|
|
| [1]ܐܸܬܹܝ̇ܬ̣ ܠܓܲܢܲܬ̣ܝ ܚܵܬ̣ܝ ܟܲܠܬ̣ܵܐ: ܐܸܬܹܝ̇ܬ̣ ܠܓܲܢܲܬ̣ܝ. ܩܸܛܦܹ̇ܬ̣ ܡܘܼܪܝ ܥܲܡ ܒܸܣܡܵܢܲܝ̈ ܘܐܸܟ݂ܠܹ̇ܬ̣ ܒܲܣܝܼܡܘܼܬ̣ܝ ܥܲܡ ܕܸܒ̣ܫܝ ܐܸܫܬ̇ܝܼܬ̇ ܚܲܡܪܝ ܥܲܡ ܚܲܠܒ̣ܝ ܐܲܟ݂ܘܿܠܘ ܚܲܒ̣ܪ̈ܲܝ: ܘܐܸܫܬܵܘ. ܘܲܪܘܵܘ ܕܵܕܲܝ̈. |
[No book] |
| [2]ܐܸܢܵܐ ܕܲܡܟܵܐ: ܘܠܹܒ̇ܝ ܥܝܼܪ ܩܵܠܹܗ ܕܕ݂ܵܕ݂ܝ ܕܢܵܩܹ̇ܫ ܦܬܲܚܝ ܠܝܼ ܚܵܬ̣ܝ ܩܲܪܝܼܒ̣ܬ̇ܝ: ܝܵܘܢܝ ܬܲܡܝܼܡܬܵܐ. ܡܸܛܠ ܕܪܹܫܝ ܐܸܬ̣ܡ̱ܠܝܼ ܛܲܠܵܐ: ܘܩܵܘ̈ܨܵܬ̣ܝ ܡ̣ܢ ܪ̈ܣܝܼܣܲܝ ܠܸܠܝܵܐ. |
[No book] |
| [3]ܫܸܠܚܹ̇ܬ̣ ܟܘܿܬܲܝܢܝ: ܐܲܝܟܲܢܵܐ ܐܸܠܒ̇ܫܝܼܗ̇ ܐܲܫܝܼܓܹ̇ܬ̣ ܪܸ̈ܓ̣ܠܲܝ: ܐܲܝܟܲܢܵܐ ܐܸܛܲܢܸܦ ܐܸܢܹܝܢ. |
[No book] |
| [4]ܕܵܕ݂ܝ ܐܵܘܫܸܛ̣ ܐܝܼܕܹܗ ܡ̣ܢ ܢܸܩܒܵܐ. ܘܲܡܥܲܝ̈ ܓܵܠܘ ܥܠܵܘܗܝ. |
[No book] |
| [5]ܩܵܡܹܬ̣̇ ܐܸܢܵܐ ܕܐܸܦ̮ܬܲܚ ܠܕ݂ܵܕ݂ܝ ܘܐܝܼܕ݂ܝ ܢܸܛܦܲܬ̣ ܡܘܼܪܵܐ. ܘܨܸܒ̣̈ܥܵܬ̣ܝ ܡܘܼܪܵܐ ܢܛܲܦ̣ ܥܲܠ ܝܲܕ݂ ܣܘܼܟ̇ܪܵܐ. |
[No book] |
| [6]ܦܸܬ̣ܚܹ̇ܬ̣ ܐܸܢܵܐ ܠܕ݂ܵܕ݂ܝ. ܘܕ݂ܵܕ݂ܝ ܐܲܪܟܸ̇ܢ ܥ̣ܒܲܪ. ܢܲܦ̮ܫܝ ܢܸܦܩܲܬ̣ ܒܡܲܡܠܠܹܗ. ܒܥܹ̇ܝܬܹܗ: ܘܠܵܐ ܐܸܫܟܲܚ̇ܬܹ̇ܗ. ܩܪܹܝܬܹ̇ܗ: ܘܠܵܐ ܥ̣ܢܵܢܝ. |
[No book] |
| [7]ܐܸܫ̣ܟ̇ܚܘܼܢܝ ܢܵܛ̇ܘܿܪܹ̈ܐ ܕܡܸܬ̣ܟܲܪܟ̇ܝܼܢ ܒܲܡܕ݂ܝܼܢ̄ܬܵܐ. ܡ̣ܚܵܐܘܼܢܝ: ܘܨܲܠ̣ܦܘܼܢܝ. ܢܣܲܒ̣ܘ ܡܹܢܝ ܪܕ݂ܝܼܕ݂ܝ ܢܵܛ̇ܪ̈ܲܝ ܫܘܼܪܵܐ. |
[No book] |
| [8]ܐܵܘܡ̇ܝܼܬ̇ܟܹ̇ܝܢ ܒ̈ܢܵܬ̣ ܐܘܿܪܸܫܠܸܡ ܐܸܢ ܬܸܫ̈ܟ̇ܚܵܢ ܠܕ݂ܵܕ݂ܝ: ܐܸܫܬܲܥܹܝܢ ܠܹܗ: ܕܲܟ݂ܪܝܼܗܲܬ̣ ܪܸܚ̱ܡܬ̣ܵܐ ܐ̄ܢܵܐ. |
[No book] |
| [9]ܡܲܢ̣ܘܼ ܕܵܕܹܟ݂ܝ ܡ̣ܢ ܕܵܕܹ̈ܐ: ܫܲܦܝܼܪܲܬ̣ ܒܢܸܫܹ̈ܐ. ܡܲܢܘܼ ܕܵܕܹܟ݂ܝ ܡ̣ܢ ܕܵܕܹ̈ܐ: ܕܗܵܟܲܢܵܐ ܐܵܘܡܝܼܬ̇ܝܼܢ. |
[No book] |
| [10]ܕܵܕ݂ܝ ܚܸܘܵܪ ܘܣܘܼܡܵܩ: ܘܲܓ̣ܒܸܐ ܡ̣ܢ ܪܸ̈ܒ̇ܘܵܬ̣ܵܐ. |
[No book] |
| [11]ܪܹܫܹܗ ܐܲܝܟ݂ ܟܹܐܦܵܐ ܕܕܲܗܒ̣ܵܐ. ܩܵܘ̈ܨܵܬܹܗ ܡܦܲܫ̈ܛܵܢ: ܘܐܘܼ̈ܟܵܡܵܢ ܐܲܝܟ݂ ܥܘܼܪܒ̣ܵܐ. |
[No book] |
| [12]ܥܲܝܢܵܘ̈ܗܝ ܐܲܝܟ݂ ܕܝܵܘ̈ܢܹܐ: ܥܲܠ ܫܵܒ̣ܩܹ̈ܐ ܕܡܲـ̈ـܝܵܐ ܕܣܵܚ̈ܝܵܢ ܒܚܲܠܒ̣ܵܐ: ܘܝܵܬ̣ܒܵـ̈ـܢ ܥܲܠ ܫܲܠܡܘܼܬ̣ܵܐ. |
[No book] |
| [13]ܦܲܟܵܘ̈ܗܝ ܐܲܝܟ݂ ܡܲܫ̈ܟ̇ܒ̣ܵܬ̣ܵܐ ܕܒܸܣܡܹ̈ܐ. ܣܸܦ̈ܘܵܬܹܗ ܐܲܝܟ݂ ܫܘܿܫܲܢܹ̈ܐ ܕܢܵܛ̈ܦܵܢ ܡܘܼܪܵܐ ܘܢܵܪܕ̇ܝܼܢ. |
[No book] |
| [14]ܐܝܼܕ݂ܵܘ̈ܗܝ ܐܲܝܟ݂ ܟܸܪܟ݂ܵܐ ܕܕܲܗܒ̣ܵܐ ܕܲܡܠܹܐ ܟܹܐܦܲܝ̈ ܕܲܗܒ̣ܵܐ ܟܲܪܣܹܗ ܥܒ̣ܵܕ݂ܵܐ ܕܫܸܢܵܐ ܥܲܠ ܡܲܦܚܵܐ ܕܣܲܦܝܼܠܵܐ. |
[No book] |
| [15]ܫܵܩܵܘ̈ܗܝ ܥܲܡܘܼ̈ܕܹܐ ܕܫܝܼܫܵܐ: ܕܡܲܬ̣ܩܢܝܼܢ ܥܲܠ ܚܘܼܡܪܹ̈ܐ ܕܕܲܗܒ̣ܵܐ ܚܲܕ݂ܝܹܗ ܐܲܝܟ݂ ܕܠܸܒ̣ܢܵܢ: ܘܲܓ̣ܒܸܐ ܐܲܝܟ݂ ܐܲܪ̈ܙܹܐ. |
[No book] |
| [16]ܚܸܟܹ̇ܗ ܐܲܝܟ݂ ܟܲܟܵܪ̈ܝܵܬ̣ܵܐ ܕܚܲܠ̈ܝܵܢ ܪܓ̣ܝܼܓ̣ܝܼܢ ܗܵܢܵܘ ܕܵܕ݂ܝ: ܘܗܵܢܵܘ ܚܲܒ̣ܪܝ: ܒ̈ܢܵܬ̣ ܐܘܿܪܸܫܠܸܡ. |
[No book] |
| [17]ܠܐܲܝܟܵܐ ܐܸܙܲܠ ܕܵܕܹܟ݂ܝ ܫܲܦܝܼܪܲܬ̣ ܒܢܸܫܹ̈ܐ. ܠܐܲܝܟܵܐ ܦܢ̣ܵܐ ܕܵܕܹܟ݂ܝ: ܕܢܸܒ̣ܥܹܝܘܗܝ ܥܲܡܹܟ݂ܝ. |
[No book] |