|
|
| [1]Filius sapiens lætificat patrem, filius vero stultus mœstitia est matris suæ. |
[No book] |
| [2]Nil proderunt thesauri impietatis, justitia vero liberabit a morte. |
[No book] |
| [3]Non affliget Dominus fame animam justi, et insidias impiorum subvertet. |
[No book] |
| [4]Egestatem operata est manus remissa; manus autem fortium divitias parat. Qui nititur mendaciis, hic pascit ventos; idem autem ipse sequitur aves volantes. |
[No book] |
| [5]Qui congregat in messe, filius sapiens est; qui autem stertit æstate, filius confusionis. |
[No book] |
| [6]Benedictio Domini super caput justi; os autem impiorum operit iniquitas. |
[No book] |
| [7]Memoria justi cum laudibus, et nomen impiorum putrescet. |
[No book] |
| [8]Sapiens corde præcepta suscipit; stultus cæditur labiis. |
[No book] |
| [9]Qui ambulat simpliciter ambulat confidenter; qui autem depravat vias suas manifestus erit. |
[No book] |
| [10]Qui annuit oculo dabit dolorem; et stultus labiis verberabitur. |
[No book] |
| [11]Vena vitæ os justi, et os impiorum operit iniquitatem. |
[No book] |
| [12]Odium suscitat rixas, et universa delicta operit caritas. |
[No book] |
| [13]In labiis sapientis invenitur sapientia, et virga in dorso ejus qui indiget corde. |
[No book] |
| [14]Sapientes abscondunt scientiam; os autem stulti confusioni proximum est. |
[No book] |
| [15]Substantia divitis, urbs fortitudinis ejus; pavor pauperum egestas eorum. |
[No book] |
| [16]Opus justi ad vitam, fructus autem impii ad peccatum. |
[No book] |
| [17]Via vitæ custodienti disciplinam; qui autem increpationes relinquit, errat. |
[No book] |
| [18]Abscondunt odium labia mendacia; qui profert contumeliam, insipiens est. |
[No book] |
| [19]In multiloquio non deerit peccatum, qui autem moderatur labia sua prudentissimus est. |
[No book] |
| [20]Argentum electum lingua justi; cor autem impiorum pro nihilo. |
[No book] |
| [21]Labia justi erudiunt plurimos; qui autem indocti sunt in cordis egestate morientur. |
[No book] |
| [22]Benedictio Domini divites facit, nec sociabitur eis afflictio. |
[No book] |
| [23]Quasi per risum stultus operatur scelus, sapientia autem est viro prudentia. |
[No book] |
| [24]Quod timet impius veniet super eum; desiderium suum justus dabitur. |
[No book] |
| [25]Quasi tempestas transiens non erit impius; justus autem quasi fundamentum sempiternum. |
[No book] |
| [26]Sicut acetum dentibus, et fumus oculis, sic piger his qui miserunt eum. |
[No book] |
| [27]Timor Domini apponet dies, et anni impiorum breviabuntur. |
[No book] |
| [28]Exspectatio justorum lætitia, spes autem impiorum peribit. |
[No book] |
| [29]Fortitudo simplicis via Domini, et pavor his qui operantur malum. |
[No book] |
| [30]Justus in æternum non commovebitur, impii autem non habitabunt super terram. |
[No book] |
| [31]Os justi parturiet sapientiam; lingua pravorum peribit. |
[No book] |
| [32]Labia justi considerant placita, et os impiorum perversa. |
[No book] |