Electronic Study Bible

➖ »	« ➖ ➕
Aleppo Codex (~920) Alep	Byzantine GNT Majority Text (2000) Byz
← Proverbs Pro 23 →
[1]כי־תשב ללחום את־מושל בין תבין את־אשר לפניך	[No book]
[2]ושמת שכין בלעך אם־בעל נפש אתה	[No book]
[3]אל־תתאו למטעמותיו והוא לחם כזבים	[No book]
[4]אל־תיגע להעשיר מבינתך חדל	[No book]
[5]התעוף [Q: התעיף] עיניך בו ואיננו כי עשה יעשה־לו כנפים כנשר ועיף [Q: יעוף] השמים	[No book]
[6]אל־תלחם־את־לחם רע עין ואל־תתאו למטעמתיו	[No book]
[7]כי כמו שער בנפשו כן־הוא אכול ושתה יאמר לך ולבו בל־עמך	[No book]
[8]פתך־אכלת תקיאנה ושחת דבריך הנעימים	[No book]
[9]באזני כסיל אל־תדבר כי־יבוז לשכל מליך	[No book]
[10]אל־תסג גבול עולם ובשדי יתומים אל־תבא	[No book]
[11]כי־גאלם חזק הוא־יריב את־ריבם אתך	[No book]
[12]הביאה למוסר לבך ואזנך לאמרי־דעת	[No book]
[13]אל־תמנע מנער מוסר כי־תכנו בשבט לא ימות	[No book]
[14]אתה בשבט תכנו ונפשו משאול תציל	[No book]
[15]בני אם־חכם לבך ישמח לבי גם־אני	[No book]
[16]ותעלזנה כליותי בדבר שפתיך מישרים	[No book]
[17]אל־יקנא לבך בחטאים כי אם־ביראת־יהוה כל־היום	[No book]
[18]כי אם־יש אחרית ותקותך לא תכרת	[No book]
[19]שמע־אתה בני וחכם ואשר בדרך לבך	[No book]
[20]אל־תהי בסבאי־יין בזללי בשר למו	[No book]
[21]כי־סבא וזולל יורש וקרעים תלביש נומה	[No book]
[22]שמע לאביך זה ילדך ואל־תבוז כי־זקנה אמך	[No book]
[23]אמת קנה ואל־תמכר חכמה ומוסר ובינה	[No book]
[24]גול [Q: גיל] יגיל אבי צדיק יולד [Q: ויולד] חכם וישמח [Q: ישמח־] בו	[No book]
[25]ישמח־אביך ואמך ותגל יולדתך	[No book]
[26]תנה־בני לבך לי ועיניך דרכי תרצנה [Q: תצרנה]	[No book]
[27]כי־שוחה עמקה זונה ובאר צרה נכריה	[No book]
[28]אף־היא כחתף תארב ובוגדים באדם תוסף	[No book]
[29]למי אוי למי אבוי למי מדונים [Q: מדינים] למי שיח למי פצעים חנם למי חכללות עינים	[No book]
[30]למאחרים על־היין לבאים לחקר ממסך	[No book]
[31]אל־תרא יין כי יתאדם כי־יתן בכיס [Q: בכוס] עינו יתהלך במישרים	[No book]
[32]אחריתו כנחש ישך וכצפעני יפרש	[No book]
[33]עיניך יראו זרות ולבך ידבר תהפכות	[No book]
[34]והיית כשכב בלב־ים וכשכב בראש חבל	[No book]
[35]הכוני בל־חליתי הלמוני בל־ידעתי מתי אקיץ אוסיף אבקשנו עוד	[No book]
Source: unbound.biola.edu	Author: Maurice A. Robinson, William G. Pierpont Source: unboundbible.org See information...