|
|
| [1]In finem. Psalmus David, canticum Jeremiæ, et Ezechielis, populo transmigrationis, cum inciperent exire. |
[No book] |
| [2]Te decet hymnus, Deus, in Sion, et tibi reddetur votum in Jerusalem. |
[No book] |
| [3]Exaudi orationem meam; ad te omnis caro veniet. |
[No book] |
| [4]Verba iniquorum prævaluerunt super nos, et impietatibus nostris tu propitiaberis. |
[No book] |
| [5]Beatus quem elegisti et assumpsisti: inhabitabit in atriis tuis. Replebimur in bonis domus tuæ; sanctum est templum tuum, |
[No book] |
| [6]mirabile in æquitate. Exaudi nos, Deus, salutaris noster, spes omnium finium terræ, et in mari longe. |
[No book] |
| [7]Præparans montes in virtute tua, accinctus potentia; |
[No book] |
| [8]qui conturbas profundum maris, sonum fluctuum ejus. Turbabuntur gentes, |
[No book] |
| [9]et timebunt qui habitant terminos a signis tuis; exitus matutini et vespere delectabis. |
[No book] |
| [10]Visitasti terram, et inebriasti eam; multiplicasti locupletare eam. Flumen Dei repletum est aquis; parasti cibum illorum; quoniam ita est præparatio ejus. |
[No book] |
| [11]Rivos ejus inebria, multiplica genimina ejus; in stillicidiis ejus lætabitur germinans. |
[No book] |
| [12]Benedices coronæ anni benignitatis tuæ, et campi tui replebuntur ubertate. |
[No book] |
| [13]Pinguescent speciosa deserti, et exsultatione colles accingentur. |
[No book] |
| [14]Induti sunt arietes ovium, et valles abundabunt frumento; clamabunt, etenim hymnum dicent. |
[No book] |