|
|
|
|
| [1]ܘܲܥ̣ܢܵܐ ܐܹܠܝܼܦܵܙ ܬܲܝܡ̄ܢܵܝܵܐ. ܘܐܸܡ̣ܲܪ. |
[No book] |
| [2]ܐܸܢ ܐܲܩܸܦ ܠܲܡܡܲܠܵܠܘܼ ܥܲܡܵܟ݂: ܬܸܠܐܹܐ ܘܲܠܡܸܟ݂ܠܵܐ ܡ̣ܠ̈ܝܼܢ ܡܸܢܵܟ݂ ܡܲܢ̣ܘܼ ܡܸܫܟܲܚ. |
[No book] |
| [3]ܗܵܐ ܪܕܲܝܼܬ̇ ܣܲܓܝܼ̈ܐܹܐ: ܘܐܝܼ̈ܕܲܝܵܐ ܕܲܡܪ̈ܲܦܝܵܢ ܬܚܲܝܸܠ. |
[No book] |
| [4]ܟܪ̈ܝܼܗܹܐ ܠܵܐ ܢܩܝܼܡܘܼܢ ܡ̣ܠܲܝ̈ܟ ܘܒܘܼܪ̈ܟܹ̇ܐ ܪ̈ܵܥܠܵܬ̣ܵܐ ܬܚܲܝܸܠ. |
[No book] |
| [5]ܡܸܛܠ ܕܗܵܫܵܐ ܐܸܬ̣ܵܬ̤ ܥܠܲܝܟ ܘܲܠܐܲܝܼܬ̇. ܘܲܡܛܵܬ̤ ܠܘܿܬ̣ܵܟ݂: ܘܐܸܬ̣ܒܲܠܗ̣ܝܲܬ̇. |
[No book] |
| [6]ܗܵܐ ܕܸܚ̱ܠܬ̣ܵܟ݂ ܗ̤ܝ ܗ̄ܝܼ ܥ̣ܕܲܠܝܵܟ݂: ܘܣܲܒ̣ܪܵܟ݂: ܘܬܲܡܝܼܡܘܼܬ̣ ܐܘܼܪܚܵܟ݂. |
[No book] |
| [7]ܐܸܬ̇ܕܲܟ̄ܪ ܢܹܐ: ܡܲܢ̣ܘ ܙܲܟܵܝܵܐ ܕܐܸܒܲܕ݂: ܘܐܲܝܟܵܘ ܬܪܝܼܨܵܐ ܕܲܒ̣ܗܸܬ̣. |
[No book] |
| [8]ܐܲܝܟ݂ ܡܵܐ ܕܲܚܙܲܝܬ̇ ܕܪܵܕܹܝܢ ܒܲܚܛܵܐ: ܘܙܵܪܥܝܼܢ ܥܲܡܠܵܐ ܢܸܚܨܕܘܼܢܹܗ. |
[No book] |
| [9]ܘܡ̣ܢ ܢܫܲܡܬܹܗ ܕܐܲܠܵܗܵܐ ܢܹܐܒ̣ܕ̇ܘܼܢ ܘܡ̣ܢ ܪܘܼܚܵܐ ܕܪܘܼܓ̣ܙܹܗ ܢܣܘܼܦܘܼܢ. |
[No book] |
| [10]ܢܸܗܡ̱ܬ̣ܵܐ ܕܐܲܪܝܵܐ: ܘܩܵܠܵܐ ܕܓ̣ܘܼܪܝܵܐ ܕܐܲܪܝܵܐ: ܘܫ̣ܢܹ̈ܐ ܕܐܲܪܝ̇ܘܿܬ̣ܵܐ ܐܸܬ̇ܬ̇ܒܲܪ. |
[No book] |
| [11]ܐܲܪܝܵܐ ܐܸܒܲܕ݂ ܡ̣ܢ ܒܠܲܝ ܕܠܲܝܬ̇ ܠܹܗ ܬܒ̣ܵܪܵܐ. ܘܲܒ̣̈ܢܲܝ ܐܲܪܝܘܿܬ̣ܵܐ ܐܸܬ̣ܒܲܕܲܪܘ. |
[No book] |
| [12]ܘܲܥܠܲܝ ܦܸܬ̣ܓ̣ܵܡܵܐ ܐܸܬ̇ܬ̇ܓ̣ܝܼܒ̣. ܘܩܲܒܿܠܲܬ̤ ܐܸܕܢ̄ܝ ܐܲܝܟ݂ ܙܥܘܿܪ ܡܸܢܹܗ. |
[No book] |
| [13]ܒܫܸܠܝܵܐ ܒܚ̣ܙܘܵܐ ܕܠܸܠܝܵܐ: ܒܡܲܦܲܥ ܫ̣ܢܵܐ ܥܲܡܝܼܩܵܐ ܥܲܠ ܐ̄ܢܵܫܵܐ. |
[No book] |
| [14]ܕܸܚ̱ܠܬ̣ܵܐ ܩܪܵܬܲܢܝ ܘܙܵܘܼܥܬ̣ܵܐ. ܘܣܘܿܓ̣ܵܐܐ ܕܓܲܪ̈ܡܲܝ ܐܸܬ̇ܬ̇ܙܝܼܥܘ. |
[No book] |
| [15]ܘܪܘܼܚܵܐ ܥܲܠ ܐܲܦܲܝ̈ ܐܲܥ̣ܒܲܪ. ܘܐܸܙܕܲܩܦܲܬ̤ ܣܥܲܪܬ̣ܵܐ ܕܒܸܣܪܝ. |
[No book] |
| [16]ܘܩܵܡܹ̇ܬ̣ ܘܠܵܐ ܐܹܫܬܵܘܕ̇ܥܹ̇ܬ̣: ܘܠܲܝܬ̇ ܚܙܵܬ̣ܵܐ ܠܘܼܩܒܲܠ ܥܲܝܢܲܝ̈. ܘܢܸܥ̱ܡܬ̣ܵܐ ܘܩܵܠܵܐ ܫ̣ܡܥܹ̇ܬ̣ ܕܐܵܡܲܪ. |
[No book] |
| [17]ܐ̄ܢܵܫܵܐ ܡ̣ܢ ܐܲܠܵܗܵܐ ܢܸܙܕܲܕܲܩ. ܐܵܘ ܡ̣ܢ ܥܵܒ̣ܘܿܕܹܗ ܡܸܬ̇ܕܲܟܹܿܐ ܓܲܒ̣ܪܵܐ. |
[No book] |
| [18]ܗܵܐ ܒܥܲܒ̣ܕܵܘ̈ܗܝ ܠܵܐ ܡܗܲܝܡܸܢ: ܘܲܒ̣ܡܲܠܲܐܟ݂ܵܘ̈ܗܝ ܢܣܝܼܡ ܬܸܡܗܵܐ. |
[No book] |
| [19]ܐܵܦ ܐܲܝܠܹܝܢ ܕܲܫܪܹܝܢ ܒܒ̣ܵـ̈ـܬܹܐ ܕܛܝܼܢܵܐ ܕܲܒ̣ܥܲܦܪܵܐ ܡܫܲܟ݂ܠܠܝܼܢ: ܢܸܬ̣ܡܲܟ̇ܟ݂ܘܼܢ ܩܕ݂ܵܡ ܥܲܪܦ̣ܠܵܐ. |
[No book] |
| [20]ܡ̣ܢ ܨܲܦܪܵܐ ܠܪܲܡܫܵܐ ܢܸܬ̣ܡܲܟ̇ܟ݂ܘܿܢ: ܕܠܵܐ ܢܸܬ̇ܬ̇ܣܝܼܡܘܼܢ ܥܵܡ̇ܘܿܪ̈ܝܼܢ ܠܥܵܠܲܡ: ܘܢܹܐܒ̣ܕ̇ܘܼܢ. |
[No book] |
| [21]ܗܵܐ ܫ̣ܩܲܠ ܝܘܼܬ̣ܪܵܢܗܘܿܢ ܡܸܢܗܘܿܢ. ܘܫܲܪܟ̇ܗܘܿܢ ܒܗܘܿܢ ܢܡܘܼܬ̣ܘܼܢ ܘܠܵܐ ܒܚܸܟ݂ܡ̱ܬ̣ܵܐ. |
[No book] |