|
|
| [1]Occasiones quærit qui vult recedere ab amico, omni tempore erit exprobrabilis. |
[No book] |
| [2]Non recipit stultus verba prudentiæ, nisi ea dixeris quæ versantur in corde ejus. |
[No book] |
| [3]Impius, cum in profundum venerit peccatorum, contemnit; sed sequitur eum ignominia et opprobrium. |
[No book] |
| [4]Aqua profunda verba ex ore viri, et torrens redundans fons sapientiæ. |
[No book] |
| [5]Accipere personam impii non est bonum, ut declines a veritate judicii. |
[No book] |
| [6]Labia stulti miscent se rixis, et os ejus jurgia provocat. |
[No book] |
| [7]Os stulti contritio ejus, et labia ipsius ruina animæ ejus. |
[No book] |
| [8]Verba bilinguis quasi simplicia, et ipsa perveniunt usque ad interiora ventris. Pigrum dejicit timor; animæ autem effeminatorum esurient. |
[No book] |
| [9]Qui mollis et dissolutus est in opere suo frater est sua opera dissipantis. |
[No book] |
| [10]Turris fortissima nomen Domini; ad ipsum currit justus, et exaltabitur. |
[No book] |
| [11]Substantia divitis urbs roboris ejus, et quasi murus validus circumdans eum. |
[No book] |
| [12]Antequam conteratur, exaltatur cor hominis, et antequam glorificetur, humiliatur. |
[No book] |
| [13]Qui prius respondet quam audiat, stultum se esse demonstrat et confusione dignum. |
[No book] |
| [14]Spiritus viri sustentat imbecillitatem suam; spiritum vero ad irascendum facilem quis poterit sustinere? |
[No book] |
| [15]Cor prudens possidebit scientiam, et auris sapientium quærit doctrinam. |
[No book] |
| [16]Donum hominis dilatat viam ejus, et ante principes spatium ei facit. |
[No book] |
| [17]Justus prior est accusator sui: venit amicus ejus, et investigabit eum. |
[No book] |
| [18]Contradictiones comprimit sors, et inter potentes quoque dijudicat. |
[No book] |
| [19]Frater qui adjuvatur a fratre quasi civitas firma, et judicia quasi vectes urbium. |
[No book] |
| [20]De fructu oris viri replebitur venter ejus, et genimina labiorum ipsius saturabunt eum. |
[No book] |
| [21]Mors et vita in manu linguæ; qui diligunt eam comedent fructus ejus. |
[No book] |
| [22]Qui invenit mulierem bonam invenit bonum, et hauriet jucunditatem a Domino. Qui expellit mulierem bonam expellit bonum; qui autem tenet adulteram stultus est et impius. |
[No book] |
| [23]Cum obsecrationibus loquetur pauper, et dives effabitur rigide. |
[No book] |
| [24]Vir amabilis ad societatem magis amicus erit quam frater. |
[No book] |