➖ »
«
➖ ➕
Wycliffe's English Translation (1388)
Wyc
Patriarchal Greek NT (1904)
Patr
←
Psalms
Psa
24
→
[1]The title of the foure and twentithe salm. To Dauid. [No book]
[2]Lord, to thee Y haue reisid my soule; my God, Y truste in thee, be Y not aschamed. [No book]
[3]Nethir myn enemyes scorne me; for alle men that suffren thee schulen not be schent. [No book]
[4]Alle men doynge wickyd thingis superfluli; be schent. Lord, schewe thou thi weies to me; and teche thou me thi pathis. [No book]
[5]Dresse thou me in thi treuthe, and teche thou me, for thou art God my sauyour; and Y suffride thee al dai. [No book]
[6]Lord, haue thou mynde of thi merciful doyngis; and of thi mercies that ben fro the world. [No book]
[7]Haue thou not mynde on the trespassis of my yongthe; and on myn vnkunnyngis. Thou, Lord, haue mynde on me bi thi merci; for thi goodnesse. [No book]
[8]The Lord is swete and riytful; for this he schal yyue a lawe to men trespassynge in the weie. [No book]
[9]He schal dresse deboner men in doom; he schal teche mylde men hise weies. [No book]
[10]Alle the weies of the Lord ben mercy and treuthe; to men sekynge his testament, and hise witnessyngis. [No book]
Author: John Wycliffe (1328 – 1384)
 Author: Ecumenical Patriarchate of Constantinople
Source: www.hagiascriptura.com
Top