➖ »
«
➖ ➕
Peshitta OT
PesOT
The Acts of Thomas
ActThom
←
Leviticus
Lev
11
→
[1]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ ܘܐܲܗܪܘܿܢ: ܘܐܸܡܲܪ ܠܗܘܿܢ. [No book]
[2]ܡܲܠܸܠܘ ܥܲܡ ܒܢܲܝ ܝܼܣܪܵܝܹܠ: ܘܐܸܡܲܪܘ ܠܗܘܿܢ: ܗܵܕܹܐ ܚܲܝܘܬ݂ܵܐ ܗܘܲܝܬܿܘܿܢ ܐܵܟ݂ܠܝܼܢ ܡܼܢ ܟܠ ܒܥܝܼܪܵܐ ܕܒܲܐܪܥܵܐ. [No book]
[3]ܟܠ ܕܨܲܪܝܵܐ ܦܲܪܣܬ݂ܵܗ: ܘܲܦܠܝܼܓ݂ܵܐ ܠܲܬ݂ܪܹܝܢ: ܘܡܸܬ݂ܓܵܘܪܪܵܐ: ܠܹܗ ܐܲܟ݂ܘܿܠܘ. [No book]
[4]ܘܗܵܠܹܝܢ ܠܵܐ ܬܹܐܟ݂ܠܘܿܢ ܡܼܢ ܐܲܝܠܹܝܢ ܕܡܸܬ݂ܓܵܘܪܪܝܼܢ ܘܡܼܢ ܐܲܝܠܹܝܢ ܕܨܲܪܝܵܢ ܦܲܪܣܵܬ݂ܗܘܿܢ ܓܲܡܠܵܐ ܕܡܸܬ݂ܓܵܘܪܲܪ: ܘܦܲܪܣܬܹܗ ܠܵܐ ܨܲܪܝܵܐ: ܛܲܡܲܐ ܗ̄ܘܼ ܠܟ݂ܘܿܢ. [No book]
[5]ܘܲܚܓ݂ܵܣܵܐ ܕܡܸܬ݂ܓܵܘܪܲܪ: ܘܦܲܪܣܬܹܗ ܠܵܐ ܨܲܪܝܵܐ: ܛܲܡܲܐ ܗ̄ܘܼ ܠܟ݂ܘܿܢ. [No book]
[6]ܘܐܲܪܢܒ݂ܵܐ ܕܡܸܬ݂ܓܵܘܪܪܵܐ: ܘܦܲܪܣܬ݂ܵܗ ܠܵܐ ܨܲܪܝܵܐ: ܛܲܡܵܐܐ ܗ̄ܝܼ ܠܟ݂ܘܿܢ. [No book]
[7]ܘܲܚܙܝܼܪܵܐ ܕܨܲܪܝܵܐ ܦܲܪܣܬܹܗ: ܘܲܦܠܝܼܓ݂ܵܐ ܠܲܬ݂ܪܹܝܢ: ܘܠܵܐ ܡܸܬ݂ܓܵܘܪܲܪ: ܛܲܡܲܐ ܗ̄ܘܼ ܠܟ݂ܘܿܢ. [No book]
[8]ܡܼܢ ܒܸܣܪܗܘܿܢ ܠܵܐ ܬܹܐܟ݂ܠܘܿܢ ܘܲܠܦܲܓ݂ܪܲܝܗܘܿܢ ܠܵܐ ܬܸܬ݂ܩܲܪܒ݂ܘܼܢ: ܛܲܡܐܝܼܢ ܐܸܢܘܿܢ ܠܟ݂ܘܿܢ. [No book]
[9]ܘܗܵܠܹܝܢ ܬܹܐܟ݂ܠܘܿܢ ܡܼܢ ܟܠ ܕܐܝܼܬ݂ ܒܡܲܝܵܐ: ܟܠ ܕܐܝܼܬ݂ ܠܹܗ ܓܸܦܹ̈ܐ: ܘܲܩܠܵܦܹ̈ܐ: ܒܡܲܝܵܐ: ܒܝܲܡܡܹ̈ܐ: ܘܲܒ݂ܪܸ̈ܓ݂ܠܵܬ݂ܵܐ: ܐܲܟ݂ܘܿܠܘ. [No book]
[10]ܘܟ݂ܠ ܕܠܲܝܬܿ ܠܹܗ ܓܸܦܹ̈ܐ ܘܲܩܠܵܦܹ̈ܐ ܒܝܲܡܡܹ̈ܐ ܘܲܒ݂ܪܸ̈ܓ݂ܠܵܬ݂ܵܐ: ܘܲܒ݂ܟ݂ܠܹܗ ܪܲܚܫܵܐ ܕܡܲܝܵܐ: ܘܲܒ݂ܟ݂ܠܵܗ ܢܲܦ̮ܫܵܐ ܚܲܝܬ݂ܵܐ ܕܲܒ݂ܡܲܝܵܐ: ܛܲܡܐܝܼܢ ܐܸܢܘܿܢ ܠܟ݂ܘܿܢ. [No book]
[11]ܡܼܢ ܒܸܣܪܗܘܿܢ ܠܵܐ ܬܹܐܟ݂ܠܘܿܢ: ܘܲܠܦܲܓ݂ܪܲܝܗܘܿܢ ܠܵܐ ܬܛܲܡܐܘܼܢ. [No book]
[12]ܘܟ݂ܠ ܕܠܲܝܬܿ ܠܹܗ ܓܸܦܹ̈ܐ ܘܲܩܠܵܦܹ̈ܐ ܒܡܲܝܵܐ: ܛܲܡܲܐ ܗ̄ܘܼ ܠܟ݂ܘܿܢ. [No book]
[13]ܘܗܵܠܹܝܢ ܐܲܣܠܵܘ ܡܼܢ ܦܵܪ̈ܚܵܬ݂ܵܐ: ܘܠܵܐ ܢܸܬ݂ܐܲܟ݂ܠܘܿܢ: ܡܸܛܠ ܕܛܲܡܐܝܼܢ ܐܸܢܘܿܢ: ܢܸܫܪܵܐ: ܘܕܲܝܬ݂ܵܐ. [No book]
[14]ܘܢܲܥܒ݂ܵܐ: ܒܓܸܢܣܲܝܗܘܿܢ. [No book]
[15]ܘܢܲܥܵܡܵܐ: ܘܢܸܨܵܐ: ܠܓܸܢܣܲܝܗܘܿܢ. [No book]
[16]ܘܥܘܿܕ݂ܵܐ: ܘܫܵܠܹܐ ܢܘܼܢܹ̈ܐ. [No book]
[17]ܘܩܲܦܘܼܦܵܐ: ܘܟ݂ܘܼܟܿܒܲܝ: ܘܩܵܩܵܐ: ܘܲܫܪܲܩܪܵܩܵܐ. [No book]
[18]ܘܚܘܼܪܒ݂ܵܐ: ܘܐܲܢܦܵܐ: ܠܓܸܢܣܲܝܗܘܿܢ. [No book]
[19]ܘܬܲܪܢܵܓ݂ܘܿܠ ܒܲܪܵܐ: ܘܛܵܘܣܵܐ. [No book]
[20]ܘܟ݂ܠܹܗ ܝܲܠܕܵܐ ܕܦܵܪܲܚܬ݂ܵܐ ܕܲܡܗܲܠܸܟ݂ ܥܲܠ ܐܲܪܒܲܥ: ܛܲܡܲܐ ܗ̄ܘܼ ܠܟ݂ܘܿܢ. [No book]
[21]ܘܗܵܠܹܝܢ ܐܲܟ݂ܘܿܠܘ ܡܼܢ ܟܠܹܗ ܝܲܠܕܵܐ ܕܦܵܪܲܚܬ݂ܵܐ ܕܲܡܗܲܠܸܟ݂ ܥܲܠ ܐܲܪܒܲܥ: ܕܐܝܼܬ݂ ܠܹܗ ܛܸܦܪܵܐ ܠܥܸܠ ܡܼܢ ܪܸ̈ܓ݂ܠܵܘܗܝ: ܕܢܵܒܲܪ ܒܗܹܝܢ ܒܐܲܪܥܵܐ. [No book]
[22]ܗܵܠܹܝܢ ܐܲܟ݂ܘܿܠܘ ܡܸܢܗܘܿܢ: ܩܲܡܨܵܐ ܠܓܸܢܣܹܗ: ܘܚܲܪܓܵܠܵܐ ܠܓܸܢܣܹܗ. [No book]
[23]ܘܟ݂ܠܹܗ ܝܲܠܕܵܐ ܕܦܵܪܲܚܬ݂ܵܐ ܕܐܝܼܬ݂ ܠܹܗ ܐܲܪܒܲܥ ܪܸܓ݂ܠܝܼܢ: ܛܲܡܲܐ ܗ̄ܘܼ ܠܟ݂ܘܿܢ. [No book]
[24]ܘܲܒ݂ܗܵܠܹܝܢ ܬܸܬܿܛܲܡܐܘܼܢ: ܟܠ ܕܩܵܪܹܒ݂ ܠܦܲܓ݂ܪܲܝܗܘܿܢ: ܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[25]ܘܟ݂ܠ ܕܫܵܩܹܠ ܦܲܓ݂ܪܲܝܗܘܿܢ ܢܚܲܠܸܠ ܡܵܐܢܵܘܗܝ: ܘܢܸܗܘܸܐ ܛܲܡܵܐ ܥܕܲܡܵܐ ܠܪܲܡܫܵܐ. [No book]
[26]ܘܟ݂ܠܵܗ ܒܥܝܼܪܵܐ ܕܨܲܪܝܵܐ ܦܲܪܣܬ݂ܵܗ: ܘܠܵܐ ܗ̄ܘܵܬ݂ ܦܠܝܼܓ݂ܵܐ ܠܲܬ݂ܪܹܝܢ: ܘܠܵܐ ܡܸܬ݂ܓܵܘܪܪܵܐ: ܛܲܡܵܐܐ ܗ̄ܝܼ ܠܟ݂ܘܿܢ: ܘܟ݂ܠ ܕܢܸܩܪܘܿܒ݂ ܠܗܘܿܢ: ܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[27]ܘܟ݂ܠ ܕܲܡܗܲܠܸܟ݂ ܥܲܠ ܐܝܼܕ݂ܵܘܗܝ: ܘܟ݂ܠܵܗ ܚܲܝܘܬ݂ܵܐ ܕܲܡܗܲܠܟ݂ܵܐ ܥܲܠ ܐܲܪܒܲܥ: ܛܲܡܵܐܐ ܗ̄ܝܼ ܠܟ݂ܘܿܢ: ܘܟ݂ܠ ܕܩܵܪܹܒ݂ ܠܦܲܓ݂ܪܲܝܗܘܿܢ: ܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[28]ܘܡܿܢ ܕܫܵܩܹܠ ܦܲܓ݂ܪܲܝܗܘܿܢ: ܢܚܲܠܸܠ ܡܵܐܢܵܘܗܝ: ܘܢܸܗܘܸܐ ܛܲܡܵܐ ܥܕܲܡܵܐ ܠܪܲܡܫܵܐ: ܡܸܛܠ ܕܛܲܡܐܝܼܢ ܐܸܢܘܿܢ ܠܟ݂ܘܿܢ. [No book]
[29]ܘܗܵܠܹܝܢ ܕܛܲܡܐܝܼܢ ܒܟ݂ܠܹܗ ܪܲܚܫܵܐ ܕܪܵܚܸܫ ܥܲܠ ܐܲܪܥܵܐ: ܟܵܟ݂ܘܼܫܬܵܐ: ܘܥܘܼܩܒܿܪܵܐ: ܘܚܲܪܕܵܢܵܐ: ܠܓܸܢܣܲܝܗܘܿܢ. [No book]
[30]ܘܐܵܡܲܩܬ݂ܵܐ: ܘܚܘܼܠܕܵܐ: ܘܲܨܪܘܿܪܝܼܬ݂ܵܐ: ܘܚܘܼܠܡܵܛܵܐ: ܘܝܲܕ݂ܝܵܕ݂ܵܐ. [No book]
[31]ܗܵܠܹܝܢ ܛܲܡܐܝܼܢ ܒܟ݂ܠܹܗ ܪܲܚܫܵܐ: ܟܠ ܕܩܵܪܹܒ݂ ܠܗܘܿܢ ܟܲܕ݂ ܡܝܼܬ݂ܝܼܢ: ܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[32]ܘܟ݂ܠ ܕܢܵܦܹܠ ܥܠܵܘܗܝ ܡܸܢܗܘܿܢ ܟܲܕ ܡܝܼܬ݂ܝܼܢ: ܢܸܬܿܛܲܡܲܐ: ܘܟ݂ܠ ܡܵܐܢܵܐ ܕܩܲܝܣܵܐ: ܐܵܘ ܠܒ݂ܘܼܫܵܐ: ܐܵܘ ܡܸܫܟܵܐ: ܐܵܘ ܣܲܩܵܐ: ܐܵܘ ܟܠ ܡܵܐܢ ܕܡܸܬ݂ܥܒܸܕ݂ ܒܗܘܿܢ ܥܒ݂ܵܕ݂ܵܐ: ܒܡܲܝܵܐ ܢܸܨܒܿܥܘܼܢ ܐܸܢܘܿܢ: ܘܢܸܗܘܘܿܢ ܛܲܡܐܝܼܢ ܥܕܲܡܵܐ ܠܪܲܡܫܵܐ: ܘܢܸܬܿܕܲܟܿܘܿܢ. [No book]
[33]ܘܟ݂ܠ ܡܵܐܢܵܐ ܕܦܲܚܵܪܵܐ ܕܢܵܦܹܠ ܡܸܢܗܘܿܢ ܒܓ݂ܵܘܹܗ: ܟܠ ܕܲܒ݂ܓ݂ܵܘܹܗ ܢܸܗܘܸܐ ܛܲܡܲܐ: ܘܠܹܗ ܬܒܲܪܘ. [No book]
[34]ܘܡܼܢ ܟܠ ܡܹܐܟ݂ܘܿܠܬܵܐ ܕܡܸܬ݂ܐܲܟ݂ܠܵܐ: ܕܢܵܦܠܝܼܢ ܥܠܹܝܗܿ ܡܲܝܵܐ: ܬܸܬܿܛܲܡܲܐ: ܘܟ݂ܠ ܡܲܫܬܿܝܵܐ ܕܡܸܫܬܿܬܸܐ ܒܟ݂ܠ ܡܵܐܢ: ܢܸܬܿܛܲܡܲܐ. [No book]
[35]ܘܟ݂ܠ ܕܢܵܦܹܠ ܡܼܢ ܦܲܓ݂ܪܲܝܗܘܿܢ ܥܠܵܘܗܝ: ܢܸܗܘܸܐ ܛܲܡܲܐ: ܬܲܢܘܼܪܵܐ: ܘܒܹܝܬ݂ ܬܦܲܝܵܐ: ܢܸܬ݂ܥܲܩܪܘܼܢ: ܛܲܡܐܝܼܢ ܐܸܢܘܿܢ: ܘܛܲܡܐܝܼܢ ܢܸܗܘܘܿܢ ܠܟ݂ܘܿܢ. [No book]
[36]ܒܪܲܡ ܡܥܝܼܢܹ̈ܐ: ܘܓ݂ܘ̈ܒܹܿܐ: ܘܩܵܒ݂̈ܝܵܬ݂ܵܐ ܕܡܲܝܵܐ: ܢܸܗܘܘܿܢ ܕܟܹܝܢ: ܘܡܼܢ ܕܢܸܩܪܘܿܒ݂ ܠܦܲܓ݂ܪܲܝܗܘܿܢ: ܢܸܗܘܸܐ ܛܲܡܲܐ. [No book]
[37]ܘܐܸܢ ܢܵܦܹܠ ܡܼܢ ܦܲܓ݂ܪܲܝܗܘܿܢ ܥܲܠ ܟܠ ܒܲܪܙܲܪܥܵܐ ܙܲܪܥܵܐ ܕܡܸܙܕܿܪܲܥ: ܕܟܹܐ ܗ̄ܘܼ. [No book]
[38]ܘܐܸܢ ܢܦܲܠܘ ܡܲܝܵܐ ܥܲܠ ܒܲܪܙܲܪܥܵܐ: ܘܲܢܦܲܠ ܡܼܢ ܦܲܓ݂ܪܲܝܗܘܿܢ ܥܠܵܘܗܝ: ܛܲܡܲܐ ܗ̄ܘܼ ܠܟ݂ܘܿܢ. [No book]
[39]ܘܐܸܢ ܢܡܘܼܬ݂ ܡܼܢ ܒܥܝܼܪܵܐ ܕܕܲܟ݂ܝܵܐ ܠܟ݂ܘܿܢ ܠܡܹܐܟܲܠ: ܟܠ ܕܢܸܩܪܘܿܒ݂ ܠܦܲܓ݂ܪܹܗ ܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[40]ܘܡܿܢ ܕܢܹܐܟ݂ܘܿܠ ܡܼܢ ܦܲܓ݂ܪܹܗ: ܢܚܲܠܸܠ ܡܵܐܢܵܘܗܝ: ܘܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ: ܘܲܕ݂ܢܸܫܩܘܿܠ ܡܼܢ ܦܲܓ݂ܪܹܗ: ܢܚܲܠܸܠ ܡܵܐܢܵܘܗܝ: ܘܢܸܗܘܸܐ ܛܲܡܲܐ ܥܕܲܡܵܐ ܠܪܲܡܫܵܐ. [No book]
[41]ܘܟ݂ܠ ܪܲܚܫܵܐ ܕܪܵܚܹܫ ܥܲܠ ܐܲܪܥܵܐ: ܛܲܡܲܐ ܗ̄ܘܼ ܠܟ݂ܘܿܢ ܠܵܐ ܬܹܐܟ݂ܠܘܿܢ. [No book]
[42]ܘܟ݂ܠ ܕܫܵܐܹܦ ܥܲܠ ܟܲܪܣܹܗ: ܘܟ݂ܠ ܕܲܡܗܲܠܸܟ݂ ܥܲܠ ܐܲܪܒܲܥ: ܘܥܲܠ ܣܘܿܓ݂ܐܵܐ ܕܪܸܓ݂ܠܹܐ: ܡܼܢ ܟܠ ܪܲܚܫܵܐ ܕܪܵܚܹܫ ܥܲܠ ܐܲܪܥܵܐ: ܠܵܐ ܬܹܐܟ݂ܠܘܿܢ ܡܸܢܗܘܿܢ: ܡܸܛܠ ܕܛܲܡܐܝܼܢ ܐܸܢܘܿܢ. [No book]
[43]ܠܵܐ ܬܛܲܡܐܘܼܢ ܢܲܦ̮ܫܵܬ݂ܟ݂ܘܿܢ ܒܟ݂ܠܹܗ ܪܲܚܫܵܐ ܕܪܵܚܹܫ ܥܲܠ ܐܲܪܥܵܐ: ܕܠܵܐ ܬܸܬܿܛܲܡܐܘܼܢ ܒܗܘܿܢ: ܠܵܐ ܬܸܬܿܛܲܡܐܘܼܢ ܒܗܘܿܢ. [No book]
[44]ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ: ܘܬܸܬ݂ܩܲܕܫܘܿܢ ܘܬܸܗܘܘܿܢ ܩܲܕܝܼܫܝܼܢ: ܡܸܛܠ ܕܩܲܕܝܼܫ ܐ̄ܢܵܐ: ܠܵܐ ܬܛܲܡܐܘܼܢ ܢܲܦ̮ܫܵܬ݂ܟ݂ܘܿܢ ܒܟ݂ܠܹܗ ܪܲܚܫܵܐ ܕܪܵܚܹܫ ܥܲܠ ܐܲܪܥܵܐ. [No book]
[45]ܡܸܛܠ ܕܐܸܢܵܐ ܐ̄ܢܵܐ ܡܵܪܝܵܐ ܐܲܠܵܗܟ݂ܘܿܢ ܕܐܲܣܸܩܬܿܟ݂ܘܿܢ ܡܼܢ ܐܲܪܥܵܐ ܕܡܸܨܪܹܝܢ: ܕܐܸܗܘܸܐ ܠܟ݂ܘܿܢ ܐܲܠܵܗܵܐ: ܘܬܸܗܘܘܿܢ ܩܲܕܝܼܫܝܼܢ: ܡܸܛܠ ܕܩܲܕܝܼܫ ܐ̄ܢܵܐ. [No book]
[46]ܗܵܢܵܐ ܢܵܡܘܿܣܵܐ ܕܲܒ݂ܥܝܼܪܵܐ: ܘܲܕ݂ܦܵܪܲܚܬ݂ܵܐ: ܘܲܕ݂ܟ݂ܠ ܢܲܦ̮ܫܵܐ ܚܲܝܬ݂ܵܐ ܕܪܲܚܫܵܐ ܒܡܲܝܵܐ: ܘܲܕ݂ܟ݂ܠ ܢܲܦ̮ܫܵܐ ܕܪܲܚܫܵܐ ܒܐܲܪܥܵܐ. [No book]
[47]ܘܲܠܡܸܦܪܲܫ ܒܹܝܬ݂ ܛܲܡܲܐ ܠܕܲܟ݂ܝܵܐ: ܘܒܹܝܬ݂ ܚܲܝܘܬ݂ܵܐ ܕܡܸܬ݂ܐܲܟ݂ܠܵܐ ܠܒܹܝܬ݂ ܚܲܝܘܬ݂ܵܐ ܕܠܵܐ ܡܸܬ݂ܐܲܟ݂ܠܵܐ. [No book]
 
Top