|
|
| [1]Hæc quoque lex hostiæ pro delicto, Sancta sanctorum est: |
[No book] |
| [2]idcirco ubi immolabitur holocaustum, mactabitur et victima pro delicto: sanguis ejus per gyrum altaris fundetur. |
[No book] |
| [3]Offerent ex ea caudam et adipem qui operit vitalia: |
[No book] |
| [4]duos renunculos, et pinguedinem quæ juxta ilia est, reticulumque jecoris cum renunculis. |
[No book] |
| [5]Et adolebit ea sacerdos super altare: incensum est Domini pro delicto. |
[No book] |
| [6]Omnis masculus de sacerdotali genere, in loco sancto vescetur his carnibus, quia Sanctum sanctorum est. |
[No book] |
| [7]Sicut pro peccato offertur hostia, ita et pro delicto: utriusque hostiæ lex una erit: ad sacerdotem, qui eam obtulerit, pertinebit. |
[No book] |
| [8]Sacerdos qui offert holocausti victimam, habebit pellem ejus. |
[No book] |
| [9]Et omne sacrificium similæ, quod coquitur in clibano, et quidquid in craticula, vel in sartagine præparatur, ejus erit sacerdotis a quo offertur: |
[No book] |
| [10]sive oleo conspersa, sive arida fuerint, cunctis filiis Aaron mensura æqua per singulos dividetur. |
[No book] |
| [11]Hæc est lex hostiæ pacificorum quæ offertur Domino. |
[No book] |
| [12]Si pro gratiarum actione oblatio fuerit, offerent panes absque fermento conspersos oleo, et lagana azyma uncta oleo, coctamque similam, et collyridas olei admistione conspersas: |
[No book] |
| [13]panes quoque fermentatos cum hostia gratiarum, quæ immolatur pro pacificis: |
[No book] |
| [14]ex quibus unus pro primitiis offeretur Domino, et erit sacerdotis qui fundet hostiæ sanguinem, |
[No book] |
| [15]cujus carnes eadem comedentur die, nec remanebit ex eis quidquam usque mane. |
[No book] |
| [16]Si voto, vel sponte quispiam obtulerit hostiam, eadem similiter edetur die: sed et si quid in crastinum remanserit, vesci licitum est: |
[No book] |
| [17]quidquid autem tertius invenerit dies, ignis absumet. |
[No book] |
| [18]Si quis de carnibus victimæ pacificorum die tertio comederit, irrita fiet oblatio, nec proderit offerenti: quin potius quæcumque anima tali se edulio contaminaverit, prævaricationis rea erit. |
[No book] |
| [19]Caro, quæ aliquid tetigerit immundum, non comedetur, sed comburetur igni: qui fuerit mundus, vescetur ex ea. |
[No book] |
| [20]Anima polluta quæ ederit de carnibus hostiæ pacificorum, quæ oblata est Domino, peribit de populis suis. |
[No book] |
| [21]Et quæ tetigerit immunditiam hominis, vel jumenti, sive omnis rei quæ polluere potest, et comederit de hujuscemodi carnibus, interibit de populis suis. |
[No book] |
| [22]Locutusque est Dominus ad Moysen, dicens: |
[No book] |
| [23]Loquere filiis Israël: Adipem ovis, et bovis, et capræ non comedetis. |
[No book] |
| [24]Adipem cadaveris morticini, et ejus animalis, quod a bestia captum est, habebitis in varios usus. |
[No book] |
| [25]Si quis adipem, qui offerri debet in incensum Domini, comederit, peribit de populo suo. |
[No book] |
| [26]Sanguinem quoque omnis animalis non sumetis in cibo, tam de avibus quam de pecoribus. |
[No book] |
| [27]Omnis anima, quæ ederit sanguinem, peribit de populis suis. |
[No book] |
| [28]Locutusque est Dominus ad Moysen, dicens: |
[No book] |
| [29]Loquere filiis Israël, dicens: Qui offert victimam pacificorum Domino, offerat simul et sacrificium, id est, libamenta ejus. |
[No book] |
| [30]Tenebit manibus adipem hostiæ, et pectusculum: cumque ambo oblata Domino consecraverit, tradet sacerdoti, |
[No book] |
| [31]qui adolebit adipem super altare, pectusculum autem erit Aaron et filiorum ejus. |
[No book] |
| [32]Armus quoque dexter de pacificorum hostiis cedet in primitias sacerdotis. |
[No book] |
| [33]Qui obtulerit sanguinem et adipem filiorum Aaron, ipse habebit et armum dextrum in portione sua. |
[No book] |
| [34]Pectusculum enim elevationis, et armum separationis, tuli a filiis Israël de hostiis eorum pacificis, et dedi Aaron sacerdoti, et filiis ejus, lege perpetua, ab omni populo Israël. |
[No book] |
| [35]Hæc est unctio Aaron et filiorum ejus in cæremoniis Domini die qua obtulit eos Moyses, ut sacerdotio fungerentur, |
[No book] |
| [36]et quæ præcepit eis dari Dominus a filiis Israël religione perpetua in generationibus suis. |
[No book] |
| [37]Ista est lex holocausti, et sacrificii pro peccato atque delicto, et pro consecratione et pacificorum victimis, |
[No book] |
| [38]quam constituit Dominus Moysi in monte Sinai, quando mandabit filiis Israël ut offerrent oblationes suas Domino in deserto Sinai. |
[No book] |