|
|
| [1]Dicebat autem et ad discipulos suos: Homo quidam erat dives, qui habebat villicum: et hic diffamatus est apud illum quasi dissipasset bona ipsius. |
[No book] |
| [2]Et vocavit illum, et ait illi: Quid hoc audio de te? redde rationem villicationis tuæ: jam enim non poteris villicare. |
[No book] |
| [3]Ait autem villicus intra se: Quid faciam? quia dominus meus aufert a me villicationem. Fodere non valeo, mendicare erubesco. |
[No book] |
| [4]Scio quid faciam, ut, cum amotus fuero a villicatione, recipiant me in domos suas. |
[No book] |
| [5]Convocatis itaque singulis debitoribus domini sui, dicebat primo: Quantum debes domino meo? |
[No book] |
| [6]At ille dixit: Centum cados olei. Dixitque illi: Accipe cautionem tuam: et sede cito, scribe quinquaginta. |
[No book] |
| [7]Deinde alii dixit: Tu vero quantum debes? Qui ait: Centum coros tritici. Ait illi: Accipe litteras tuas, et scribe octoginta. |
[No book] |
| [8]Et laudavit dominus villicum iniquitatis, quia prudenter fecisset: quia filii hujus sæculi prudentiores filiis lucis in generatione sua sunt. |
[No book] |
| [9]Et ego vobis dico: facite vobis amicos de mammona iniquitatis: ut, cum defeceritis, recipiant vos in æterna tabernacula. |
[No book] |
| [10]Qui fidelis est in minimo, et in majori fidelis est: et qui in modico iniquus est, et in majori iniquus est. |
[No book] |
| [11]Si ergo in iniquo mammona fideles non fuistis quod verum est, quis credet vobis? |
[No book] |
| [12]Et si in alieno fideles non fuistis, quod vestrum est, quis dabit vobis? |
[No book] |
| [13]Nemo servus potest duobus dominis servire: aut enim unum odiet, et alterum diliget: aut uni adhærebit, et alterum contemnet. Non potestis Deo servire et mammonæ. |
[No book] |
| [14]Audiebant autem omnia hæc pharisæi, qui erant avari: et deridebant illum. |
[No book] |
| [15]Et ait illis: Vos estis qui justificatis vos coram hominibus: Deus autem novit corda vestra: quia quod hominibus altum est, abominatio est ante Deum. |
[No book] |
| [16]Lex et prophetæ usque ad Joannem: ex eo regnum Dei evangelizatur, et omnis in illud vim facit. |
[No book] |
| [17]Facilius est autem cælum et terram præterire, quam de lege unum apicem cadere. |
[No book] |
| [18]Omnis qui dimittit uxorem suam et alteram ducit, mœchatur: et qui dimissam a viro ducit, mœchatur. |
[No book] |
| [19]Homo quidam erat dives, qui induebatur purpura et bysso, et epulabatur quotidie splendide. |
[No book] |
| [20]Et erat quidam mendicus, nomine Lazarus, qui jacebat ad januam ejus, ulceribus plenus, |
[No book] |
| [21]cupiens saturari de micis quæ cadebant de mensa divitis, et nemo illi dabat: sed et canes veniebant, et lingebant ulcera ejus. |
[No book] |
| [22]Factum est autem ut moreretur mendicus, et portaretur ab angelis in sinum Abrahæ. Mortuus est autem et dives, et sepultus est in inferno. |
[No book] |
| [23]Elevans autem oculos suos, cum esset in tormentis, vidit Abraham a longe, et Lazarum in sinu ejus: |
[No book] |
| [24]et ipse clamans dixit: Pater Abraham, miserere mei, et mitte Lazarum ut intingat extremum digiti sui in aquam, ut refrigeret linguam meam, quia crucior in hac flamma. |
[No book] |
| [25]Et dixit illi Abraham: Fili, recordare quia recepisti bona in vita tua, et Lazarus similiter mala: nunc autem hic consolatur, tu vero cruciaris: |
[No book] |
| [26]et in his omnibus inter nos et vos chaos magnum firmatum est: ut hi qui volunt hinc transire ad vos, non possint, neque inde huc transmeare. |
[No book] |
| [27]Et ait: Rogo ergo te, pater, ut mittas eum in domum patris mei: |
[No book] |
| [28]habeo enim quinque fratres: ut testetur illis, ne et ipsi veniant in hunc locum tormentorum. |
[No book] |
| [29]Et ait illi Abraham: Habent Moysen et prophetas: audiant illos. |
[No book] |
| [30]At ille dixit: Non, pater Abraham: sed si quis ex mortuis ierit ad eos, pœnitentiam agent. |
[No book] |
| [31]Ait autem illi: Si Moysen et prophetas non audiunt, neque si quis ex mortuis resurrexerit, credent. |
[No book] |