|
|
| [1]ܐܲܢ̄ܬ̇ܬ̣ܵܐ ܚܲܟ̇ܝܼܡܬܵܐ ܒܢܵܬ̤ ܒܲܝܬܵܐ. ܘܲܣܟܲܠܬ̣ܵܐ ܒܐܝܼܕܹܝ̈ܗ̇ ܣܚܲܦܬܹܗ. |
[No book] |
| [2]ܕܲܡܗܲܠܸܟ݂ ܒܲܬ̣ܪܝܼܨܘܼܬ̣ܵܐ: ܕܵܚܹ̇ܠ ܡ̣ܢ ܡܵܪܝܵܐ. ܘܕܲܥܫܝܼܩ ܒܐܘܼܪܚܹܗ: ܫܵܐܹ̇ܛ ܠܹܗ. |
[No book] |
| [3]ܒܦܘܼܡܹܗ ܕܣܲܟ݂ܠܵܐ ܙܸܩܬܵܐ ܘܨܲܥܪܵܐ. ܘܣܸܦ̈ܘܵܬ̣ܗܘܿܢ ܕܚܲܟ̇ܝܼ̈ܡܹܐ ܢܢܲܛܪܵܢ ܐܸܢܘܿܢ. |
[No book] |
| [4]ܐܲܬܲܪ ܕܠܲܝܬ̇ ܬܵܘܪܹ̈ܐ: ܕܟܹܝܢ ܐܘܿܪ̈ܵܘܵܬ̣ܵܐ ܘܣܘܿܓ̣ܵܐܐ ܕܥܲܠ̈ܠܵܬ̣ܵܐ ܒܚܲܝܠܹܗ ܕܬ̣ܵܘܪܵܐ. |
[No book] |
| [5]ܣܵܗܕܵܐ ܡܗܲܝܡܢܵܐ ܠܵܐ ܡܸܬ̣ܟܲܕܲܒ̣. ܘܕܲܡܡܲܠܸܠ ܟܲܕܵܒ̣ܘܼܬ̣ܵܐ: ܣܵܗܕܵܐ ܗ̄ܘܼ ܕܲܓܵܠܵܐ. |
[No book] |
| [6]ܒܝܼܫܵܐ ܒܵܥܹ̇ܐ ܚܸܟ݂ܡ̱ܬ̣ܵܐ: ܘܠܵܐ ܢܸܫܟ̇ܚܝܼܗ̇ ܘܝܼܕܲܥܬ̣ܵܐ ܠܣܲܟ̇ܘܼܠܬ̣ܵܢܵܐ ܫܟ݂ܝܼܚܵܐ. |
[No book] |
| [7]ܠܓܲܒ̣ܪܵܐ ܣܲܟ݂ܠܵܐ ܟܠܡܸܕܹ̇ܡ ܣܲܩܘܼܒ̣ܠܵܐ ܗ̄ܘܼ ܠܹܗ. ܘܙܲܝܢܵܐ ܕܝܼܕܲܥܬ̣ܵܐ ܣܸܦ̈ܘܵܬ̣ܵܐ ܕܚܲܟ̇ܝܼܡܹ̈ܐ. |
[No book] |
| [8]ܥܪܝܼܡܵܐ ܒܚܸܟ݂ܡ̱ܬܹܗ ܡܸܣܬܲܟܲܠ ܐܘܼܪܚܹܗ. ܘܐܘܼܪܚܵܐ ܕܣܲܟ݂ܠܹ̈ܐ ܒܛܵܥ̇ܝܘܼܬ̣ܵܐ. |
[No book] |
| [9]ܒܵܬܲܝ̈ܗܘܿܢ ܕܥܵܘܿܠܹ̈ܐ ܬܪܝܼܨܵܐܝܼܬ̣ ܒܵܥܹ̇ܝܢ ܕܘܼܟܵܝܵܐ. ܘܒ̣ܵܬܲܝ̈ܗܘܿܢ ܕܙܲܕ̇ܝܼܩܹ̈ܐ ܡܩܲܒ̇ܠܝܼܢ. |
[No book] |
| [10]ܣܲܟ݂ܠܹ̈ܐ ܥܵܒ̣ܕ̇ܝܼܢ ܚܛܵܗܹ̈ܐ ܘܲܒ̣ܢܲܝ̈ ܬܪ̈ܝܼܨܐ ܨܸܒ̣ܝܵܢܵܐ. |
[No book] |
| [11]ܠܸܒܵܐ ܝܲܕ̇ܘܼܥܬ̣ܵܢܵܐ: ܟܲܪܝܘܼܬ̣ܵܐ ܗ̄ܘܼ ܠܢܲܦ̮ܫܹܗ. ܘܲܒ̣ܚܲܕ݂ܘܼܬܹܗ ܠܵܐ ܢܸܬ̣ܝܼܠܛ ܢܘܼܟ݂ܪܵܝܵܐ. ܒܲܝܬܵܐ ܕܥܵܘܠܹܐ ܢܹܐܒܲܕ݂. ܘܡܲܫܟ̇ܢܵܐ ܕܲܬ̣ܪ̈ܝܼܨܹܐ ܢܸܪܘܲܙ. |
[No book] |
| [12]ܐܝܼܬ̣ ܐܘܼܪܚܵܐ ܕܣܵܒ̣ܪܝܼܢ ܒܢܲܝ̈ܢܵܫܵܐ ܕܲܬ̣ܪܝܼܨܵܐ ܗ̄ܝܼ. ܘܐܘܼܪ̈ܚܵܬ̣ܵܗ̇ ܐܘܼܪ̈ܚܵܬ̣ܵܐ ܐܸܢܹܝܢ ܕܡܵܘܬܵܐ. |
[No book] |
| [13]ܐܵܦ ܒܓ̣ܘܼܚܟܵܐ ܢܸܟ݂ܐܲܒ̣ ܠܸܒܵܐ. ܘܚܲܪܬ̣ܵܐ ܕܚܲܕ݂ܘܼܬܹܗ ܐܘܼܢܬܵܐ. |
[No book] |
| [14]ܡ̣ܢ ܐܘܼܪ̈ܚܵܬܹܗ ܢܸܣܒܲܥ ܡ̇ܢ ܕܡܲܪܵܚ ܒܠܸܒܹ̇ܗ ܘܓܲܒ̣ܪܵܐ ܛܵܒ̣ܵܐ ܢܸܣܒܲܥ ܡ̣ܢ ܕܸܚ̱ܠܬ̣ܵܐ ܕܢܲܦ ̮ܫܹܗ. |
[No book] |
| [15]ܫܲܒ̣ܪܵܐ ܡܗܲܝܡܸܢ ܠܟ݂ܠ ܡܸܠܵܐ. ܘܲܥܪܝܼܡܵܐ ܦܵܟܹ̇ܫ ܛܵܒ̣ ܡ̣ܢ ܒܝܼܫ. |
[No book] |
| [16]ܚܲܟ̇ܝܼܡܵܐ ܕܵܚܹ̇ܠ: ܘܣܵܛܹ̇ܐ ܡ̣ܢ ܒܝܼܫܬܵܐ. ܘܣܲܟ݂ܠܵܐ ܡܸܬ̣ܚܲܠܲܛ ܒܵܗ̇ ܬܟ݂ܝܼܠܵܐܝܼܬ̣. |
[No book] |
| [17]ܩܲܠܝܼܠܵܐ: ܟܠ ܕܥܵܒܹ̇ܕ݂ ܠܵܐ ܡܸܬ̣ܡ̱ܠܸܟ݂ ܘܓܲܒ̣ܪܵܐ ܚܲܟ̇ܝܼܡܵܐ ܪܡܝܼܣ. |
[No book] |
| [18]ܝܵܪܬ̇ܝܼܢ ܣܲܟ݂ܠܹ̈ܐ ܫܵܛ̇ܝܘܼܬ̣ܵܐ. ܘܲܥܪ̈ܝܼܡܹܐ ܡܦܲܠܓ̣ܝܼܢ ܝܼܕܲܥܬ̣ܵܐ. |
[No book] |
| [19]ܢܸܦܠܘܼܢ ܒܝܼܫܹ̈ܐ ܩܕ݂ܵܡ ܛܵܒܹ̈ܐ. ܘܥܵܘܿܠܹ̈ܐ ܢܹܐܬ̣ܘܿܢ ܠܬܲܪܥܹܗ ܕܙܲܕ̇ܝܼܩܵܐ. |
[No book] |
| [20]ܐܵܦ ܠܚܲܒ̣ܪ̈ܵܘܗܝ ܣܢܹܐ ܡܸܣܟܹ̇ܢܵܐ. ܘܪܵܚܡܵܘܗܝ ܕܥܲܬ̇ܝܼܪܵܐ ܣܲܓ̇ܝܼܐܝܼܢ. |
[No book] |
| [21]ܕܫܵܐܹ̇ܛ ܠܚܲܒ̣ܪܹܗ ܚܵܛܹ̇ܐ. ܘܕܲܡܪܲܚܸܡ ܥܲܠ ܡܸܣܟܹ̇ܢܵܐ ܛܘܼܒ̣ܵܘܗܝ. |
[No book] |
| [22]ܥܵܘܿܠܹ̈ܐ ܛܵܥܹ̇ܝܢ ܕܥܵܒ̣ܕ̇ܝܼܢ ܒܝܼ̈ܫܵܬ̣ܵܐ. ܘܲܡܪܲܚܡܵܢܹܐ ܘܙܲܕ̇ܝܼܩܹ̈ܐ ܥܵܒ̣ܕ̇ܝܼܢ ܟܠܗܹܝܢ ܛܵܒ̣ܵـ̈ـܬ̣ܵܐ. ܥܵܒ̣̇ܕܲܝ̈ ܒܝܼ̈ܫܵܬ̣ܵܐ: ܪ̈ܲܚܡܹܐ ܘܗܲܝܡܵܢܘܼܬ̣ܵܐ ܠܵܐ ܢܸܣܬܲܟ̇ܠܘܼܢ. ܡܪܲܚܡܵܢܘܼܬ̣ܵܐ ܕܹܝܢ ܘܗܲܝܡܵܢܘܼܬ̣ܵܐ ܥܲܡ ܥܵܒ̣ܕܲܝ̈ ܛܵـ̈ـܒ̣ܵܬ̣ܵܐ ܗ̄ܝܼ. |
[No book] |
| [23]ܒܟ݂ܠ ܕܝܵܨܹ̇ܦ ܐܲܢ̄ܬ̇: ܚܕ݂ܵܐ ܗ̄ܝܼ ܕܡܵܘܬ̇ܪܵܐ ܘܐܲܝܢܵܐ ܕܲܒ̣ܨܝܼܪ ܒܥܘܼܡܪܹܗ: ܢܝܼܚܵܐ ܘܒܲܣܝܼܡܵܐ ܢܸܗܘܹܐ. ܟܠ ܟܹܐܒ̣ ܡܵܪܝܵܐ ܡܲܐܣܹܐ. ܘܡܲܡܠܠܵܐ ܕܣܸܦ̈ܘܵܬ̣ܗܘܿܢ ܕܥܵܘܿܠܹ̈ܐ ܡܲܚܣܲܪ ܠܗܘܿܢ. |
[No book] |
| [24]ܟܠܝܼܠܵܐ ܕܚܲܟ̇ܝܼܡܹ̈ܐ ܥܘܼܬ̣̱ܪܗܘܿܢ ܘܗܘܼܦܵܟ݂ܵܐ ܕܣܲܟ݂ܠܹ̈ܐ ܣܵܛ̇ܝܘܼܬ̣ܗܘܿܢ. |
[No book] |
| [25]ܡܦܲܨܹܐ ܢܲܦ̮ܫܵܬ̣ܵܐ ܣܵܗܕܵܐ ܕܩܘܼܫܬܵܐ ܘܲܡܡܲܠܸܠ ܢܸܟ݂ܠܵܐ ܣܵܗܕܵܐ ܕܲܓ̇ܠܹܐ. |
[No book] |
| [26]ܕ݂ܚ̱ܠܬܹܗ ܕܡܵܪܝܵܐ ܒܣܲܒ̣ܪܵܐ ܥܲܫܝܼܢܵܐ. ܘܠܲܒ̣ܢܵܘ̈ܗܝ ܢܸܗܘܹܐ ܡܣܲܬ̇ܪܵܢܵܐ. |
[No book] |
| [27]ܕܸܚ̱ܠܬܹܗ ܕܡܵܪܝܵܐ ܡܲܒ̇ܘܼܥܵܐ ܗ̄ܝܼ ܕܚܲܝܹ̈ܐ: ܠܐܲܝܠܹܝܢ ܕܣܵܛܹ̇ܝܢ ܡ̣ܢ ܦܲܚܹ̈ܐ ܕܡܵܘܬܵܐ. |
[No book] |
| [28]ܒܥܲܡܵܐ ܣܲܓ̇ܝܼܐܵܐ ܗܕ݂ܝܼܪ ܡܲܠܟܵܐ. ܘܲܒ̣ܣܵܘܦܹܗ ܕܥܲܡܵܐ ܡܸܬ̇ܬ̇ܒܲܪ ܡܲܠܟܵܐ. |
[No book] |
| [29]ܕܢܲܓ̇ܝܼܪܵܐ ܪܘܼܚܹܗ ܣܲܓ̇ܝ ܚܲܟ̇ܝܼܡ ܘܲܕ݂ܟܲܪܝܵܐ ܪܘܼܚܹܗ ܛܵܒ̣ ܣܟܲܠ. |
[No book] |
| [30]ܕܲܡܦܲܝܸܓ̣ ܚܸܡܬܹܗ ܐܵܣܝܵܐ ܗ̄ܘܼ ܕܠܸܒܹ̇ܗ. ܘܣܵܣܵܐ ܕܓܲܪ̈ܡܹܐ ܛܢܵܢܵܐ ܗ̄ܘܼ. |
[No book] |
| [31]ܕܕ݂ܵܒܲܪ ܠܡܸܣܟܹ̇ܢܵܐ ܒܝܼܫ ܒܝܼܫ: ܡܲܪܓܸ̇ܙ ܠܡ̇ܢ ܕܥܲܒ̣ܕܹ̇ܗ. ܘܕܲܡܝܲܩܲܪ ܠܡܵܪܝܵܐ: ܡܪܲܚܸܡ ܥܲܠ ܒܵܝܫܹ̈ܐ. |
[No book] |
| [32]ܒܒ̣ܝܼܫܘܼܬܹܗ ܡܸܣܬ̇ܚܸܦ ܥܵܘܵܠܵܐ. ܘܕܲܬ̣ܟ݂ܝܼܠ ܕܠܲܝܬ̣ ܠܹܗ ܚܛܵܗܹ̈ܐ: ܙܲܕ̇ܝܼܩܵܐ ܗ̄ܘܼ. |
[No book] |
| [33]ܒܠܸܒܵܐ ܕܟܹܐܢܹ̈ܐ ܬܸܫܪܸܐ ܚܸܟ݂ܡ̱ܬ̣ܵܐ. ܘܲܒ̣ܠܸܒܵܐ ܕܣܲܟ݂ܠܹܐ ܠܵܐ ܬܸܬ̣̤ܝܼܕܲܥ. |
[No book] |
| [34]ܙܲܕ̇ܝܼܩܘܼܬ̣ܵܐ ܬܪܲܡܪܸܡ ܠܥܲܡܵܐ. ܘܡܲܙ̱ܥܪܝܼܢ ܐܸܡ̈ܘܵܬ̣ܵܐ ܚܛܵܗܹ̈ܐ. |
[No book] |
| [35]ܨܸܒ̣ܝܵܢܹܗ ܕܡܲܠܟܵܐ ܒܥܲܒ̣ܕܵܐ ܣܲܟ̇ܘܼܠܬ̣ܵܢܵܐ. ܘܲܒ̣ܚܸܟ݂ܡܲܬ̣ ܢܲܦ̮ܫܹܗ ܡܸܣܬܲܚܸܦ ܥܵܘܵܠܐ. ܘܕܲܬ̣ܟ݂ܝܼܠ ܕܠܲܝܬ̇ ܠܹܗ ܚܛܵܗܹ̈ܐ: ܙܲܕ̇ܝܼܩܵܐ ܗ̄ܘܼ. ܪܘܼܓ̣ܙܵܐ ܕܹܝܢ ܐܵܦ ܠܚܲܟ̇ܝܼܡܹ̈ܐ ܡܵܘܒܸ̇ܕ݂. |
[No book] |