|
|
| [1]ܘܲܥܢ̣ܵܐ ܒܸܠܕܵܕ݂ ܫܘܿܚܵܝܵܐ: ܘܐܸܡܲܪ. |
[No book] |
| [2]ܥܕܲܡܵܐ ܠܐܸܡܲܬ̣ܝ ܬܡܲܠܸܠ ܗܵܠܹܝܢ. ܘܪܘܼܚܵܐ ܪܵܡܬ̣ܵܐ ܡܠܹܐ ܦܘܼܡܵܟ݂. |
[No book] |
| [3]ܕܲܠܡܵܐ ܐܲܠܵܗܵܐ ܡܲܥܘܸܠ ܕܝܼܢܵܐ. ܐܵܘ ܚܲܣܝܼܢܵܐ ܡܲܥܘܸܠ ܙܸܕ݂ܩܵܐ. |
[No book] |
| [4]ܐܸܢ ܒܢܲܝ̈ܟ ܚܛ̣ܵܘ ܠܹܗ: ܫܲܕܲܪ ܐܸܢܘܿܢ ܒܲܚܛܵܗܲܝ̈ܗܘܿܢ. |
[No book] |
| [5]ܘܐܸܢ ܐܲܢ̄ܬ̇: ܒܥܝܼ ܡ̣ܢ ܐܲܠܵܗܵܐ. ܘܲܠܚܲܣܝܼܢܵܐ ܐܸܬ̣ܟܲܫܲܦ. |
[No book] |
| [6]ܐܸܢ ܙܲܟܵܝ ܐܲܢ̄ܬ̇ ܘܼܬ̣ܪܝܼܨ: ܗܵܫܵܐ ܢܬ̇ܬ̇ܥܝܼܪ ܥܠܲܝܟ. ܘܲܢܫܲܠܸܡ ܕܲܝܪܵܐ ܕܙܸܕ݂ܩܵܟ݂. |
[No book] |
| [7]ܘܬܸܗܘܹܐ ܩܲܕ݂ܡܵܝܬܵܟ݂ ܙܥܘܿܪܝܵܐ. ܘܐ̄ܚܪܵܝܬܵܟ݂ ܢܲܣܓܹܿܐ ܛܵܒ̣. |
[No book] |
| [8]ܫܲܐܸܠ ܢܹܐ ܥܲܠ ܕܲܪܹ̈ܐ ܩܲܕ݂ܡܵܝܹ̈ܐ. ܘܐܸܬ̣ܒܲܝܲܢ ܒܒ̣ܘܼܕܵܩܵܐ ܕܐܲܒ̣ܵܗܲܝ̈ܗܘܿܢ. |
[No book] |
| [9]ܕܐܸܬ݂ܡܵܠܝ ܓܹܝܪ ܚܢܲܢ ܠܵܐ ܝܵܕ݂ܥܝܼܢ ܚ̄ܢܲܢ. ܘܐܲܝܟ݂ ܛܸܠܵܠܵܐ ܐܸܢܘܿܢ ܝܵܘ̈ܡܲܝܢ ܥܲܠ ܐܲܪܥܵܐ. |
[No book] |
| [10]ܘܗܵܐ ܗܸܢܘܿܢ ܢܲܠܦܘܼܢܵܟ݂: ܘܢܹܐܡܪܘܼܢ ܠܵܟ݂. ܘܡ̣ܢ ܠܸܒ̇ܗܘܿܢ ܢܲܦܩܘܼܢ ܡܸܠܹ̈ܐ. |
[No book] |
| [11]ܕܲܠܡܵܐ ܣܵܓܹܿܐ ܐܵܓ̣ܡܵܐ ܒܐܵܬ̣ܪܵܐ ܨܲܗܝܵܐ: ܐܵܘ ܝܵܥܹ̇ܐ ܐܲܪܒ̇ܢܵܐ ܐܲܝܟܵܐ ܕܠܲܝܬ̇ ܡܲـ̈ـܝܵܐ. |
[No book] |
| [12]ܕܥܲܕ݂ ܗ̤ܘ ܒܐܸܒܹ̇ܗ: ܠܵܐ ܡܸܬ̣ܩܛܸܦ. ܘܲܩܕ݂ܵܡ ܟܠ ܥܡܝܼܪ ܝܵܒܹ̇ܫ. |
[No book] |
| [13]ܗܵܟܲܢܵܐ ܐܸܢܹܝܢ ܐܘܼܪ̈ܚܵܬ̣ܵܐ ܕܟ݂ܠ ܡ̇ܢ ܕܛܵܥܹ̇ܐ ܠܐܲܠܵܗܵܐ. ܘܣܲܒ̣ܪܹܗ ܕܚܲܢܦܵܐ ܢܹܐܒܲܕ݂. |
[No book] |
| [14]ܘܢܸܬ̣ܦܣܸܩ ܬܘ̣ܟ݂ܠܵܢܹܗ. ܘܒܲܝܬܵܐ ܕܲܓ̣ܘܵܓܲܝ ܒܲܝܬܹ̇ܗ. |
[No book] |
| [15]ܢܸܬ̇ܬ̇ܟܸܠ ܥܲܠ ܒܲܝܬܹ̇ܗ: ܘܠܵܐ ܢܩܘܼܡ. ܘܲܢܚܲܡܣܸܢ: ܘܠܵܐ ܢܸܬ̣ܩܲܝܲܡ. |
[No book] |
| [16]ܐܲܝܟ݂ ܪܸܛܒ̣ܵܐ ܗ̄ܘ̣ ܩܕ݂ܵܡ ܫܡܫܵܐ. |
[No book] |
| [17]ܘܥܲܠ ܓܲܠ̈ܠܝܼܢ ܫܹܪ̈ܫܵܘܗܝ ܢܸܣ̱ܡܟ݂ܘܼܢ. ܘܒܲܝܬܵܐ ܕܟܹܐܦܹ̈ܐ ܢܸܚܙܹܐ. |
[No book] |
| [18]ܐܸܢ ܢܸܥܩܪܝܼܘܗܝ ܡ̣ܢ ܐܲܬ̣ܪܹܗ. ܘܲܢܕܲܓܸܿܠ ܒܹܗ: ܘܢܹܐܡܲܪ ܠܹܗ ܕܠܵܐ ܚܙܹܝ̇ܬ̣ܵܟ݂. |
[No book] |
| [19]ܗܵܐ ܗܘ̤ܝܘܼ ܒܵܨܹܿܐ ܟܠܗܹܝܢ ܐܘܼܪ̈ܚܵܬܹ̇ܗ. ܘܡ̣ܢ ܥܲܦܪܵܐ ܐ̄ܚܪܹܢܵܐ ܢܸܨܡܲܚ. |
[No book] |
| [20]ܠܵܐ ܡܲܣܠܹܐ ܐܲܠܵܗܵܐ ܠܬܲܡܝܼܡܹ̈ܐ. ܘܠܵܐ ܐܵܚܹܿܕ݂ ܒܐܝܼܕ݂ܵܐ ܕܡܲܒ̣ܐ̱ܫܵܢܹ̈ܐ. |
[No book] |
| [21]ܥܕܲܡܵܐ ܕܢܸܬ̣̱ܡܠܹܐ ܦܘܼܡܵܟ݂ ܓܘܼܚܟܵܐ: ܘܣܸܦ̈ܘܵܬ̣ܵܟ݂ ܬܸܫܒ̇ܘܿܚܬܵܐ. ܣܵܢܐܲܝ̈ܟ ܢܸܠܒ̇ܫܘܼܢ ܒܸܗܬ̇ܬ̣ܵܐ. ܘܡܲܫܟ̇ܢܵܐ ܕܪܲܫܝܼܥܹܐ ܠܲܝܬܵܘܗܝ. |
[No book] |