|
|
| [1]ܒܪܵܐ ܚܲܟ̇ܝܼܡܵܐ ܡܚܲܕܹ̇ܐ ܠܐܲܒ̣ܘܼܗܝ. ܘܲܒ̣ܪܵܐ ܚܲܣܝܼܪ ܪܸܥܝܵܢܵܐ ܡܲܒ̣ܗܸܬ̣ ܠܐܸܡܹܗ. |
[No book] |
| [2]ܠܲܝܬ̇ ܝܘܼܬ̣ܪܵܢ ܒܣܝܼ̈ܡܵܬܹܗ ܕܥܵܘܵܠܐ. ܙܲܕ̇ܝܼܩܘܼܬ̣ܵܐ ܕܹܝܢ ܡܦܲܨܝܵܐ ܡ̣ܢ ܡܵܘܬܵܐ. |
[No book] |
| [3]ܠܵܐ ܓܹܝܪ ܡܲܟ݂ܦܸܢ ܡܵܪܝܵܐ ܢܲܦ̮ܫܹܗ ܕܙܲܕ̇ܝܼܩܵܐ. ܘܩܸܢܝܵܢܵܐ ܕܥܵܘܿܠܹ̈ܐ ܡܣܲܚܸܦ. |
[No book] |
| [4]ܡܸܣܟܹ̇ܢܘܼܬ̣ܵܐ ܡܡܲܟ̇ܟ݂ܵܐ ܠܓܲܒ̣ܪܵܐ. ܐܝܼܕܲܝܵܐ ܕܹܝܢ ܕܟܲܫܝܼܪܹ̈ܐ ܡܲܥܬ̇ܪ̈ܵܢ. |
[No book] |
| [5]ܕܦܵܠܲܚ ܒܩܲܝܛܵܐ: ܒܪܵܐ ܗ̄ܘܼ ܣܲܟ̇ܘܼܠܬ̣ܵܢܵܐ. ܘܲܕ̇ܕ݂ܵܡܹ̇ܟ݂ ܒܲܚܨܵܕ݂ܵܐ: ܒܪܵܐ ܗ̄ܘܼ ܡܲܒ̣ܗ̱ܬ̣ܵܢܵܐ. |
[No book] |
| [6]ܒܘܼܪܟ̇ܬ̣ܵܐ ܬܸܗܘܹܐ ܥܲܠ ܪܹܫܹܗ ܕܙܲܕ̇ܝܼܩܵܐ. ܘܲܠܦܘܼܡܗܘܿܢ ܕܥܵܘ̈ܠܹܐ ܢܟܲܣܹܐ ܥܵܘܼܠܵܐ. |
[No book] |
| [7]ܥܘܼܗܕܵܢܹܗ ܕܙܲܕ̇ܝܼܩܵܐ ܠܒ̣ܘܼܪܟ̇ܬ̣ܵܐ ܘܲܫܡܵܐ ܕܥܵܘܿܠܹ̈ܐ ܢܸܕ݂ܥܲܟ݂. |
[No book] |
| [8]ܕܚܲܟ̇ܝܼܡ ܠܸܒܹ̇ܗ: ܢܩܲܒܸ̇ܠ ܦܘܼܩܕܵܢܵܐ. ܘܲܕ݂ܫܵܛ̈ܝܵܢ ܣܸܦ̈ܘܵܬ̣ܵܗ̇: ܢܸܬ̇ܬ̇ܚܸܕ݂. |
[No book] |
| [9]ܕܲܡܗܲܠܸܟ݂ ܒܬܲܡܝܼܡܘܼܬ̣ܵܐ: ܢܹܐܙܲܠ ܒܣܲܒ̣ܪܵܐ. ܘܕܲܡܥܲܩ̈ܡܵܢ ܐܘܼܪ̈ܚܵܬܹܗ: ܢܸܬ̣̱ܝܼܕܲܥ. |
[No book] |
| [10]ܕܪܵܡܹ̇ܙ ܒܥܲܝܢܵܘ̈ܗܝ ܒܢܸܟ݂ܠܵܐ: ܝܵܗܹ̇ܒ̣ ܟܹܐܒ̣ܵܐ. ܘܲܕ݂ܡܲܟܸ̇ܣ ܓܲܠܝܵܐܝܼܬ̣: ܥܵܒܹ̇ܕ݂ ܫܠܵܡܵܐ. |
[No book] |
| [11]ܡܲܒ̇ܘܼܥܵܐ ܕܚܲܝܹ̈ܐ ܦܘܼܡܹܗ ܕܙܲܕ̇ܝܼܩܵܐ. ܘܲܠܦܘܼܡܗܘܿܢ ܕܥܵܘܿܠܹ̈ܐ ܢܟܲܣܹܐ ܥܵܘܼܠܵܐ. |
[No book] |
| [12]ܣܸܢܐ̱ܬ̣ܵܐ ܬܓܲܪܸܓ̣ ܕܝܼܢܵܐ. ܘܲܠܟ݂ܠܗܘܿܢ ܥܵܘܿܠܹ̈ܐ ܬܟܲܣܹܐ ܒܸܗܬ̇ܬ̣ܵܐ. |
[No book] |
| [13]ܡ̇ܢ ܕܡ̣ܢ ܣܸܦ̈ܘܵܬܹܗ ܡܲܦܸܩ ܚܸܟ݂ܡ̱ܬ̣ܵܐ: ܒܫܲܒ̣ܛܵܐ ܫܵܩܹ̇ܦ ܠܓܲܒ̣ܪܵܐ ܚܲܣܝܼܪ ܠܸܒܵܐ. |
[No book] |
| [14]ܚܲܟ̇ܝܼܡܹ̈ܐ ܢܛܲܫܘܿܢ ܝܼܕܲܥܬ̣ܵܐ. ܘܦܘܼܡܹܗ ܡܣܲܪ̱ܗܒ̣ܵܐ: ܩܲܪܝܼܒ̣ ܗܘܼ ܠܲܬ̣ܒ̣ܵܪܵܐ. |
[No book] |
| [15]ܩܸܢܝܵܢܵܐ ܕܥܲܬ̇ܝܼܟܹ̈ܐ ܟܲܪ̈ܟܹܐ ܥܲܫܝܼܢܹ̈ܐ. ܘܲܬ̣ܒ̣ܵܪܵܐ ܕܡܸܣܟܹܢܹ̈ܐ ܡܸܣܟܲܘܼܬ̣ܗܘܿܢ. |
[No book] |
| [16]ܥܒ̣ܵܕܹ̇ܗ ܕܙܲܕ̇ܝܼܩܵܐ ܠܚܲܝܹ̈ܐ. ܘܥܲܠܠܵܬܹ̈ܗ ܕܥܵܘܵܠܐ ܠܲܚܛܝܼܬ̣ܵܐ. |
[No book] |
| [17]ܐܘܼܪܚܵܐ ܕܚܲܝܹ̈ܐ ܢܵܛ̇ܪܵܐ ܡܲܪܕ̇ܘܼܬ̣ܵܐ. ܘܲܕ݂ܣܵܢܹ̇ܐ ܡܲܟ̇ܣܵܢܘܼܬ̣ܵܐ: ܣܲܟ݂ܠܵܐ ܗ̄ܘܼ. |
[No book] |
| [18]ܡܲܟ݂ܡ̈ܢܵܢ ܒܥܸܠܕ̇ܒ̣ܵܒ̣ܘܼܬ̣ܵܐ ܣܸܦ̈ܘܵܬ̣ܵܐ ܕܥܵܘܿܠܵܐ ܘܲܕ݂ܡܲܦܸܩ ܠܵܘܛܬ̣ܵܐ: ܚܲܣܝܼܪ ܪܸܥܝܵܢܵܐ ܗ̄ܘܼ. |
[No book] |
| [19]ܒܣܘܿܓ̣ܵܐܐ ܕܡܸܠܹ̈ܐ ܠܵܐ ܡܸܬ̣ܦܲܨܵܐ ܥܵܘܿܠܵܐ. ܘܲܕ݂ܚܵܣܹ̇ܟ݂ ܣܸܦ̈ܘܵܬܹܗ: ܣܲܟ̇ܘܼܠܬ̣ܵܢ. |
[No book] |
| [20]ܣܹܐܡܵܐ ܓܲܒ̣ܝܵܐ ܠܸܫܵܢܹܗ ܕܙܲܕ̇ܝܼܩܵܐ. ܘܠܸܒܵܐ ܕܥܵܘܿܠܹܐ ܡܸܪܬ̣ܵܐܗ̄ܘܼ. |
[No book] |
| [21]ܣܸܦ̈ܘܵܬܹܗ ܕܙܲܕ̇ܝܼܩܵܐ ܣܲܓ̇ܝܼ ܡܪ̈ܲܚܡܵܢܝܵܢ. ܘܫܵܛܲـ̈ـܝܵܐ ܒܚܲܣܝܼܪܘܼܬ̣ ܪܸܥܝܵܢܗܘܿܢ ܢܡܘܼܬ̣ܘܼܢ. |
[No book] |
| [22]ܒܘܼܪܟ̇ܬܹܗ ܕܡܵܪܝܵܐ ܡܲܥ̄ܬ̇ܪܵܐ. ܘܟܹܐܒ̣ܵܐ ܠܵܐ ܢܸܗܘܹܐ ܥܲܡܵܗ̇. |
[No book] |
| [23]ܣܲܟ݂ܠܵܐ ܟܲܕ݂ ܓܵܚܹ̇ܟ: ܥܵܒܹ̇ܕ݂ ܒܝܼܫܬܵܐ ܘܚܸܟ݂ܡ̱ܬ̣ܵܐ ܠܓܲܒ̣ܪܵܐ ܣܘܼܟܵܠܹܗ. |
[No book] |
| [24]ܥܵܘܿܠܵܐ ܠܐܲܒ̣ܕܵܢܵܐ ܡܸܬ̣̱ܢܥܸܓ̣ ܘܣܲܒ̣ܪܵܐ ܡܸܬ̣̱ܝܼܗܸܒ̣ ܠܙܲܕ̇ܝܼܩܹ̈ܐ. |
[No book] |
| [25]ܐܲܝܟ݂ ܕܡ̣ܢ ܫܸܠܝܵܐ ܥܵܒ̣ܪܵܐ ܥܲܠܥܵܠܵܐ. ܗܵܟܲܢܵܐ ܢܹܐܒܲܕ݂ ܥܵܘ̇ܠܵ ܘܠܵܐ ܢܸܫܬ̇ܟܲܚ ܙܲܕ̇ܝܼܩܵܐ ܕܹܝܢ ܢܸܬ̇ܬ̇ܣܝܼ̈ܡܵܢ ܫܲܬ̣ܐ̱ܣܵܘ̈ܗܝ ܠܥܵܠܲܡ. |
[No book] |
| [26]ܐܲܝܟܲܢܵܐ ܕܒܸܣܪܹ̈ܐ: ܠܫܸܢܹ̈ܐ ܢܵܟܹ̇ܝܢ: ܘܬܸܢܵܢܵܐ ܠܥܲܝܢܹ̈ܐ. ܗܵܟܲܢܵܐ ܢܵܟܹ̇ܐ ܥܵܘܼܠܵܐ ܠܥܵܒ̣̇ܘܿܕ݂ܵܘ̈ܗܝ. |
[No book] |
| [27]ܕܸܚ̱ܠܬܹܗ ܕܡܵܪܝܵܐ ܬܵܘܣܸܦ ܝܵܘ̈ܡܵܬ̣ܵܐ. ܘܲܫܢܲܝ̈ܗܘܿܢ ܕܥܵܘܿܠܹܐ ܢܸܬ̣ܒܲܨܪ̈ܵܢ. |
[No book] |
| [28]ܣܲܒ̣ܪ̱ܗܘܿܢ ܕܙܲܕ̇ܝܼܩܹ̈ܐ ܒܚܲܕ݂ܘܼܬ̣ܵܐ. ܘܣܲܒ̣ܪܵܐ ܕܥܵܘܿܠܹܐ ܢܹܐܒܲܕ݂. |
[No book] |
| [29]ܡܲܥ̄ܫܢܵܐ ܐܘܼܪܚܹܗ ܕܡܵܪܝܵܐ ܠܬܲܡܝܼ̈ܡܹܐ. ܘܬ̣ܵܒܲܪ! ܠܥܵـ̇ـܒ̣ܕܲܝ ܥܵܘܼܠܵܐ. |
[No book] |
| [30]ܙܲܕ̇ܝܼܩܵܐ ܥܵܠܲܡ ܠܵܐ ܢܙܘܼܥ. ܘܥܵܘܿܠܹܐ ܠܵܐ ܢܸܥ̱ܡܪܘܿܢ ܒܐܲܪܥܵܐ. |
[No book] |
| [31]ܦܘܼܡܹܗ ܕܙܲܕ̇ܝܼܩܵܐ ܡܡܲܠܸܠ ܚܸܟ݂ܡ̱ܬ̣ܵܐ. ܘܠܸܫܵܢܵܐ ܗܦܝܼܟ݂ܵܐ ܢܸܬ̣ܦܣܸܩ. |
[No book] |
| [32]ܣܸܦ̈ܘܵܬܹܗ ܕܙܲܕ̇ܝܼܩܵܐ ܝܵܕ̇ܥܵـ̈ـܢ ܛܲܝܒ̇ܘܼܬ̣ܵܐ. ܘܦܘܼܡܗܘܿܢ ܕܥܵܘܿܠܹܐ ܗܦܝܼ̈ܟ݂ܵܬ̣ܵܐ. |
[No book] |