|
|
| [1]Vocavit autem Moysen, et locutus est ei Dominus de tabernaculo testimonii, dicens: |
[No book] |
| [2]Loquere filiis Israël, et dices ad eos: Homo, qui obtulerit ex vobis hostiam Domino de pecoribus, id est, de bobus et ovibus offerens victimas, |
[No book] |
| [3]si holocaustum fuerit ejus oblatio, ac de armento: masculum immaculatum offeret ad ostium tabernaculi testimonii, ad placandum sibi Dominum: |
[No book] |
| [4]ponetque manum super caput hostiæ, et acceptabilis erit, atque in expiationem ejus proficiens. |
[No book] |
| [5]Immolabitque vitulum coram Domino, et offerent filii Aaron sacerdotes sanguinem ejus, fundentes per altaris circuitum, quod est ante ostium tabernaculi: |
[No book] |
| [6]detractaque pelle hostiæ, artus in frusta concident. |
[No book] |
| [7]Et subjicient in altari ignem, strue lignorum ante composita: |
[No book] |
| [8]et membra quæ sunt cæsa, desuper ordinantes, caput videlicet, et cuncta quæ adhærent jecori, |
[No book] |
| [9]intestinis et pedibus lotis aqua: adolebitque ea sacerdos super altare in holocaustum et suavem odorem Domino. |
[No book] |
| [10]Quod si de pecoribus oblatio est, de ovibus sive de capris holocaustum, masculum absque macula offeret: |
[No book] |
| [11]immolabitque ad latus altaris, quod respicit ad aquilonem, coram Domino: sanguinem vero illius fundent super altare filii Aaron per circuitum: |
[No book] |
| [12]dividentque membra, caput, et omnia quæ adhærent jecori, et ponent super ligna, quibus subjiciendus est ignis: |
[No book] |
| [13]intestina vero et pedes lavabunt aqua. Et oblata omnia adolebit sacerdos super altare in holocaustum et odorem suavissimum Domino. |
[No book] |
| [14]Si autem de avibus, holocausti oblatio fuerit Domino, de turturibus, aut pullis columbæ, |
[No book] |
| [15]offeret eam sacerdos ad altare: et retorto ad collum capite, ac rupto vulneris loco, decurrere faciet sanguinem super crepidinem altaris: |
[No book] |
| [16]vesiculam vero gutturis, et plumas projiciet prope altare ad orientalem plagam, in loco in quo cineres effundi solent, |
[No book] |
| [17]confringetque ascellas ejus, et non secabit, neque ferro dividet eam, et adolebit super altare, lignis igne supposito. Holocaustum est et oblatio suavissimi odoris Domino. |
[No book] |