|
|
| [1]Alleluja. Confitemini Domino, quoniam bonus, quoniam in sæculum misericordia ejus. |
[No book] |
| [2]Dicant qui redempti sunt a Domino, quos redemit de manu inimici, et de regionibus congregavit eos, |
[No book] |
| [3]a solis ortu, et occasu, ab aquilone, et mari. |
[No book] |
| [4]Erraverunt in solitudine, in inaquoso; viam civitatis habitaculi non invenerunt. |
[No book] |
| [5]Esurientes et sitientes, anima eorum in ipsis defecit. |
[No book] |
| [6]Et clamaverunt ad Dominum cum tribularentur, et de necessitatibus eorum eripuit eos; |
[No book] |
| [7]et deduxit eos in viam rectam, ut irent in civitatem habitationis. |
[No book] |
| [8]Confiteantur Domino misericordiæ ejus, et mirabilia ejus filiis hominum. |
[No book] |
| [9]Quia satiavit animam inanem, et animam esurientem satiavit bonis. |
[No book] |
| [10]Sedentes in tenebris et umbra mortis; vinctos, in mendicitate et ferro. |
[No book] |
| [11]Quia exacerbaverunt eloquia Dei, et consilium Altissimi irritaverunt. |
[No book] |
| [12]Et humiliatum est in laboribus cor eorum; infirmati sunt, nec fuit qui adjuvaret. |
[No book] |
| [13]Et clamaverunt ad Dominum cum tribularentur; et de necessitatibus eorum liberavit eos. |
[No book] |
| [14]Et eduxit eos de tenebris et umbra mortis, et vincula eorum dirupit. |
[No book] |
| [15]Confiteantur Domino misericordiæ ejus, et mirabilia ejus filiis hominum. |
[No book] |
| [16]Quia contrivit portas æreas, et vectes ferreos confregit. |
[No book] |
| [17]Suscepit eos de via iniquitatis eorum, propter injustitias enim suas humiliati sunt. |
[No book] |
| [18]Omnem escam abominata est anima eorum, et appropinquaverunt usque ad portas mortis. |
[No book] |
| [19]Et clamaverunt ad Dominum cum tribularentur; et de necessitatibus eorum liberavit eos. |
[No book] |
| [20]Misit verbum suum, et sanavit eos, et eripuit eos de interitionibus eorum. |
[No book] |
| [21]Confiteantur Domino misericordiæ ejus; et mirabilia ejus filiis hominum. |
[No book] |
| [22]Et sacrificent sacrificium laudis, et annuntient opera ejus in exsultatione. |
[No book] |
| [23]Qui descendunt mare in navibus, facientes operationem in aquis multis, |
[No book] |
| [24]ipsi viderunt opera Domini, et mirabilia ejus in profundo. |
[No book] |
| [25]Dixit, et stetit spiritus procellæ, et exaltati sunt fluctus ejus. |
[No book] |
| [26]Ascendunt usque ad cælos, et descendunt usque ad abyssos; anima eorum in malis tabescebat. |
[No book] |
| [27]Turbati sunt et moti sunt sicut ebrius; et omnis sapientia eorum devorata est. |
[No book] |
| [28]Et clamaverunt ad Dominum cum tribularentur; et de necessitatibus eorum eduxit eos. |
[No book] |
| [29]Et statuit procellam ejus in auram, et siluerunt fluctus ejus. |
[No book] |
| [30]Et lætati sunt quia siluerunt; et deduxit eos in portum voluntatis eorum. |
[No book] |
| [31]Confiteantur Domino misericordiæ ejus; et mirabilia ejus filiis hominum. |
[No book] |
| [32]Et exaltent eum in ecclesia plebis, et in cathedra seniorum laudent eum. |
[No book] |
| [33]Posuit flumina in desertum, et exitus aquarum in sitim; |
[No book] |
| [34]terram fructiferam in salsuginem, a malitia inhabitantium in ea. |
[No book] |
| [35]Posuit desertum in stagna aquarum, et terram sine aqua in exitus aquarum. |
[No book] |
| [36]Et collocavit illic esurientes, et constituerunt civitatem habitationis; |
[No book] |
| [37]et seminaverunt agros et plantaverunt vineas, et fecerunt fructum nativitatis. |
[No book] |
| [38]Et benedixit eis, et multiplicati sunt nimis; et jumenta eorum non minoravit. |
[No book] |
| [39]Et pauci facti sunt et vexati sunt, a tribulatione malorum et dolore. |
[No book] |
| [40]Effusa est contemptio super principes; et errare fecit eos in invio, et non in via. |
[No book] |
| [41]Et adjuvit pauperem de inopia, et posuit sicut oves familias. |
[No book] |
| [42]Videbunt recti, et lætabuntur; et omnis iniquitas oppilabit os suum. |
[No book] |
| [43]Quis sapiens et custodiet hæc? et intelliget misericordias Domini? |
[No book] |