|
|
| [No book] |
[1]The title of the fiftithe salm. To victorie, the salm of Dauid; |
| [No book] |
[2]`whanne Nathan the prophete cam to hym, whanne he entride to Bersabee. |
| [No book] |
[3]God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse. |
| [No book] |
[4]More waische thou me fro my wickidnesse; and clense thou me fro my synne. |
| [No book] |
[5]For Y knouleche my wickidnesse; and my synne is euere ayens me. |
| [No book] |
[6]I haue synned to thee aloone, and Y haue do yuel bifor thee; that thou be iustified in thi wordis, and ouercome whanne thou art demed. For lo! |
| [No book] |
[7]Y was conseyued in wickednessis; and my modir conceyuede me in synnes. |
| [No book] |
[8]For lo! thou louedist treuthe; thou hast schewid to me the vncerteyn thingis, and pryuy thingis of thi wisdom. |
| [No book] |
[9]Lord, sprenge thou me with ysope, and Y schal be clensid; waische thou me, and Y schal be maad whijt more than snow. |
| [No book] |
[10]Yyue thou ioie, and gladnesse to myn heryng; and boonys maad meke schulen ful out make ioye. |
| [No book] |
[11]Turne awei thi face fro my synnes; and do awei alle my wickidnesses. |
| [No book] |
[12]God, make thou a clene herte in me; and make thou newe a riytful spirit in my entrailis. |
| [No book] |
[13]Caste thou me not awei fro thi face; and take thou not awei fro me thin hooli spirit. |
| [No book] |
[14]Yiue thou to me the gladnesse of thyn helthe; and conferme thou me with the principal spirit. |
| [No book] |
[15]I schal teche wickid men thi weies; and vnfeithful men schulen be conuertid to thee. |
| [No book] |
[16]God, the God of myn helthe, delyuere thou me fro bloodis; and my tunge schal ioyfuli synge thi riytfulnesse. |
| [No book] |
[17]Lord, `opene thou my lippis; and my mouth schal telle thi preysyng. |
| [No book] |
[18]For if thou haddist wold sacrifice, Y hadde youe; treuli thou schalt not delite in brent sacrifices. |
| [No book] |
[19]A sacrifice to God is a spirit troblid; God, thou schalt not dispise a contrit herte and `maad meke. |
| [No book] |
[20]Lord, do thou benygneli in thi good wille to Syon; that the wallis of Jerusalem be bildid. |
| [No book] |
[21]Thanne thou schalt take plesauntli the sacrifice of riytfulnesse, offryngis, and brent sacrifices; thanne thei schulen putte calues on thin auter. |
| [No book] |
22[No verse] |
| [No book] |
23[No verse] |