|
|
| [1]Laudatio ipsi David. Exaltabo te, Deus meus rex; et benedicam nomini tuo in sæculum, et in sæculum sæculi. |
[No book] |
| [2]Per singulos dies benedicam tibi, et laudabo nomen tuum in sæculum, et in sæculum sæculi. |
[No book] |
| [3]Magnus Dominus, et laudabilis nimis; et magnitudinis ejus non est finis. |
[No book] |
| [4]Generatio et generatio laudabit opera tua, et potentiam tuam pronuntiabunt. |
[No book] |
| [5]Magnificentiam gloriæ sanctitatis tuæ loquentur, et mirabilia tua narrabunt. |
[No book] |
| [6]Et virtutem terribilium tuorum dicent, et magnitudinem tuam narrabunt. |
[No book] |
| [7]Memoriam abundantiæ suavitatis tuæ eructabunt, et justitia tua exsultabunt. |
[No book] |
| [8]Miserator et misericors Dominus; patiens, et multum misericors. |
[No book] |
| [9]Suavis Dominus universis; et miserationes ejus super omnia opera ejus. |
[No book] |
| [10]Confiteantur tibi, Domine, omnia opera tua; et sancti tui benedicant tibi. |
[No book] |
| [11]Gloriam regni tui dicent, et potentiam tuam loquentur; |
[No book] |
| [12]ut notam faciant filiis hominum potentiam tuam, et gloriam magnificentiæ regni tui. |
[No book] |
| [13]Regnum tuum regnum omnium sæculorum; et dominatio tua in omni generatione et generationem. Fidelis Dominus in omnibus verbis suis, et sanctus in omnibus operibus suis. |
[No book] |
| [14]Allevat Dominus omnes qui corruunt, et erigit omnes elisos. |
[No book] |
| [15]Oculi omnium in te sperant, Domine; et tu das escam illorum in tempore opportuno. |
[No book] |
| [16]Aperis tu manum tuam, et imples omne animal benedictione. |
[No book] |
| [17]Justus Dominus in omnibus viis suis, et sanctus in omnibus operibus suis. |
[No book] |
| [18]Prope est Dominus omnibus invocantibus eum, omnibus invocantibus eum in veritate. |
[No book] |
| [19]Voluntatem timentium se faciet; et deprecationem eorum exaudiet, et salvos faciet eos. |
[No book] |
| [20]Custodit Dominus omnes diligentes se, et omnes peccatores disperdet. |
[No book] |
| [21]Laudationem Domini loquetur os meum; et benedicat omnis caro nomini sancto ejus in sæculum, et in sæculum sæculi. |
[No book] |