|
|
| [1]ܘܝܼܫܘܿܥ ܩܲܫ ܘܥܲܠ ܒܲܫܢܲـ̈ـܝܵܐ: ܘܐܸܡܲܪ ܠܹܗ ܡܵܪܝܵܐ: ܗܵܐ ܐܲܢ̄ܬ̇ ܩܲܫܬ̇ ܘܥܲܠܬ̇ ܒܲܫܢܲـ̈ـܝܵܐ: ܘܐܲܪܥܵܐ ܕܐܸܫܬܲܚܪܲܬ̤ ܣܲܓ̇ܝܼܵܐܐ ܗ̄ܝ̣ ܛܵܒ̣ ܠܡܹܐܪܬܵܗ̇. |
[No book] |
| [2]ܗܕܲܐ ܗ̄ܝ̣ ܐܲܪܥܵܐ ܕܐܸܫܬܲܚܪܲܬ̤ ܒܟ݂ܠܹܗ ܓܠܝܼܠܵܐ ܕܲܦܠܸܫܬܵܝܹ̈ܐ ܘܲܒ̣ܟ݂ܠܹܗ ܐܲܬ̣ܪܵܐ ܕܥܝܼܢܕ̇ܘܿܪ. |
[No book] |
| [3]ܡ̣ܢ ܫܝܼܚܘܿܪ ܕܲܩܕ݂ܵܡ ܡܸܨܪܹܝܢ: ܘܲܥܕܲܡܵܐ ܠܲܬ̣ܚܘܼܡܵܐ ܕܥܸܩܪܘܿܢ ܕܲܒ̣ܓܲܪܒ̇ܝܵܐ: ܕܲܟ݂ܢܲܥܢܵܝܹ̈ܐ ܡܸܬ̣ܚܲܫܒܵܐ: ܘܚܲܡܫܵܐ ܛܪ̈ܘܿܢܲܝܗܘܿܢ ܕܲܦܠܸܫ̈ܬܵܝܹܐ: ܓܲܙܬ̣ܵܝܹ̈ܐ: ܘܐܲܫܕ̇ܘܿܕ݂ܵܝܹ̈ܐ: ܘܐܲܫܩܵܠܘܿܢܵܝܹ̈ܐ: ܘܓ̣ܵܬ̣ܵܝܹ̈ܐ: ܘܥܸܩܪ̈ܘܿܢܵܝܹܐ: ܘܥܵܘܵܝܹ̈ܐ ܕܡ̣ܢ ܬܲܝ̱ܡܢܵܐ. |
[No book] |
| [4]ܘܟ݂ܠܵܗ̇ ܐܲܪܥܵܐ ܕܲܟ݂ܢܲܥܢܵܝܹ̈ܐ: ܘܲܡܥܲܪܬ̣ܵܐ ܕܨܲܝܕ̇ܢܵܝܹ̈ܐ: ܥܕܲܡܵܐ ܠܐܵܦܵܩ: ܘܲܥܕܲܡܵܐ ܠܲܬ̣ܚܘܼܡܵܐ ܕܐܵܡܘܿܪ̈ܵܝܹܐ. |
[No book] |
| [5]ܘܐܲܪܥܵܐ ܕܲܓ̣ܒܸܠ ܘܟ݂ܠܹܗ ܠܸܒ̣ܢܵܢ: ܡ̣ܢ ܡܲܕ݂ܢܵܚܲܝ̈ ܫܸܡܫܵܐ ܕܲܒ̣ܓܸܠܥܵܕ݂: ܕܲܬ̣ܚܹܝܬ̣ ܛܘܼܪܵܐ ܕܚܸܪܡܘܿܢ: ܥܕܲܡܵܐ ܠܡܲܥܠܵܢܵܐ ܕܲܚܡܵܬ̣. |
[No book] |
| [6]ܟܠܗܘܿܢ ܥܵܡܘܿܪܹ̈ܐ ܕܛܘܼܪܹ̈ܐ: ܡ̣ܢ ܠܸܒ̣ܢܵܢ ܘܲܥܕܲܡܵܐ ܠܐܲܬ̣ܪܵܐ ܕܡܲـ̈ـܝܵܐ ܚܲܡܝܼܡܹ̈ܐ: ܘܲܠܟ݂ܠܗܘܿܢ ܨܲܝܕ̇ܢܵܝܹ̈ܐ: ܐܸܢܵܐ ܡܵܪܝܵܐ ܐܵܘܒܸ̇ܕ݂ ܐܸܢܘܿܢ ܡ̣ܢ ܩܕ݂ܵܡ ܒ̈ܢܲܝ ܝܼܣܪܵܝܹܠ. ܒܲܠܚܘܿܕ݂ ܕܹܝܢ ܠܲܒ̣̈ܢܲܝ ܝܼܣܪܵܝܹܠ ܐܲܝܟܲܢܵܐ ܕܦܲܩܸܕܬܵܟ݂. |
[No book] |
| [7]ܦܲܠܓܹܝܗ̇ ܠܐܲܪܥܵܐ ܗܵܕܹܐ ܒܝܵܪ̈ܬ̇ܘܵܬ̣ܵܐ ܠܬܸܫܥܵܐ ܫܲܒ̣̈ܛܹܐ: ܘܲܠܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ ܥܲܡܗܘܿܢ. |
[No book] |
| [8]ܡܸܛܠ ܕܪܘܼܒܹܝܠ: ܘܓ̣ܵܕ݂: ܘܦܸܠܓܹ̇ܗ ܕܫܲܒ̣ܛܵܐ ܕܲܡܢܲܫܹܐ: ܩܲܒܸ̇ܠܘ ܝܵܪܬ̇ܘܼܬ̣ܗܘܿܢ ܕܝܲܗ̄ܒ̣ ܠܗܘܿܢ ܡܘܼܫܹܐ ܒܥܸܒ̣ܪܵܐ ܕܝܘܿܪܕ̇ܢܵܢ ܡ̣ܢ ܡܲܕ݂ܢ̱ܚܵܐ: ܐܲܝܟܲܢܵܐ ܕܝܲܗ̄ܒ̣ ܠܗܘܿܢ ܥܲܒ̣ܕ̇ܝ ܡܘܼܫܹܐ. |
[No book] |
| [9]ܡܢ ܥܲܕ݂ܘܵܥܝܼܪ ܕܥܲܠ ܣܸܦܬ̣ܵܐ ܕܢܲܚܠܵܐ ܕܐܲܪܢܘܿܢ: ܘܲܩܪܝܼܬ̣ܵܐ ܕܲܒ̣ܓܵܘܹܗ ܕܢܲܚܠܵܐ: ܘܟ݂ܠܵܗ̇ ܦܩܲܥܬ̣ܵܐ ܕܲܒ̣ܡܲܥ̱ܪܒ̣ܵܐ: ܘܲܥܕܲܡܵܐ ܠܪܝܼܒ̣ܘܼܢ. |
[No book] |
| [10]ܘܟ݂ܠܗܹܝܢ ܩܘܼܪ̈ܝܵܐ ܕܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ ܕܐܲܡ̣ܠܸܟ݂ ܒܚܸܫܒ̇ܘܿܢ: ܥܕܲܡܵܐ ܠܲܬ̣ܚܘܼܡܵܐ ܕܲܒ̣̈ܢܲܝ ܥܲܡܘܿܢ. |
[No book] |
| [11]ܘܓ̣ܠܥܵܕ݂: ܘܲܬ̣ܚܘܼܡܵܐ ܕܥܝܼܢܕ̇ܘܿܪ: ܘܲܕ݂ܩܘܼܪܘܿܣ: ܘܟ݂ܠܹܗ ܛܘܼܪܵܐ ܕܚܹܪܡܘܿܢ: ܘܟ݂ܠܵܗ̇ ܡܲܬ̣ܢܝܼܢ ܥܕܲܡܵܐ ܠܣܲܠܟܵܐ. |
[No book] |
| [12]ܟܠܵܗ̇ ܡܲܠܟ̇ܘܼܬܹܗ ܕܥܘܿܓ̣ ܕܲܒ̣ܡܲܬ̣ܢܝܼܢ: ܕܐܲܡܠܸܟ݂ ܒܥܸܣܬ̇ܪܘܼܬ̣ ܘܒܲܐܪܕ̇ܥܝܼ. ܘܗ̤ܘ ܐܸܫܬ̇ܚܲܪ ܡ̣ܢ ܫܲܪܟܵܐ ܕܓܲܢ̄ܒܵܪܹ̈ܐ: ܕܩܲܛܸܠ ܐܸܢܘܿܢ ܡܘܼܫܹܐ ܘܝܼܪܹܬ̣ ܐܲܪ̱ܥܗܘܿܢ. |
[No book] |
| [13]ܘܠܵܐ ܚܪܲܒ̣ܘ ܒ̈ܢܲܝ ܝܼܣܪܵܝܹܠ ܠܥܲܡܡܹ̈ܐ ܕܥܝܼܢܕ̇ܘܿܪ: ܘܲܕ݂ܩܘܼܪܘܿܣ ܘܝܼܬܸܒ̣ܘ ܥܝܼܢܕ̇ܘܿܪ̈ܵܝܹܐ ܘܩܘܼܪ̈ܘܿܣܵܝܹܐ ܒܓ̣ܵܘ ܒ̈ܢܲܝ ܝܼܣܪܵܝܹܠ ܥܕܲܡܵܐ ܠܝܵܘܡܵܢܵܐ. |
[No book] |
| [14]ܒܲܠܚܘܿܕ݂ ܠܫܲܒ̣ܛܵܐ ܕܠܹܘܝܼ ܠܵܐ ܝܲܗ̄ܒ̣ ܦܵܠܓܘܼܬ̣ܵܐ: ܡܸܛܠ ܕܩܘܼܪ̈ܒܵܢܵܘܗܝ ܕܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܸܢܘܿܢ ܝܵܪܬ̇ܘܼܬ̣ܗܘܿܢ: ܐܲܝܟܲܢܵܐ ܕܐܸܡܲܪ ܠܗܘܿܢ ܡܘܼܫܹܐ. |
[No book] |
| [15]ܘܝܲܗ̄ܒ̣ ܡܘܼܫܹܐ ܠܫܲܒ̣ܛܵܐ ܕܪܘܼܒܹܝܠ ܠܫܲܪ̈ܒ̣ܵܬ̣ܗܘܿܢ. |
[No book] |
| [16]ܘܲܗܘ̤ܵܐ ܬܚܘܼܡܗܘܿܢ ܡ̣ܢ ܥܲܕ݂ܘܵܥܝܼܪ ܕܥܲܠ ܓܹܢ̄ܒ̣ ܣܸܦܬ̣ܵܐ ܕܢܲܚܠܵܐ ܕܐܲܪܢܘܿܢ: ܘܲܩܪܝܼܬ̣ܵܐ ܕܲܒ̣ܓ̣ܵܘ ܢܲܚܠܵܐ: ܘܟ݂ܠܵܗ̇ ܦܩܲܥܬ̣ܵܐ: ܥܕܲܡܵܐ ܠܪܝܼܒ̣ܵܐ. |
[No book] |
| [17]ܘܚܸܫܒ̇ܘܿܢ: ܘܟ݂ܠܗܹܝܢ ܩܘܼܪ̈ܝܵܐ ܕܐܝܼܬ̣ ܒܲܦܩܲܥܬ̣ܵܐ: ܘܪܝܼܒ̣ܘܿܢ ܘܡܲܬ̣ܒ̇ܥܸܠ: ܘܒܹܝܬ̣ ܒ̈ܢܲܝ ܥܲܡܘܿܢ. |
[No book] |
| [18]ܘܝܵܗܵܨ: ܘܩܸܪܡܘܼܬ̣: ܘܲܥܢܵܬ̣. |
[No book] |
| [19]ܘܩܘܼܪܝܲܬ̇ܝܼܡ: ܘܫܲܡܡܵܐ: ܘܝܲܨܪܲܬ̣: ܘܣܵܥܝܼܪ ܕܲܒ̣ܛܘܼܪܵܐ ܕܲܒ̣ܥܘܼܡܩܵܐ. |
[No book] |
| [20]ܘܒܹܝܬ̣ ܦܥܘܿܪ: ܘܥܸܣܬ̇ܪܘܼܬ̣: ܘܦܲܣܓܵܐ: ܘܒܹܝܬ̣ ܐܲܚܫܡܘܿܬ̣. |
[No book] |
| [21]ܘܟ݂ܠܗܹܝܢ ܩܘܼܪ̈ܝܵܐ ܕܒܲܦܩܲܥܬ̣ܵܐ: ܘܟ݂ܠܵܗ̇ ܡܲܠܟ̇ܘܼܬܹܗ ܕܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ ܕܐܲܡܠܸܟ݂ ܒܚܸܫܒ̇ܘܿܢ: ܕܩܲܛܠܹܗ ܡܘܼܫܹܐ ܘܲܒ̣̈ܢܲܒ ܝܼܣܪܵܝܹܠ ܒܡܸܕܝܼܢ: ܠܹܗ ܘܲܠܪܵܘ̱ܪ̈ܒ̣ܵܢܵܘܗܝ: ܠܐܘܿܝ: ܘܠܲܪܩܸܡ: ܘܲܠܨܘܿܪ: ܘܲܠܚܘܿܪ: ܘܠܲܪܒ̣ܵܥ: ܚܲܡܫܵܐ ܗܵܠܹܝܢ ܫܲܠܝܼܛܵܢܵܘ̈ܗܝ ܕܣܝܼܚܘܿܢ ܕܥܵܡ̇ܪܝܼܢ ܒܐܲܪܥܵܐ. |
[No book] |
| [22]ܘܲܠܒܸܠܥܵܡ ܒܲܪ ܒܥܘܿܠ ܩܵܨܘܿܡܵܐ: ܩܲܛܠܘܼܗܝ ܒ̈ܢܲܝ ܝܼܣܪܵܝܹܠ ܒܚܲܪܒܵܐ ܥܲܡ ܩܛܝܼܠܲܝ̈ܗܘܿܢ. |
[No book] |
| [23]ܘܲܗܘ̤ܵܐ ܬܚܘܼܡܵܐ ܕܲܒ̣̈ܢܲܝ ܪܘܼܒܹܝܠ ܝܘܿܪܕ̇ܢܵܢ. ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܲܒ̣̈ܢܲܝ ܪܘܼܒܹܝܠ ܠܫܲܪ̈ܒ̣ܵܬ̣ܗܘܿܢ: ܩܘܼܪ̈ܝܵܐ ܘܐܵܓ̣ܘܼܪ̈ܣܲܝܗܹܝܢ. |
[No book] |
| [24]ܘܝܲܗ̄ܒ̣ܘ ܡܘܼܫܹܐ ܠܫܲܒ̣ܛܵܐ ܕܓ̣ܵܕ݂ ܠܫܲܪ̈ܒ̣ܵܬ̣ܗܘܿܢ. |
[No book] |
| [25]ܘܲܗܘ̤ܵܐ ܬܚܘܼܡܗܘܿܢ: ܝܲܥܙܝܼܪ ܘܟ݂ܠܗܹܝܢ ܩܘܼܪ̈ܝܵܐ ܕܓܸܠܥܵܕ݂: ܘܦܸܠܓܵܗ̇ ܕܐܲܪܥܵܐ ܕܲܒ̣̈ܢܲܝ ܥܲܡܘܿܢ: ܥܕܲܡܵܐ ܠܥܲܕ݂ܘܵܥܝܼܪ ܕܐܝܼܬ̣ ܩܕ݂ܵܡ ܪܲܒܲܬ̣. |
[No book] |
| [26]ܘܡ̣ܢ ܚܸܫܒ̇ܘܿܢ ܘܲܥܕܲܡܵܐ ܠܪܵܡܲܬ̣ ܡܲܨܦܝܵܐ ܘܒܲܛܢܝܼܢ: ܘܡ̣ܢ ܡܲܚܢܝܼܡ ܘܲܥܕܲܡܵܐ ܠܲܬ̣ܚܘܼܡܵܐ ܕܕ݂ܵܒܝܼܪ. |
[No book] |
| [27]ܘܲܒ̣ܥܘܼܡܩܵܐ: ܒܹܝܬ̣ ܐܲܬ̣ܝܼܡ: ܘܒܹܝܬ̣ ܢܲܡܪܵܐ: ܘܣܵܟ݂ܘܼܬ̣: ܘܓܲܪܒ̇ܝܵܐ: ܘܫܲܪܟܵܐ ܕܡܲܠܟ̇ܘܼܬܹܗ ܕܣܸܚܘܿܢ ܡܲܠܟܵܐ ܕܚܸܫܒ̇ܘܿܢ: ܘܲܬ̣ܚܘܼܡܗܘܿܢ ܥܕܲܡܵܐ ܠܝܘܿܪܕ̇ܢܵܢ: ܥܕܲܡܵܐ ܠܣܵܘܦܵܐ ܕܝܲܡܵܐ ܕܟܸܢܪܲܬ̣. ܠܥܸܒ̣ܪܵܐ ܕܝܘܿܪܕ̇ܢܵܢ ܕܲܒ̣ܡܲܕ݂ܢ̱ܚܵܐ. |
[No book] |
| [28]ܗܵܕܲܐ ܗ̄ܝ̣ ܝܵܪܬ̇ܘܼܬ̣ܵܐ ܕܲܒ̣̈ܢܲܝ ܓܵܕ݂ ܠܫܲܪ̈ܒ̣ܵܬ̣ܗܘܿܢ: ܩܘܼܪ̈ܝܵܐ ܘܐܲܓ̣ܘܼܪ̈ܣܲܝܗܹܝܢ. |
[No book] |
| [29]ܘܝܲܗ̄ܒ̣ ܡܘܼܫܹܐ ܠܦܸܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܘܲܗܘ̤ܵܬ̣ ܦܵܠܓ̇ܘܼܬ̣ܗܘܿܢ ܕܲܒ̣̈ܢܲܝ ܡܢܲܫܹܐ ܠܫܲܪ̈ܒ̣ܵܬ̣ܗܘܿܢ. |
[No book] |
| [30]ܘܲܗܘ̤ܵܐ ܬܚܘܼܡܗܘܿܢ: ܡ̣ܢ ܡܲܚܢܝܼܡ ܘܟ݂ܠܵܗ̇ ܡܲܬ̣ܢܝܼܢ: ܘܟ݂ܠܵܗ̇ ܡܲܠܟ̇ܘܼܬܹܗ ܕܥܘܿܓ̣ ܡܲܠܟܵܐ ܕܡܲܬ̣ܢܝܼܢ: ܘܟ݂ܠܗܘܿܢ ܟܲܦܪ̈ܘܿܢܹܐ ܕܝܵܐܝܼܪ ܕܲܒ̣ܡܲܬ̣ܢܹܝܢ: ܫܬ̇ܝܼܢ ܩܘܼܪ̈ܝܵܐ. |
[No book] |
| [31]ܘܦܸܠܓܵܗ̇ ܕܓܸܠܥܵܕ݂ ܘܲܕ݂ܥܸܣܬ̇ܪܘܼܬ̣: ܘܕܲܐܪܕ̇ܥܝܼ: ܩܘܼܪ̈ܝܵܐ ܕܡܲܠܟ̇ܘܼܬܹܗ ܕܥܘܿܓ ܕܲܒ̣ܡܲܬ̣ܢܝܼܢ ܗܵܠܹܝܢ ܩܘܼܪ̈ܝܵܐ ܘܟܲܦܪ̈ܘܿܢܲܝܗܹܝܢ: ܝܲܗ̄ܒ̣ ܡܘܼܫܹܐ ܠܲܒ̣ܢܵܘ̈ܗܝ ܕܡܵܟ݂ܝܼܪ ܒܲܪ ܡܢܲܫܹܐ: ܠܦܸܠܓܵܐ ܕܲܒ̣̈ܢܲܝ ܡܵܟ݂ܝܼܪ ܠܫܲܪ̈ܒ̣ܵܬ̣ܗܘܿܢ. |
[No book] |
| [32]ܠܗܵܠܹܝܢ ܬܪܹܝܢ ܫܲܒ̣̈ܛܝܼܢ: ܘܲܠܦܸܠܓ̇ܘܼܬ̣ ܫܲܒ̣ܛܵܐ: ܐܵܘܪܸܬ̣ ܡܘܼܫܹܐ ܒܲܦܩܲܥܬ̣ܵܐ ܕܡܘܼܐܵܒ̣: ܡ̣ܢ ܥܸܒ̣ܪܵܐ ܕܝܘܿܪܕ̇ܢܵܢ ܡ̣ܢ ܡܲܕ݂ܢ̱ܚܵܐ. |
[No book] |
| [33]ܘܲܠܫܲܒ̣ܛܵܐ ܕܠܹܘܝܼ ܠܵܐ ܝܲܗ̄ܒ̣ ܡܘܼܫܹܐ ܝܵܪܬ̇ܘܼܬ̣ܵܐ: ܡܸܛܠ ܕܡܵܪܝܵܐ ܗ̄ܘ̣ ܐܲܠܵܗܵܐ ܕܝܼܣܪܵܝܹܠ ܝܵܪܬ̇ܘܼܬ̣ܗܘܿܢ: ܐܲܝܟܲܢܵܐ ܕܐܸܡܲܪ ܠܗܘܿܢ. |
[No book] |