|
|
| [No book] |
[1]The title of the thre and thrittithe salm. To Dauid, whanne he chaungide his mouth bifor Abymalech, and he `droof out Dauid, `and he yede forth. |
| [No book] |
[2]I schal blesse the Lord in al tyme; euere his heriyng is in my mouth. |
| [No book] |
[3]Mi soule schal be preisid in the Lord; mylde men here, and be glad. |
| [No book] |
[4]Magnyfie ye the Lord with me; and enhaunse we his name into it silf. |
| [No book] |
[5]I souyte the Lord, and he herde me; and he delyueride me fro alle my tribulaciouns. |
| [No book] |
[6]Neiye ye to him, and be ye liytned; and youre faces schulen not be schent. |
| [No book] |
[7]This pore man criede, and the Lord herde hym; and sauyde hym fro alle hise tribulaciouns. |
| [No book] |
[8]The aungel of the Lord sendith in the cumpas of men dredynge hym; and he schal delyuere hem. |
| [No book] |
[9]Taaste ye, and se, for the Lord is swete; blessid is the man, that hopith in hym. |
| [No book] |
[10]Alle ye hooli men of the Lord, drede hym; for no nedynesse is to men dredynge hym. |
| [No book] |
[11]Riche men weren nedi, and weren hungri; but men that seken the Lord schulen not faile of al good. |
| [No book] |
[12]Come, ye sones, here ye me; Y schal teche you the drede of the Lord. |
| [No book] |
[13]Who is a man, that wole lijf; loueth to se good daies? |
| [No book] |
[14]Forbede thi tunge fro yuel; and thi lippis speke not gile. |
| [No book] |
[15]Turne thou awei fro yuel, and do good; seke thou pees, and perfitli sue thou it. |
| [No book] |
[16]The iyen of the Lord ben on iust men; and hise eeren ben to her preiers. |
| [No book] |
[17]But the cheer of the Lord is on men doynge yuels; that he leese the mynde of hem fro erthe. |
| [No book] |
[18]Just men cryeden, and the Lord herde hem; and delyueride hem fro alle her tribulaciouns. |
| [No book] |
[19]The Lord is nyy hem that ben of troblid herte; and he schal saue meke men in spirit. |
| [No book] |
[20]Many tribulaciouns ben of iust men; and the Lord schal delyuere hem fro alle these. |
| [No book] |
[21]The Lord kepith alle the boonys of hem; oon of tho schal not be brokun. |
| [No book] |
[22]The deth of synneris is werst; and thei that haten a iust man schulen trespasse. |