➖ »
«
➖ ➕
Wycliffe's English Translation (1388)
Wyc
The Acts of Thomas
ActThom
←
Psalms
Psa
16
→
[1]The title of the sixtenthe salm. The preier of Dauid. Lord, here thou my riytfulnesse; biholde thou my preier. Perseuye thou with eeris my preier; not maad in gileful lippis. [No book]
[2]Mi doom come `forth of thi cheer; thin iyen se equite. [No book]
[3]Thou hast preued myn herte, and hast visitid in niyt; thou hast examynyd me bi fier, and wickidnesse is not foundun in me. [No book]
[4]That my mouth speke not the werkis of men; for the wordis of thi lippis Y haue kept harde weies. [No book]
[5]Make thou perfit my goyngis in thi pathis; that my steppis be not moued. [No book]
[6]I criede, for thou, God, herdist me; bowe doun thin eere to me, and here thou my wordis. [No book]
[7]Make wondurful thi mercies; that makist saaf `men hopynge in thee. [No book]
[8]Kepe thou me as the appil of the iye; fro `men ayenstondynge thi riyt hond. Keuere thou me vndur the schadewe of thi wyngis; [No book]
[9]fro the face of vnpitouse men, that han turmentid me. Myn enemyes han cumpassid my soule; [No book]
[10]thei han closide togidere her fatnesse; the mouth of hem spak pride. [No book]
[11]Thei castiden me forth, and han cumpassid me now; thei ordeyneden to bowe doun her iyen in to erthe. [No book]
Author: John Wycliffe (1328 – 1384)
Top