|
|
| [No book] |
[1]Poul, the boundun of Crist Jhesu, and Timothe, brother, to Filemon, bilouyd, and oure helpere, and to Appia, |
| [No book] |
[2]most dere sister, and to Archip, oure euene kniyt, and to the chirche that is in thin hous, |
| [No book] |
[3]grace be to you, and pees of God oure fader, and of the Lord Jhesu Crist. |
| [No book] |
[4]I do thankingis to my God, euere more makinge mynde of thee in my preieris, |
| [No book] |
[5]heringe thi charite and feith, that thou hast in the Lord Jhesu, and to alle hooli men, |
| [No book] |
[6]that the comynyng of thi feith be maad opyn, in knowing of al good thing in Crist Jhesu. |
| [No book] |
[7]And Y hadde greet ioye and coumfort in thi charite, for the entrailis of hooli men restiden bi thee, brother. |
| [No book] |
[8]For which thing Y hauynge myche trist in Crist Jhesu, to comaunde to thee that that perteyneth to profit; |
| [No book] |
[9]but Y biseche more for charite, sithen thou art siche as the elde Poul, and now the boundun of Jhesu Crist. |
| [No book] |
[10]Y biseche thee for my sone Onesyme, whom Y in boondis bigat, |
| [No book] |
[11]which sumtyme was vnprofitable to thee, but now profitable bothe to thee and to me; whom Y sente ayen to thee. |
| [No book] |
[12]And resseyue thou hym as myn entrailis; |
| [No book] |
[13]whom Y wolde withholde with me, that he schulde serue for thee to me in boondis of the gospel; |
| [No book] |
[14]but with out thi counseil Y wolde not do ony thing, that thi good schulde not be as of nede, but wilful. |
| [No book] |
[15]For perauenture therfor he departide fro thee for a tyme, that thou schuldist resseyue hym with outen ende; |
| [No book] |
[16]now not as a seruaunt, but for a seruaunt a most dere brother, most to me; and how myche more to thee, bothe in fleisch and in the Lord? |
| [No book] |
[17]Therfor if thou hast me a felowe, resseyue hym as me; for if he hath ony thing anoied thee, |
| [No book] |
[18]ethir owith, arette thou this thing to me. |
| [No book] |
[19]Y Poul wroot with myn hoond, Y schal yelde; that Y seie not to thee, that also thou owist to me thi silf. |
| [No book] |
[20]So, brothir, Y schal vse thee in the Lord; fille thou myn entrails in Crist. |
| [No book] |
[21]Y tristnynge of thin obedience wroot to thee, witynge that thou schalt do ouer that that Y seie. |
| [No book] |
[22]Also make thou redi to me an hous to dwelle in; for Y hope that bi youre preyeris Y schal be youun to you. |
| [No book] |
[23]Epafras, prisoner with me in Crist Jhesu, |
| [No book] |
[24]greetith thee wel, and Mark, Aristark, Demas, Lucas, myn helperis. |
| [No book] |
[25]The grace of oure Lord Jhesu Crist be with youre spirit. Amen. |