|
|
| [1]ܗܵܢܵܘ ܢܵܡܘܿܣܵܐ ܕܩܘܼܪܒܵܢܵܐ: ܩܕ݂ܘܿܫ ܩܘܼܕ݂ܫܝܼܢ ܗ̄ܘܼ. |
[No book] |
| [2]ܒܐܲܬ݂ܪܵܐ ܕܢܵܟ݂ܣܝܼܢ ܝܵܩܕܵܐ ܫܲܠܡܵܐ: ܢܸܟܿܣܘܼܢ ܩܘܼܪܒܵܢܵܐ: ܘܲܕ݂ܡܹܗ ܢܹܪܣܘܼܢ ܥܲܠ ܡܲܕ݂ܒܚܵܐ ܟܲܕ݂ ܚܵܕܲܪ. |
[No book] |
| [3]ܘܟ݂ܠܹܗ ܬܲܪܒܹܿܗ ܢܩܲܪܸܒ݂ ܡܸܢܹܗ: ܐܲܠܝܼܬ݂ܵܐ ܘܚܸܠܒܵܐ ܕܲܩܪܝܼܡܵܐ ܠܲܓ݂ܘܵܝܵܐ. |
[No book] |
| [4]ܘܬܲܪܬܹܿܝܢ ܟܘܼܠܝܵܢ ܘܬܲܪܒܿܗܹܝܢ: ܘܲܚܨܵܪ ܟܲܒ݂ܕܵܐ ܥܲܡ ܟܘܼܠܝܵܬ݂ܵܐ ܢܸܥܒܿܕ݂ܝܼܗ. |
[No book] |
| [5]ܘܢܲܣܸܩ ܐܸܢܘܿܢ ܟܵܗܢܵܐ ܠܡܲܕ݂ܒܚܵܐ: ܩܘܼܪܒܵܢܵܐ ܠܡܵܪܝܵܐ: ܚܛܵܗܵܐ ܗ̄ܘܼ. |
[No book] |
| [6]ܟܠ ܕܸܟ݂ܪܵܐ ܕܲܒ݂ܢܲܝ ܐܲܗܪܘܿܢ ܢܹܐܟ݂ܠܘܼܢܹܗ: ܒܐܲܬ݂ܪܵܐ ܩܲܕܝܼܫܵܐ ܢܸܬ݂ܐܟܸܠ: ܩܕ݂ܘܿܫ ܩܘܼܕ݂ܫܝܼܢ ܗ̄ܘܼ. |
[No book] |
| [7]ܐܲܝܟ݂ ܚܛܵܗܵܐ ܗܵܟܲܢܵܐ ܩܘܼܪܒܵܢܵܐ: ܢܵܡܘܿܣܵܐ ܚܲܕ݂ ܢܸܗܘܸܐ ܠܟ݂ܘܿܢ: ܘܟ݂ܵܗܢܵܐ ܕܲܡܚܲܣܸܐ ܒܹܗ: ܠܹܗ ܢܸܗܘܸܐ. |
[No book] |
| [8]ܘܟ݂ܵܗܢܵܐ ܕܲܡܩܲܪܸܒ݂ ܚܠܵܦ ܚܛܵܗܹܗ ܕܓܲܒ݂ܪܵܐ ܝܵܩܕܵܐ ܫܲܠܡܵܐ: ܡܸܫܟܹܿܗ ܕܝܵܩܕܵܐ ܫܲܠܡܵܐ ܕܲܡܩܲܪܸܒ݂: ܠܟ݂ܵܗܢܵܐ ܢܸܗܘܸܐ. |
[No book] |
| [9]ܘܟ݂ܠܹܗ ܣܡܝܼܕ݂ܵܐ ܕܡܸܬ݂ܐܲܦܸܐ ܒܬܲܢܘܼܪܵܐ: ܘܟ݂ܠ ܕܡܸܬ݂ܥܒܸܕ݂ ܒܲܛܪܵܛܩܸܠ ܘܥܲܠ ܛܸܓ݂ܢܵܐ: ܠܟ݂ܵܗܢܵܐ ܕܲܡܩܲܪܸܒ݂ ܠܹܗ ܢܸܗܘܸܐ. |
[No book] |
| [10]ܘܟ݂ܠ ܣܡܝܼܕ݂ܵܐ ܕܡܸܬܿܬܿܦܝܼܠ ܒܡܸܫܚܵܐ: ܘܲܕ݂ܝܲܒܿܝܼܫ: ܠܟ݂ܠܗܘܿܢ ܒ̈ܢܲܝ ܐܲܗܪܘܿܢ ܢܸܗܘܸܐ: ܠܐ̄ܢܵܫ ܐܲܝܟ݂ ܕܡܵܛܹܐ ܠܹܗ. |
[No book] |
| [11]ܗܵܢܵܘ ܢܵܡܘܿܣܵܐ ܕܕܸܒ݂ܚܬ݂ܵܐ ܕܲܥܠܵܬ݂ܵܐ ܕܡܸܬ݂ܩܲܪܲܒ݂ ܠܡܵܪܝܵܐ. |
[No book] |
| [12]ܐܸܢ ܥܲܠ ܬܵܘܕܿܝܼܬ݂ܵܐ ܢܩܲܪܒ݂ܝܼܘܗܝ: ܢܩܲܪܸܒ݂ ܥܲܠ ܕܸܒ݂ܚܵܐ ܕܬ݂ܵܘܕܿܝܼܬܹܗ: ܚܵܚܪܵܬ݂ܵܐ ܦܲܛܝܼܪܵܬ݂ܵܐ ܕܦܝܼܠܵܢ ܒܡܸܫܚܵܐ: ܘܠܸܓ݂ܢܹ̈ܐ ܦܲܛܝܼܪܹ̈ܐ ܕܲܡܫܝܼܚܝܼܢ ܒܡܸܫܚܵܐ: ܢܫܝܼܦܵܐ ܕܲܡܪܲܥܲܕ݂: ܚܵܚܪܵܬ݂ܵܐ ܕܦܝܼܠܵܢ ܒܡܸܫܚܵܐ. |
[No book] |
| [13]ܥܲܠ ܚܵܚܘܼܪܬܵܐ ܕܠܲܚܡܵܐ ܚܲܡܝܼܥܵܐ ܢܩܲܪܸܒ݂ ܩܘܼܪܒܵܢܹܗ: ܥܲܠ ܕܸܒ݂ܚܵܐ ܕܲܥܠܵܬ݂ܵܐ ܕܬ݂ܵܘܕܿܝܼܬܹܗ. |
[No book] |
| [14]ܘܕܲܢܩܲܪܸܒ݂ ܚܲܕ݂ ܡܼܢ ܗܵܠܹܝܢ ܟܠܗܘܿܢ ܩܘܼܪܒܵܢܵܐ: ܦܘܼܪܫܵܢܵܐ ܠܡܵܪܝܵܐ: ܠܟ݂ܵܗܢܵܐ ܕܪܵܐܹܣ ܕܡܵܐ ܕܲܥܠܵܬ݂ܵܐ ܠܹܗ ܢܸܗܘܸܐ. |
[No book] |
| [15]ܘܒܸܣܪܵܐ ܕܕܸܒ݂ܚܵܐ ܕܲܥܠܵܬ݂ܵܐ ܕܬ݂ܵܘܕܿܝܼܬܹܗ ܒܝܵܘܡܵܐ ܕܲܡܩܲܪܸܒ݂ ܠܹܗ ܢܸܬ݂ܐܟܸܠ: ܘܠܵܐ ܢܸܫܬܿܒܸܩ ܡܸܢܹܗ ܡܸܕܸܿܡ ܠܨܲܦܪܵܐ. |
[No book] |
| [16]ܘܐܸܢ ܢܸܕ݂ܪܵܐ ܗ̄ܘܼ: ܐܵܘ ܦܘܼܪܫܵܢܵܐ ܕܸܒ݂ܚܵܐ ܕܩܘܼܪܒܵܢܹܗ: ܒܝܵܘܡܵܐ ܕܡܸܬ݂ܩܲܪܲܒ݂ ܕܸܒ݂ܚܵܐ ܢܸܬ݂ܐܟܸܠ: ܘܐܵܦ ܠܝܵܘܡܵܐ ܐ̄ܚܪܹܢܵܐ ܡܸܕܸܿܡ ܕܝܵܬܲܪ ܡܸܢܹܗ ܬܘܼܒ݂ ܢܸܬ݂ܐܟܸܠ. |
[No book] |
| [17]ܘܡܸܕܸܿܡ ܕܡܸܫܬܿܚܲܪ ܡܼܢ ܒܸܣܪܵܐ ܕܕܸܒ݂ܚܵܐ ܠܝܵܘܡܵܐ ܕܲܬ݂ܠܵܬ݂ܵܐ: ܒܢܘܼܪܵܐ ܢܹܐܩܲܕ݂. |
[No book] |
| [18]ܘܐܸܢ ܡܸܬ݂ܐܟ݂ܵܠܘܼ ܢܸܬ݂ܐܟܸܠ ܡܼܢ ܒܸܣܪܵܐ ܕܕܸܒ݂ܚܵܐ ܕܲܥܠܵܬ݂ܵܐ ܠܝܵܘܡܵܐ ܕܲܬ݂ܠܵܬ݂ܵܐ: ܠܵܐ ܢܸܬ݂ܩܲܒܲܠ: ܘܡܿܢ ܕܡܲܩܪܸܒ݂ ܠܹܗ : ܠܵܐ ܢܸܬ݂ܚܲܫܲܒ݂ ܠܹܗ: ܐܸܠܵܐ ܢܸܗܘܸܐ ܡܲܣܠܝܵܐ: ܘܢܲܦ̮ܫܵܐ ܕܬܹܐܟ݂ܘܿܠ ܡܸܢܹܗ ܚܛܝܼܬ݂ܵܐ ܬܩܲܒܸܿܠ. |
[No book] |
| [19]ܘܒܸܣܪܵܐ ܕܢܸܩܪܘܿܒ݂ ܠܟ݂ܠ ܡܸܕܸܿܡ ܕܛܲܡܲܐ: ܠܵܐ ܢܸܬ݂ܐܟܸܠ: ܐܸܠܵܐ ܒܢܘܼܪܵܐ ܢܹܐܩܲܕ: ܘܟ݂ܠ ܕܲܕ݂ܟܸܐ ܢܹܐܟ݂ܘܿܠ ܒܸܣܪܵܐ. |
[No book] |
| [20]ܘܢܲܦ̮ܫܵܐ ܕܬܹܐܟ݂ܘܿܠ ܡܼܢ ܒܸܣܪܵܐ ܕܕܸܒ݂ܚܵܐ ܫܲܠܡܵܐ ܕܡܵܪܝܵܐ ܟܲܕ ܛܲܡܐܘܼܬܹܗ ܥܠܵܘܗܝ: ܬܹܐܒܲܕ ܢܲܦ̮ܫܵܐ ܗܵܝ ܡܼܢ ܥܲܡܵܗ. |
[No book] |
| [21]ܘܢܲܦ̮ܫܵܐ ܟܲܕ ܬܸܩܪܘܿܒ݂ ܒܟ݂ܠܵܗ ܛܲܡܐܘܼܬ݂ܵܐ ܕܐ̄ܢܵܫܵܐ: ܐܵܘ ܒܲܒ݂ܥܝܼܪܵܐ ܛܲܡܲܐܬ݂ܵܐ: ܐܵܘ ܒܟ݂ܠ ܪܲܚܫܵܐ ܛܲܡܵܐܐ: ܘܢܹܐܟ݂ܘܿܠ ܡܼܢ ܒܸܣܪܵܐ ܕܕܸܒ݂ܚܵܐ ܕܲܥܠܵܬ݂ܵܐ ܕܡܵܪܝܵܐ: ܬܹܐܒܲܕ ܢܲܦ̮ܫܵܐ ܗܵܝ ܡܼܢ ܥܲܡܵܗ. |
[No book] |
| [22]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. |
[No book] |
| [23]ܡܲܠܸܠ ܥܲܡ ܒ̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܟܠ ܬܲܪܒܵܐ ܕܬ݂ܵܘܪܹ̈ܐ: ܘܕܸܐܡܪܹ̈ܐ: ܘܲܕ݂ܥܸܙܹ̈ܐ: ܠܵܐ ܬܹܐܟ݂ܠܘܿܢ. |
[No book] |
| [24]ܘܬܲܪܒܵܐ ܕܦܲܓ݂ܪܵܐ: ܘܬܲܪܒܵܐ ܕܐܝܼܕ݂ܵܐ ܕܐܲܟ݂ܝܼܠܵܐ ܠܚܲܝܘܬ݂ܵܐ: ܢܸܬ݂ܥܒܸܕ݂ ܠܟ݂ܠ ܥܒ݂ܵܕ: ܘܡܹܐܟܲܠ ܠܵܐ ܬܹܐܟ݂ܠܘܼܢܹܗ. |
[No book] |
| [25]ܡܸܛܠ ܕܟ݂ܠ ܡܿܢ ܕܢܹܐܟ݂ܘܿܠ ܬܲܪܒܵܐ ܡܼܢ ܒܥܝܼܪܵܐ: ܕܡܸܬ݂ܩܲܪܲܒ݂ ܡܸܢܹܗ ܩܘܼܪܒܵܢܵܐ ܠܡܵܪܝܵܐ: ܬܹܐܒܲܕ ܢܲܦ̮ܫܵܐ ܗܵܝ ܕܐܵܟ݂ܠܵܐ ܡܼܢ ܥܲܡܵܗ. |
[No book] |
| [26]ܘܟ݂ܠ ܕܡܵܐ ܠܵܐ ܬܹܐܟ݂ܠܘܿܢ: ܒܟ݂ܠܹܗ ܒܹܝܬ݂ ܡܲܥܡܲܪܟ݂ܘܿܢ: ܕܦܵܪܲܚܬ݂ܵܐ ܘܕܲܒ݂ܥܝܼܪܵܐ. |
[No book] |
| [27]ܟܠ ܢܲܦ̮ܫܵܐ ܕܬܹܐܟ݂ܘܿܠ ܕܡܵܐ: ܬܹܐܒܲܕ݂ ܢܲܦ̮ܫܵܐ ܗܵܝ ܡܼܢ ܥܲܡܵܗ. |
[No book] |
| [28]ܘܡܲܠܸܠ ܡܵܪܝܵܐ ܥܲܡ ܡܘܼܫܹܐ: ܘܐܸܡܲܪ ܠܹܗ. |
[No book] |
| [29]ܡܲܠܸܠ ܥܲܡ ܒ̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܡܿܢ ܕܲܡܩܲܪܸܒ݂ ܕܸܒ݂ܚܵܐ ܫܲܠܡܵܐ ܠܡܵܪܝܵܐ: ܢܲܝܬܸܿܐ ܩܘܼܪܒܵܢܹܗ ܠܡܵܪܝܵܐ ܡܼܢ ܕܸܒ݂ܚܵܐ ܕܲܥܠܵܬ݂ܵܐ. |
[No book] |
| [30]ܐܝܼܕ݂ܵܘܗܝ ܢܲܝܬܿܝܵܢ ܩܘܼܪܒܵܢܹܗ ܕܡܵܪܝܵܐ: ܘܬܲܪܒܵܐ ܕܥܲܠ ܚܲܕ݂ܝܵܐ ܢܲܝܬܸܿܐ: ܘܢܵܥܵܐ ܕܡܸܬ݂ܦܪܸܫ ܦܘܼܪܫܵܢܵܐ ܩܕ݂ܵܡ ܡܵܪܝܵܐ. |
[No book] |
| [31]ܘܢܲܣܸܩ ܟܵܗܢܵܐ ܬܲܪܒܵܐ ܠܡܲܕ݂ܒܚܵܐ: ܘܢܸܗܘܸܐ ܢܵܥܵܐ ܠܐܲܗܪܘܿܢ ܘܠܲܒ݂ܢܵܘܗܝ. |
[No book] |
| [32]ܘܫܵܩܵܐ ܕܝܲܡܝܼܢܵܐ ܬܸܬܿܠܘܼܢ ܦܘܼܪܫܵܢܵܐ ܠܡܵܪܝܵܐ: ܡܼܢ ܕܸܒ݂ܚܲܝܟܿܘܿܢ ܫܲܠܡܹ̈ܐ. |
[No book] |
| [33]ܕܲܡܩܲܪܸܒ݂ ܕܡܵܐ ܘܬܲܪܒܵܐ ܕܲܥܠܵܬ݂ܵܐ ܡܼܢ ܒܢܲܝ ܐܲܗܪܘܿܢ: ܠܹܗ ܬܸܗܘܸܐ ܡܢܵܬ݂ܵܐ ܫܵܩܵܐ ܕܝܲܡܝܼܢܵܐ. |
[No book] |
| [34]ܡܸܛܠ ܕܚܲܕ݂ܝܵܐ ܕܦܘܼܪܫܵܢܵܐ: ܘܫܵܩܵܐ ܕܦܘܼܪܫܵܢܵܐ: ܢܸܣܒܹܿܬ݂ ܡܼܢ ܒܢܲܝ ܝܼܣܪܵܝܹܠ ܡܼܢ ܕܸܒ݂ܚܲܝܗܘܿܢ ܫܲܠܡܹ̈ܐ: ܘܝܸܗ̄ܒܹܿܬ݂ ܐܸܢܘܿܢ ܠܐܲܗܪܘܿܢ ܟܵܗܢܵܐ ܘܠܲܒ݂ܢܵܘܗܝ: ܩܝܵܡܵܐ ܠܥܵܠܲܡ ܡܼܢ ܠܘܵܬ݂ ܒܢܲܝ ܝܼܣܪܵܝܹܠ. |
[No book] |
| [35]ܗܵܕܲܐ ܗ̄ܝܼ ܡܫܝܼܚܘܼܬ݂ܵܐ ܕܐܲܗܪܘܿܢ: ܘܲܡܫܝܼܚܘܼܬ݂ܵܐ ܕܲܒ݂ܢܵܘܗܝ ܡܼܢ ܩܘܼܪܒܵܢܵܘܗܝ ܕܡܵܪܝܵܐ: ܒܝܵܘܡܵܐ ܕܡܸܬ݂ܩܲܪܲܒ݂ ܠܲܡܫܲܡܵܫܘܼ ܠܡܵܪܝܵܐ. |
[No book] |
| [36]ܐܲܝܟ݂ ܕܦܲܩܸܕ݂ ܡܵܪܝܵܐ ܠܡܸܬܲܠ ܠܗܘܿܢ ܡܼܢ ܒܢܲܝ ܝܼܣܪܵܝܹܠ: ܒܝܵܘܡܵܐ ܕܲܡܫܲܚ ܐܸܢܘܿܢ: ܩܝܵܡܵܐ ܠܥܵܠܲܡ ܠܕ݂ܵܪܲܝܗܘܿܢ. |
[No book] |
| [37]ܗܵܢܵܐ ܢܵܡܘܿܣܵܐ ܕܝܵܩܕܵܐ ܕܲܥܠܵܬ݂ܵܐ: ܘܠܲܣܡܝܼܕ݂ܵܐ ܘܠܲܚܛܵܗܵܐ ܘܲܠܩܘܼܪܒܵܢܵܐ: ܘܲܠܫܘܼܡܠܵܝܵܐ: ܘܲܠܕܸܒ݂ܚܵܐ ܕܲܥܠܵܬ݂ܵܐ. |
[No book] |
| [38]ܕܦܲܩܸܕ݂ ܡܵܪܝܵܐ ܠܡܘܼܫܹܐ ܒܛܘܼܪܵܐ ܕܣܝܼܢܲܝ: ܒܝܵܘܡܵܐ ܕܦܲܩܕܹܗ ܥܲܠ ܒܢܲܝ ܝܼܣܪܵܝܹܠ: ܕܲܢܩܲܪܸܒ݂ ܩܘܼܪܒܵܢܲܝܗܘܿܢ ܠܡܵܪܝܵܐ ܒܡܲܕ݂ܒܿܪܵܐ ܕܣܝܼܢܲܝ. |
[No book] |