|
|
| [1]In finem, pro Idithun. Psalmus Asaph. |
[No book] |
| [2]Voce mea ad Dominum clamavi; voce mea ad Deum, et intendit mihi. |
[No book] |
| [3]In die tribulationis meæ Deum exquisivi; manibus meis nocte contra eum, et non sum deceptus. Renuit consolari anima mea; |
[No book] |
| [4]memor fui Dei, et delectatus sum; et exercitatus sum, et defecit spiritus meus. |
[No book] |
| [5]Anticipaverunt vigilias oculi mei; turbatus sum, et non sum locutus. |
[No book] |
| [6]Cogitavi dies antiquos, et annos æternos in mente habui. |
[No book] |
| [7]Et meditatus sum nocte cum corde meo, et exercitabar, et scopebam spiritum meum. |
[No book] |
| [8]Numquid in æternum projiciet Deus? aut non apponet ut complacitior sit adhuc? |
[No book] |
| [9]aut in finem misericordiam suam abscindet, a generatione in generationem? |
[No book] |
| [10]aut obliviscetur misereri Deus? aut continebit in ira sua misericordias suas? |
[No book] |
| [11]Et dixi: Nunc cœpi; hæc mutatio dexteræ Excelsi. |
[No book] |
| [12]Memor fui operum Domini, quia memor ero ab initio mirabilium tuorum; |
[No book] |
| [13]et meditabor in omnibus operibus tuis, et in adinventionibus tuis exercebor. |
[No book] |
| [14]Deus, in sancto via tua: quis Deus magnus sicut Deus noster? |
[No book] |
| [15]Tu es Deus qui facis mirabilia: notam fecisti in populis virtutem tuam. |
[No book] |
| [16]Redemisti in brachio tuo populum tuum, filios Jacob et Joseph. |
[No book] |
| [17]Viderunt te aquæ, Deus; viderunt te aquæ, et timuerunt; et turbatæ sunt abyssi. |
[No book] |
| [18]Multitudo sonitus aquarum; vocem dederunt nubes. Etenim sagittæ tuæ transeunt; |
[No book] |
| [19]vox tonitrui tui in rota. Illuxerunt coruscationes tuæ orbi terræ; commota est, et contremuit terra. |
[No book] |
| [20]In mari via tua, et semitæ tuæ in aquis multis, et vestigia tua non cognoscentur. |
[No book] |
| [21]Deduxisti sicut oves populum tuum, in manu Moysi et Aaron. |
[No book] |