|
|
| [No book] |
[1]Sapientia ædificavit sibi domum: excidit columnas septem. |
| [No book] |
[2]Immolavit victimas suas, miscuit vinum, et proposuit mensam suam. |
| [No book] |
[3]Misit ancillas suas ut vocarent ad arcem et ad mœnia civitatis. |
| [No book] |
[4]Si quis est parvulus, veniat ad me. Et insipientibus locuta est: |
| [No book] |
[5]Venite, comedite panem meum, et bibite vinum quod miscui vobis. |
| [No book] |
[6]Relinquite infantiam, et vivite, et ambulate per vias prudentiæ. |
| [No book] |
[7]Qui erudit derisorem, ipse injuriam sibi facit, et qui arguit impium, sibi maculam generat. |
| [No book] |
[8]Noli arguere derisorem, ne oderit te; argue sapientem, et diliget te. |
| [No book] |
[9]Da sapienti occasionem, et addetur ei sapientia; doce justum, et festinabit accipere. |
| [No book] |
[10]Principium sapientiæ timor Domini, et scientia sanctorum prudentia. |
| [No book] |
[11]Per me enim multiplicabuntur dies tui, et addentur tibi anni vitæ. |
| [No book] |
[12]Si sapiens fueris, tibimetipsi eris; si autem illusor, solus portabis malum. |
| [No book] |
[13]Mulier stulta et clamosa, plenaque illecebris, et nihil omnino sciens, |
| [No book] |
[14]sedit in foribus domus suæ, super sellam in excelso urbis loco, |
| [No book] |
[15]ut vocaret transeuntes per viam, et pergentes itinere suo: |
| [No book] |
[16]qui est parvulus declinet ad me. Et vecordi locuta est: |
| [No book] |
[17]Aquæ furtivæ dulciores sunt, et panis absconditus suavior. |
| [No book] |
[18]Et ignoravit quod ibi sint gigantes, et in profundis inferni convivæ ejus. |