|
|
| [1]These thingis Y haue spokun to you, that ye be not sclaundrid. |
[No book] |
| [2]Thei schulen make you with outen the synagogis, but the our cometh, that ech man that sleeth you, deme that he doith seruyce to God. |
[No book] |
| [3]And thei schulen do to you these thingis, for thei han not knowun the fadir, nether me. |
[No book] |
| [4]But these thingis Y spak to you, that whanne the our `of hem schal come, ye haue mynde, that Y seide to you. |
[No book] |
| [5]Y seide not to you these thingis fro the bigynnyng, for Y was with you. And now Y go to hym that sente me, and no man of you axith me, Whidur `thou goist? |
[No book] |
| [6]but for Y haue spokun to you these thingis, heuynesse hath fulfillid youre herte. |
[No book] |
| [7]But Y seie to you treuthe, it spedith to you, that Y go; for if Y go not forth, the coumfortour schal not come to you; but if Y go forth, Y schal sende hym to you. |
[No book] |
| [8]And whanne he cometh, he schal repreue the world of synne, and of riytwisnesse, and of doom. |
[No book] |
| [9]Of synne, for thei han not bileued in me; |
[No book] |
| [10]and of riytwisnesse, for Y go to the fadir, and now ye schulen not se me; |
[No book] |
| [11]but of doom, for the prince of this world is now demed. |
[No book] |
| [12]Yit Y haue many thingis for to seie to you, but ye moun not bere hem now. |
[No book] |
| [13]But whanne thilke spirit of treuthe cometh, he schal teche you al trewthe; for he schal not speke of hym silf, but what euer thinges he schal here, he schal speke; and he schal telle to you tho thingis that ben to come. |
[No book] |
| [14]He schal clarifie me, for of myne he schal take, and schal telle to you. |
[No book] |
| [15]Alle thingis `whiche euer the fadir hath, ben myne; therfor Y seide to you, for of myne he schal take, and schal telle to you. |
[No book] |
| [16]A litil, and thanne ye schulen not se me; and eftsoone a litil, and ye schulen se me, for Y go to the fadir. |
[No book] |
| [17]Therfor summe of hise disciplis seiden togidere, What is this thing that he seith to vs, A litil, and ye schulen not se me; and eftsoone a litil, and ye schulen se me, for Y go to the fadir? |
[No book] |
| [18]Therfor thei seiden, What is this that he seith to vs, A litil? we witen not what he spekith. |
[No book] |
| [19]And Jhesus knew, that thei wolden axe hym, and he seide to hem, Of this thing ye seken among you, for Y seide, A litil, and ye schulen not se me; and eftsoone a litil, and ye schulen se me. |
[No book] |
| [20]Treuli, treuli, Y seie to you, that ye schulen mourne and wepe, but the world schal haue ioye; and ye schulen be soreuful, but youre sorewe schal turne in to ioye. |
[No book] |
| [21]A womman whanne sche berith child, hath heuynesse, for hir tyme is comun; but whanne sche hath borun a sone, now sche thenkith not on the peyne, for ioye, for a man is borun in to the world. |
[No book] |
| [22]And therfor ye han now sorew, but eftsoone Y schal se you, and youre herte schal haue ioie, and no man schal take fro you youre ioie. |
[No book] |
| [23]And in that day ye schulen not axe me ony thing; treuli, treuli, `Y seie to you, if ye axen the fadir ony thing in my name, he schal yyue to you. |
[No book] |
| [24]`Til now ye axiden no thing in my name; `axe ye, `and ye schulen take, that youre ioie be ful. |
[No book] |
| [25]Y haue spokun to you these thingis in prouerbis; the our cometh, whanne now Y schal not speke to you in prouerbis, but opynli of my fadir Y schal telle to you. |
[No book] |
| [26]In that dai ye schulen axe in my name; and Y seie not to you, that Y schal preye the fadir of you; |
[No book] |
| [27]for the fadir hym silf loueth you, for ye han loued me, and han bileued, that Y wente out fro God. |
[No book] |
| [28]Y wente out fro the fadir, and Y cam in to the world; eftsoone Y leeue the world, and Y go to the fadir. |
[No book] |
| [29]Hise disciplis seiden to hym, Lo! now thou spekist opynli, and thou seist no prouerbe. |
[No book] |
| [30]Now we witen, that thou wost alle thingis; and it is not nede to thee, that ony man axe thee. In this thing we bileuen, that thou wentist out fro God. |
[No book] |
| [31]Jhesus answeride to hem, Now ye bileuen. |
[No book] |
| [32]Lo! the our cometh, and now it cometh, that ye be disparplid, ech in to hise owne thingis, and that ye leeue me aloone; and Y am not aloone, for the fadir is with me. |
[No book] |
| [33]These thingis Y haue spokun to you, that ye haue pees in me; in the world ye schulen haue disese, but trust ye, Y haue ouercomun the world. |
[No book] |