝ ܠܵܐ ܫ̣ܪܵܐ ܒܣܘܿܓ̣ܵܐܐ ܕܚܲܝܠܵܐ. |
[No book] |
| [18]ܐܸܬ̣ܠܲܒ̣ܫܹܬ̣ ܠܒ̣ܘܼܫܝ: ܘܐܸܬ̣ܚܲܙܩܹ̇ܬ̣ ܒܟ݂ܘܿܬ̇ܝܼܢܝ. |
[No book] |
| [19]ܐܲܪܡܝܘܼܢܝ ܠܛܝܼܢܵܐ: ܘܐܸܬ̣ܡܲܬ̇ܠܹܬ̣ ܐܲܝܟ݂ ܥܲܦܪܵܐ ܘܩܸܛܡܵܐ. |
[No book] |
| [20]ܐܸܓ̣ܥܹܐ ܠܘܵܬ̣ܵܟ݂ ܘܠܵܐ ܬܸܥܢܹܝܢܝ. ܩܵܡ̣ܬ̇ ܘܐܸܬ̣ܒܲܝܲܢܬ̇ ܒܝܼ. |
[No book] |
| [21]ܘܲܥ̣ܒܲܕ̇ܬܵܢܝ ܠܵܟ݂ ܒܥܸܠܕ̇ܒ̣ܵܒ̣ܵܐ. ܘܲܒ̣ܥܘܼܫܢܵܐ ܕܐܝܼܕܲܝ̈ܟ ܣܛܲܡ̣ܬܵܢܝ. |
[No book] |
| [22]ܘܲܫ̣ܩܲܠܬܵܢܝ ܘܐܲܪܒܲܥܬܵܢܝ ܥܲܠ ܪܘܼܚܵܐ. ܘܡܲܟܸ̇ܟ݂ܬܵܢܝ ܘܐܲܕ݂ܘܝܼܬܵܢܝ. |
[No book] |
| [23]ܡܸܟܹ̇ܝܠ ܝܵܕܲܥ ܐ̄ܢܵܐ ܕܡ̣ܢ ܡܵܘܬܵܐ ܬܲܗܦܟܲܢܝ: ܠܒܹܝܬ̣ ܘܲܥܕܵܐ ܕܟ݂ܠܗܘܿܢ ܚܲܝܹ̈ܐ. |
[No book] |
| [24]ܒܪܲܡ ܠܵܐ ܥܠܲܝ ܢܵܘܫܸܛ ܐܝܼܕܹܗ: ܘܡܵܐ ܕܲܓ̣ܥܹ̇ܝܬ̣ ܠܘܵܬܹܗ ܢܸܦ̱ܪܩܲܢܝ. |
[No book] |
| [25]ܒܟܹ̇ܝܬ̣ ܥܲܠ ܡܸܣܟܹ̇ܢܵܐ ܒܐܝܼܡܵܡܵܐ. ܘܢܲܦ̮ܫܝ ܐܸܬ̇ܛܲܪܦܲܬ̤ ܥܲܠ ܒܵܝ̇ܫܵܐ. |
[No book] |
| [26]ܣܲܟ̇ܝܼ̇ܬ̣ ܠܛܵܒ̣ܬ̣ܵܐ: ܘܐܸܬܲܬ̤ ܒܝܼܫܬܵܐ ܣܲܟ̇ܝܼ̇ܬ̣ ܠܢܘܼܗܪܵܐ: ܘܐܸܬ̣ܵܐ ܥܲܡܛܵܢܵܐ. |
[No book] |
| [27]ܡܥܲܝ̈ ܐܸܬ̇ܕܲܠܲܚܘ ܘܠܵܐ ܫ̣ܠܝܼܘ. ܩܲܕ݂ܡܘܼܢܝ ܝܵܘ̈ܡܵܬ̣ܵܐ ܕܡܘܼܟܵܟ݂ܝ. |
[No book] |
| [28]ܟܡܝܼܪܵܐܝܼܬ̣ ܗܲܠܟܹ̇ܬ̣ ܕܠܵܐ ܚܸܡܬ̣ܵܐ. ܩܵܡܹ̇ܬ̣ ܒܲܟ݂ܢܘܼܫܝܵܐ ܘܲܒ̣ܟܹ̇ܝܬ̣. |
[No book] |
| [29]ܐܲܚܵܐ ܗܘܹ̇ܝܬ̣ ܠܝܵܪܘܿܪܹ̈ܐ: ܘܪܵܚ̇ܡܵܐ ܠܲܒ̣̈ܢܵܬ̣ ܢܲܥܵܡܹ̈ܐ. |
[No book] |
| [30]ܡܸܫܟ̇ܝ ܩ̣ܦܘܿܕ݂ ܥܠܲܝ. ܘܓܲܪ̈ܡܲܝ ܣ̣ܵܛܘ ܐܲܝܟ݂ ܕܲܒ̣ܫܵܘܒܵܐ. |
[No book] |
| [31]ܗܘ̤ܵܐ ܟ݂ܢܵܪܝ ܠܐܸܒ̣ܠܵܐ: ܘܲܙܡܵܪܝ ܠܩܵܠܵܐ ܕܲܒ̣ܟ݂ܵܬ̣ܵܐ. |
[No book] |