|
|
| [1]ܛܵܒ̣ ܗ̄ܘܼ ܠܲܚܡܵܐ ܝܲܒ̇ܝܼܫܵܐ ܒܫܸܠܝܵܐ: ܛܵܒ̣ ܡ̣ܢ ܒܲܝܬܵܐ ܕܲܡܠܹܐ ܕܸܒ̣ܚܹ̈ܐ ܕܕ݂ܝܼܢܵܐ. |
[No book] |
| [2]ܥܲܒ̣ܕܵܐ ܣܲܟ̇ܘܼܠܬ̣ܵܢܵܐ ܢܸܫܬܲܠܲܛ ܒܲܒ̣ܪܵܐ ܡܲܒ̣ܗ̄ܬ̣ܵܢܵܐ. ܘܒܲܝܢܵܬ̣ ܐܲܚܹ̈ܐ ܢܦܲܠܸܓ̣ ܝܘܼܟ̇ܬܵܢܵܐ. |
[No book] |
| [3]ܨܪܵܦܵܐ ܒܵܩܹ̇ܐ ܠܣܹܐܡܵܐ: ܘܟ݂ܘܼܪܵܐ ܠܕܲܗܒ̣ܵܐ. ܘܡܵܪܝܵܐ ܒܵܚܲܪ ܠܸܒܵܐ. |
[No book] |
| [4]ܓܲܒ̣ܪܵܐ ܒܝܼܫܵܐ ܨܵܐܹ̇ܬ̣ ܠܣܸܦ̈ܘܵܬ̣ܵܐ ܕܥܲܢܵܬܹ̈ܐ. ܘܙܲܕ̇ܝܼܩܵܐ ܠܵܐ ܫܵܡܲܥ ܠܠܸܫܵܢܵܐ ܕܥܲܢܵܬܹ̈ܐ. |
[No book] |
| [5]ܕܓ̣ܚܹ̇ܟ ܥܲܠ ܡܸܣܟܹ̇ܢܵܐ ܡܲܪܓܸ̇ܙ ܠܒ̣ܵܪܝܹܗ: ܘܲܕ݂ܚܵܕܹ̇ܐ ܠܲܬ̣ܒ̣ܵܪܵܐ ܠܵܐ ܢܸܬ̣ܚܲܣܸܐ. |
[No book] |
| [6]ܟܠܝܼܠܵܐ ܕܣܵܒܹ̈ܐ: ܒܢܲܝ̈ ܐܸܢܘܿܢ: ܘܬܸܫܒ̇ܘܿܚܬܵܐ ܕܲܒ̣ܢܲـ̈ـܝܵܐ ܐܲܒ̣ܵܗܲܝ̈ܗܘܿܢ. |
[No book] |
| [7]ܠܵܐ ܝܵܐ̇ܝܵܐ ܠܣܲܟ݂ܠܵܐ ܣܸܦܬ̣ܵܐ ܡܗܲܝܡܲܢܬܵܐ: ܘܐܵܦܠܵܐ ܠܙܲܕ̇ܝܼܩܵܐ ܣܸܦܬܵܐ ܕܲܓܵܠܬܵܐ. |
[No book] |
| [8]ܟܹܐܦܵܐ ܕܪ̈ܲܚܡܹܐ ܫܲܦܝܼܪܵܐ ܗ̄ܝܼ ܒܥܲܝܢܲܝ̈ ܡ̇ܢ ܕܕ݂ܝܼܠܹܗ ܗ̄ܝܼ. ܘܠܲܐܬܲܪ ܕܡܸܬ̣ܦܲܢܝܵܐ: ܣܘܼܟܵܠܵܐ ܗ̄ܝܼ. |
[No book] |
| [9]ܕܲܡܟܲܣܸܐ ܥܵܘܼܠܵܐ: ܒܵܥܹ̇ܐ ܪܵܚܡ̇ܘܼܬ̣ܵܐ ܘܲܕ݂ܣܵܢܹ̇ܐ ܠܡܲܟܵܣܘܼ: ܡ̣ܢ ܪܵܚ̇ܡܵܐ ܘܥܵܡܘܿܪܵܐ ܦܵܪܹܫ. |
[No book] |
| [10]ܠܘܼܚܵܡܵܐ ܫܵܚܹ̇ܩ ܠܸܒܹ̇ܗ ܕܚܲܟ̇ܝܼܡܵܐ. ܘܲܚܠܵܦ ܟܐܵܬ̣ܵܐ ܡܸܬ̣ܢܲܓܲܪ ܣܲܟ݂ܠܵܐ ܘܠܵܐ ܪܵܓ̇ܿܫ. |
[No book] |
| [11]ܓܲܒ̣ܪܵܐ ܚܸܪܝܵܝܵܐ ܒܵܥܹ̇ܐ ܒܝܼܫܬܵܐ. ܘܡܸܫܬܲܕܲܪ ܥܠܵܘܗܝ ܡܲܠܲܐܟ݂ܵܐ ܕܪ̈ܲܚܡܝܼܢ ܠܲܝܬ̇ ܠܹܗ. |
[No book] |
| [12]ܢܵܦܹ̇ܠ ܪܸܢܝܵܐ ܘܕܸ̱ܚ̱ܠܬܵܐ ܠܓܲܒ̣ܪܵܐ ܚܲܟ̇ܝܼܡܵܐ: ܘܲܠܣܲܟ݂ܠܵܐ ܒܫܵܛ̇ܝܘܼܬܹܗ. |
[No book] |
| [13]ܕܦܵܪܲܥ ܒܝܼܫܬܵܐ ܚܠܵܦ ܛܵܒ̣ܬ̣ܵܐ: ܠܵܐ ܬܸܥܢܲܕ݂ ܒܝܼܫܬܵܐ ܡ̣ܢ ܒܲܝܬܹ̇ܗ. |
[No book] |
| [14]ܘܕ݂ܵܐ̇ܫܹ̇ܕ݂ ܕܡܵܐ ܕܝܼܢܵܐ ܡܓܲܪܸܓ̣ ܩܕ݂ܵܡ ܫܲܠܝܼܛܵܐ. |
[No book] |
| [15]ܕܲܡܙܲܟܹ̇ܐ ܠܥܵܘܿܠܵܐ: ܘܲܡܚܲܝܸܒ̣ ܠܙܲܕ̇ܝܼܩܵܐ: ܛܡܲܐ ܗ̄ܘܼ ܩܕ݂ܵܡ ܡܵܪܝܵܐ. |
[No book] |
| [16]ܠܡܵܢܵܐ ܐܵܙܹ̇ܠ ܠܹܗ ܩܸܢܝܵܢܵܐ ܠܣܲܟ݂ܠܵܐ: ܕܠܲܝܬ̇ ܠܹܗ ܠܸܒܵܐ ܠܡܸܩܢܵܐ ܚܸܟ݂ܡ̱ܬ̣ܵܐ. |
[No book] |
| [17]ܒܟ݂ܠܙܒܲܢ ܪܵܚ̇ܡܵܐ ܪܵܚܹ̇ܡ ܗ̄ܘܼ. ܘܐܲܚܵܐ ܠܐܘܼܠܨܵܢܵܐ ܡܸܬ̣̱ܝܼܠܸܕ݂. |
[No book] |
| [18]ܒܲܪܢܵܫܵܐ ܣܲܟ݂ܠܵܐ ܡܲܫܠܸܡ ܐܝܼܕܹܗ: ܕܲܥ̣ܪܲܒ̣ ܠܚܲܒ̣ܪܹܗ ܥܲܪܵܒ̣ܘܼܬ̣ܵܐ. |
[No book] |
| [19]ܕܪܵܚܹ̇ܡ ܥܵܘܼܠܵܐ: ܪܵܚܹ̇ܡ ܥܸܬܵܐ ܘܗܸܪܬ̣ܵܐ. ܘܕܲܡܪܝܼܡ ܬܲܪܥܹܗ: ܒܵܥܹ̇ܐ ܬܒ̣ܵܪܵܐ ܠܢܲܦ̮ܫܹܗ. |
[No book] |
| [20]ܕܲܥܫܝܼܩ ܠܸܒܹ̇ܗ ܠܵܐ ܡܸܫܟܲܚ ܛܵܒ̣ܬ̣ܵܐ. ܘܲܕ݂ܗܵܦܹ̇ܟ݂ ܠܸܫܵܢܹܗ: ܢܵܦܹ̇ܠ ܒܒ̣ܝܼܫܬܵܐ. |
[No book] |
| [21]ܕܡܵܘܠܸܕ݂ ܣܲܟ݂ܠܵܐ ܠܒܸܗܬ̇ܬ̣ܵܐ ܕܢܲܦ̮ܫܹܗ: ܘܠܵܐ ܢܸܚܕܹ̇ܐ ܒܹܗ ܐܲܒ̣ܘܼܗܝ. |
[No book] |
| [22]ܠܸܒܵܐ ܚܲܕܵܝܵܐ ܡܲܫܦܲܪ ܓܘܼܫܡܵܐ. ܘܪܘܼܚܵܐ ܕܟ݂ܵܝ̇ܒܵܐ ܡܝܲܒ̇ܫܵܐ ܓܲܪ̈ܡܹܐ. |
[No book] |
| [23]ܡ̇ܢ ܕܢܵܣܹ̇ܒ̣ ܫܘܼܚܕܵܐ ܥܵܘܿܠܵܐ ܗ̄ܘܼ. ܨܵܠܹ̇ܐ ܓܹܝܪ ܐܘܼܪܚܵܐ ܕܕ݂ܝܼܢܵܐ. |
[No book] |
| [24]ܐܲܦܵܘ̈ܗܝ ܕܣܲܟ̇ܘܼܠܬ̣ܵܢܵܐ ܚܵܝ̇ܪ̈ܵܢ ܒܚܸܟ݂ܡ̱ܬ̣ܵܐ. ܘܥܲܝܢܵܘ̈ܗܝ ܕܣܲܟ݂ܠܵܐ ܒܥܘܼܡܩܹ̈ܝܗ̇ ܕܐܲܪܥܵܐ. |
[No book] |
| [25]ܡܲܪܓܸ̇ܙ ܠܐܲܒ̣ܘܼܗܝ ܒܪܵܐ ܣܲܟ݂ܠܵܐ: ܘܡܲܡܲܪ ܠܝܵܠܹܕ̇ܬܹ̇ܗ. |
[No book] |
| [26]ܠܡܸܬܲܟ݂ ܠܙܲܕ̇ܝܼܩܵܐ ܠܵܐ ܫܲܦܝܼܪ: ܘܐܵܦܠܵܐ ܠܡܸܡܚܵܐ ܠܙܲܕ̇ܝܼܩܹ̈ܐ ܕܐܵܡ̇ܪܝܼܢ ܬܪ̈ܝܼܨܵܬ̣ܵܐ. |
[No book] |
| [27]ܕܚܵܣܹ̇ܟ݂ ܡܸܠܵܘ̈ܗܝ ܝܵܕܲܥ ܝܼܕܲܥܬ̣ܵܐ. ܘܲܕ݂ܢܲܓ̇ܝܼܪܵܐ ܪܘܼܚܹܗ: ܓܲܒ̣ܪܵܐ ܗ̄ܘܼ ܚܲܟ̇ܝܼܡܵܐ. |
[No book] |
| [28]ܫܵܛ̇ܝܵܐ ܕܫܲܬ̇ܝܼܩ: ܐܲܝܟ݂ ܚܲܟ̇ܝܼܡܵܐ ܡܸܬ̣ܚܫܸܒ̣. ܘܲܕ݂ܫܲܠ̈ܝܵܢ ܣܸܦ̈ܘܵܬܹܗ: ܣܲܟ̇ܘܼܠܬ̣ܵܢܵܐ ܡܸܬ̣ܚܫܸܒ̣. |
[No book] |