➖ »
«
➖ ➕
King James Version with Samaritan Pentateuch
KJV(SP)
Wycliffe's English Translation (1388)
Wyc
←
Psalms
Psa
47
→
[No book] [1]The title of the seuene and fourtithe salm. The song of salm, of the sones of Chore.
[No book] [2]The Lord is greet, and worthi to be preisid ful myche; in the citee of oure God, in the hooli hil of hym.
[No book] [3]It is foundid in the ful out ioiyng of al erthe; the hil of Syon; the sidis of the north, the citee of the greet kyng.
[No book] [4]God schal be knowun in the housis therof; whanne he schal take it.
[No book] [5]For lo! the kyngis of erthe weren gaderid togidere; thei camen into o place.
[No book] [6]Thei seynge so wondriden; thei weren disturblid, thei weren mouyd togidere, tremblyng took hem.
[No book] [7]There sorewis as of a womman trauelynge of child;
[No book] [8]in a greet spirit thou schalt al to-breke the schippis of Tharsis.
[No book] [9]As we herden, so we sien, in the citee of the Lord of vertues, in the citee of oure God; God hath foundid that citee with outen ende.
See information...
 Author: John Wycliffe (1328 – 1384)
Top