|
|
| [1]Ipsi David. Judica, Domine, nocentes me; expugna impugnantes me. |
[No book] |
| [2]Apprehende arma et scutum, et exsurge in adjutorium mihi. |
[No book] |
| [3]Effunde frameam, et conclude adversus eos qui persequuntur me; dic animæ meæ: Salus tua ego sum. |
[No book] |
| [4]Confundantur et revereantur quærentes animam meam; avertantur retrorsum et confundantur cogitantes mihi mala. |
[No book] |
| [5]Fiant tamquam pulvis ante faciem venti, et angelus Domini coarctans eos. |
[No book] |
| [6]Fiat via illorum tenebræ, et lubricum; et angelus Domini persequens eos. |
[No book] |
| [7]Quoniam gratis absconderunt mihi interitum laquei sui, supervacue exprobraverunt animam meam. |
[No book] |
| [8]Veniat illi laqueus quem ignorat, et captio quam abscondit apprehendat eum, et in laqueum cadat in ipsum. |
[No book] |
| [9]Anima autem mea exsultabit in Domino, et delectabitur super salutari suo. |
[No book] |
| [10]Omnia ossa mea dicent: Domine, quis similis tibi? eripiens inopem de manu fortiorum ejus; egenum et pauperem a diripientibus eum. |
[No book] |
| [11]Surgentes testes iniqui, quæ ignorabam interrogabant me. |
[No book] |
| [12]Retribuebant mihi mala pro bonis, sterilitatem animæ meæ. |
[No book] |
| [13]Ego autem, cum mihi molesti essent, induebar cilicio; humiliabam in jejunio animam meam, et oratio mea in sinu meo convertetur. |
[No book] |
| [14]Quasi proximum et quasi fratrem nostrum sic complacebam; quasi lugens et contristatus sic humiliabar. |
[No book] |
| [15]Et adversum me lætati sunt, et convenerunt; congregata sunt super me flagella, et ignoravi. |
[No book] |
| [16]Dissipati sunt, nec compuncti, tentaverunt me, subsannaverunt me subsannatione; frenduerunt super me dentibus suis. |
[No book] |
| [17]Domine, quando respicies? Restitue animam meam a malignitate eorum, a leonibus unicam meam. |
[No book] |
| [18]Confitebor tibi in ecclesia magna; in populo gravi laudabo te. |
[No book] |
| [19]Non supergaudeant mihi qui adversantur mihi inique, qui oderunt me gratis, et annuunt oculis. |
[No book] |
| [20]Quoniam mihi quidem pacifice loquebantur; et in iracundia terræ loquentes, dolos cogitabant. |
[No book] |
| [21]Et dilataverunt super me os suum; dixerunt: Euge, euge ! viderunt oculi nostri. |
[No book] |
| [22]Vidisti, Domine, ne sileas; Domine, ne discedas a me. |
[No book] |
| [23]Exsurge et intende judicio meo, Deus meus; et Dominus meus, in causam meam. |
[No book] |
| [24]Judica me secundum justitiam tuam, Domine Deus meus, et non supergaudeant mihi. |
[No book] |
| [25]Non dicant in cordibus suis: Euge, euge, animæ nostræ; nec dicant: Devoravimus eum. |
[No book] |
| [26]Erubescant et revereantur simul qui gratulantur malis meis; induantur confusione et reverentia qui magna loquuntur super me. |
[No book] |
| [27]Exsultent et lætentur qui volunt justitiam meam; et dicant semper: Magnificetur Dominus, qui volunt pacem servi ejus. |
[No book] |
| [28]Et lingua mea meditabitur justitiam tuam, tota die laudem tuam. |
[No book] |