➖ »
«
➖ ➕
Aleppo Codex (~920)
Alep
The First Book of Clement
1Clem
←
Psalms
Psa
106
→
[1]הללו־יה הודו ליהוה כי־טוב כי לעולם חסדו [No book]
[2]מי־ימלל גבורות יהוה ישמיע כל־תהלתו [No book]
[3]אשרי שמרי משפט עשה צדקה בכל־עת [No book]
[4]זכרני יהוה ברצון עמך פקדני בישועתך [No book]
[5]לראות בטובת בחיריך לשמח בשמחת גויך להתהלל עם־נחלתך [No book]
[6]חטאנו עם־אבותינו העוינו הרשענו [No book]
[7]אבותינו במצרים לא־השכילו נפלאותיך לא זכרו את־רב חסדיך וימרו על־ים בים־סוף [No book]
[8]ויושיעם למען שמו להודיע את־גבורתו [No book]
[9]ויגער בים־סוף ויחרב ויוליכם בתהמות כמדבר [No book]
[10]ויושיעם מיד שונא ויגאלם מיד אויב [No book]
[11]ויכסו־מים צריהם אחד מהם לא נותר [No book]
[12]ויאמינו בדבריו ישירו תהלתו [No book]
[13]מהרו שכחו מעשיו לא־חכו לעצתו [No book]
[14]ויתאוו תאוה במדבר וינסו־אל בישימון [No book]
[15]ויתן להם שאלתם וישלח רזון בנפשם [No book]
[16]ויקנאו למשה במחנה לאהרן קדוש יהוה [No book]
[17]תפתח־ארץ ותבלע דתן ותכס על־עדת אבירם [No book]
[18]ותבער־אש בעדתם להבה תלהט רשעים [No book]
[19]יעשו־עגל בחרב וישתחוו למסכה [No book]
[20]וימירו את־כבודם בתבנית שור אכל עשב [No book]
[21]שכחו אל מושיעם עשה גדלות במצרים [No book]
[22]נפלאות בארץ חם נוראות על־ים־סוף [No book]
[23]ויאמר להשמידם לולי משה בחירו עמד בפרץ לפניו להשיב חמתו מהשחית [No book]
[24]וימאסו בארץ חמדה לא־האמינו לדברו [No book]
[25]וירגנו באהליהם לא שמעו בקול יהוה [No book]
[26]וישא ידו להם להפיל אותם במדבר [No book]
[27]ולהפיל זרעם בגוים ולזרותם בארצות [No book]
[28]ויצמדו לבעל פעור ויאכלו זבחי מתים [No book]
[29]ויכעיסו במעלליהם ותפרץ־בם מגפה [No book]
[30]ויעמד פינחס ויפלל ותעצר המגפה [No book]
[31]ותחשב לו לצדקה לדר ודר עד־עולם [No book]
[32]ויקציפו על־מי מריבה וירע למשה בעבורם [No book]
[33]כי־המרו את־רוחו ויבטא בשפתיו [No book]
[34]לא־השמידו את־העמים אשר אמר יהוה להם [No book]
[35]ויתערבו בגוים וילמדו מעשיהם [No book]
[36]ויעבדו את־עצביהם ויהיו להם למוקש [No book]
[37]ויזבחו את־בניהם ואת־בנותיהם לשדים [No book]
[38]וישפכו דם נקי דם־בניהם ובנותיהם אשר זבחו לעצבי כנען ותחנף הארץ בדמים [No book]
[39]ויטמאו במעשיהם ויזנו במעלליהם [No book]
[40]ויחר־אף יהוה בעמו ויתעב את־נחלתו [No book]
[41]ויתנם ביד־גוים וימשלו בהם שנאיהם [No book]
[42]וילחצום אויביהם ויכנעו תחת ידם [No book]
[43]פעמים רבות יצילם והמה ימרו בעצתם וימכו בעונם [No book]
[44]וירא בצר להם בשמעו את־רנתם [No book]
[45]ויזכר להם בריתו וינחם כרב חסדו [No book]
[46]ויתן אותם לרחמים לפני כל־שוביהם [No book]
[47]הושיענו יהוה אלהינו וקבצנו מן־הגוים להדות לשם קדשך להשתבח בתהלתך [No book]
[48]ברוך יהוה אלהי ישראל מן־העולם ועד העולם ואמר כל־העם אמן הללו־יה [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top