|
|
| [1]In finem, pro Idithun. Psalmus David. |
[No book] |
| [2]Nonne Deo subjecta erit anima mea? ab ipso enim salutare meum. |
[No book] |
| [3]Nam et ipse Deus meus et salutaris meus; susceptor meus, non movebor amplius. |
[No book] |
| [4]Quousque irruitis in hominem? interficitis universi vos, tamquam parieti inclinato et maceriæ depulsæ? |
[No book] |
| [5]Verumtamen pretium meum cogitaverunt repellere; cucurri in siti; ore suo benedicebant, et corde suo maledicebant. |
[No book] |
| [6]Verumtamen Deo subjecta esto, anima mea, quoniam ab ipso patientia mea; |
[No book] |
| [7]quia ipse Deus meus et salvator meus, adjutor meus, non emigrabo. |
[No book] |
| [8]In Deo salutare meum et gloria mea; Deus auxilii mei, et spes mea in Deo est. |
[No book] |
| [9]Sperate in eo, omnis congregatio populi; effundite coram illo corda vestra; Deus adjutor noster in æternum. |
[No book] |
| [10]Verumtamen vani filii hominum, mendaces filii hominum in stateris, ut decipiant ipsi de vanitate in idipsum. |
[No book] |
| [11]Nolite sperare in iniquitate, et rapinas nolite concupiscere; divitiæ si affluant, nolite cor apponere. |
[No book] |
| [12]Semel locutus est Deus; duo hæc audivi: quia potestas Dei est, |
[No book] |
| [13]et tibi, Domine, misericordia: quia tu reddes unicuique juxta opera sua. |
[No book] |