|
|
| [No book] |
[1]Morabatur autem eo tempore Israël in Settim, et fornicatus est populus cum filiabus Moab, |
| [No book] |
[2]quæ vocaverunt eos ad sacrificia sua. At ille comederunt et adoraverunt deos earum. |
| [No book] |
[3]Initiatusque est Israël Beelphegor: et iratus Dominus, |
| [No book] |
[4]ait ad Moysen: Tolle cunctos principes populi, et suspende eos contra solem in patibulis, ut avertatur furor meus ab Israël. |
| [No book] |
[5]Dixitque Moyses ad judices Israël: Occidat unusquisque proximos suos, qui initiati sunt Beelphegor. |
| [No book] |
[6]Et ecce unus de filiis Israël intravit coram fratribus suis ad scortum Madianitidem, vidente Moyse, et omni turba filiorum Israël, qui flebant ante fores tabernaculi. |
| [No book] |
[7]Quod cum vidisset Phinees filius Eleazari filii Aaron sacerdotis, surrexit de medio multitudinis, et arrepto pugione, |
| [No book] |
[8]ingressus est post virum Israëlitem in lupanar, et perfodit ambos simul, virum scilicet et mulierem in locis genitalibus. Cessavitque plaga a filiis Israël: |
| [No book] |
[9]et occisi sunt viginti quatuor millia hominum. |
| [No book] |
[10]Dixitque Dominus ad Moysen: |
| [No book] |
[11]Phinees filius Eleazari filii Aaron sacerdotis avertit iram meam a filiis Israël: quia zelo meo commotus est contra eos, ut non ipse delerem filios Israël in zelo meo. |
| [No book] |
[12]Idcirco loquere ad eum: Ecce do ei pacem fœderis mei, |
| [No book] |
[13]et erit tam ipsi quam semini ejus pactum sacerdotii sempiternum: quia zelatus est pro Deo suo, et expiavit scelus filiorum Israël. |
| [No book] |
[14]Erat autem nomen viri Israëlitæ, qui occisus est cum Madianitide, Zambri filius Salu, dux de cognatione et tribu Simeonis. |
| [No book] |
[15]Porro mulier Madianitis, quæ pariter interfecta est, vocabatur Cozbi filia Sur principis nobilissimi Madianitarum. |
| [No book] |
[16]Locutusque est Dominus ad Moysen, dicens: |
| [No book] |
[17]Hostes vos sentiant Madianitæ, et percutite eos: |
| [No book] |
[18]quia et ipsi hostiliter egerunt contra vos, et decepere insidiis per idolum Phogor, et Cozbi filiam ducis Madian sororem suam, quæ percussa est in die plagæ pro sacrilegio Phogor. |