➖ »
«
➖ ➕
Aleppo Codex (~920)
Alep
Book of Jasher (1840)
Jas(1840)
←
Psalms
Psa
89
→
[1]משכיל לאיתן האזרחי [No book]
[2]חסדי יהוה עולם אשירה לדר ודר אודיע אמונתך בפי [No book]
[3]כי־אמרתי־עולם חסד יבנה שמים תכן אמונתך בהם [No book]
[4]כרתי ברית לבחירי נשבעתי לדוד עבדי [No book]
[5]עד־עולם אכין זרעך ובניתי לדר־ודור כסאך סלה [No book]
[6]ויודו שמים פלאך יהוה אף־אמונתך בקהל קדשים [No book]
[7]כי מי בשחק יערך ליהוה ידמה ליהוה בבני אלים [No book]
[8]אל נערץ בסוד־קדשים רבה ונורא על־כל־סביביו [No book]
[9]יהוה אלהי צבאות־מי־כמוך חסין יה ואמונתך סביבותיך [No book]
[10]אתה מושל בגאות הים בשוא גליו אתה תשבחם [No book]
[11]אתה דכאת כחלל רהב בזרוע עזך פזרת אויביך [No book]
[12]לך שמים אף־לך ארץ תבל ומלאה אתה יסדתם [No book]
[13]צפון וימין אתה בראתם תבור וחרמון בשמך ירננו [No book]
[14]לך זרוע עם־גבורה תעז ידך תרום ימינך [No book]
[15]צדק ומשפט מכון כסאך חסד ואמת יקדמו פניך [No book]
[16]אשרי העם ידעי תרועה יהוה באור־פניך יהלכון [No book]
[17]בשמך יגילון כל־היום ובצדקתך ירומו [No book]
[18]כי־תפארת עזמו אתה וברצונך תרים [Q: תרום] קרנינו [No book]
[19]כי ליהוה מגננו ולקדוש ישראל מלכנו [No book]
[20]אז דברת בחזון לחסידיך ותאמר שויתי עזר על־גבור הרימותי בחור מעם [No book]
[21]מצאתי דוד עבדי בשמן קדשי משחתיו [No book]
[22]אשר ידי תכון עמו אף־זרועי תאמצנו [No book]
[23]לא־ישיא אויב בו ובן־עולה לא יעננו [No book]
[24]וכתותי מפניו צריו ומשנאיו אגוף [No book]
[25]ואמונתי וחסדי עמו ובשמי תרום קרנו [No book]
[26]ושמתי בים ידו ובנהרות ימינו [No book]
[27]הוא יקראני אבי אתה אלי וצור ישועתי [No book]
[28]אף־אני בכור אתנהו עליון למלכי־ארץ [No book]
[29]לעולם אשמור [Q: אשמר־] לו חסדי ובריתי נאמנת לו [No book]
[30]ושמתי לעד זרעו וכסאו כימי שמים [No book]
[31]אם־יעזבו בניו תורתי ובמשפטי לא ילכון [No book]
[32]אם־חקתי יחללו ומצותי לא ישמרו [No book]
[33]ופקדתי בשבט פשעם ובנגעים עונם [No book]
[34]וחסדי לא־אפיר מעמו ולא־אשקר באמונתי [No book]
[35]לא־אחלל בריתי ומוצא שפתי לא אשנה [No book]
[36]אחת נשבעתי בקדשי אם־לדוד אכזב [No book]
[37]זרעו לעולם יהיה וכסאו כשמש נגדי [No book]
[38]כירח יכון עולם ועד בשחק נאמן סלה [No book]
[39]ואתה זנחת ותמאס התעברת עם־משיחך [No book]
[40]נארתה ברית עבדך חללת לארץ נזרו [No book]
[41]פרצת כל־גדרתיו שמת מבצריו מחתה [No book]
[42]שסהו כל־עברי דרך היה חרפה לשכניו [No book]
[43]הרימות ימין צריו השמחת כל־אויביו [No book]
[44]אף־תשיב צור חרבו ולא הקימתו במלחמה [No book]
[45]השבת מטהרו וכסאו לארץ מגרתה [No book]
[46]הקצרת ימי עלומיו העטית עליו בושה סלה [No book]
[47]עד־מה יהוה תסתר לנצח תבער כמו־אש חמתך [No book]
[48]זכר־אני מה־חלד על־מה־שוא בראת כל־בני־אדם [No book]
[49]מי גבר יחיה ולא יראה־מות ימלט נפשו מיד־שאול סלה [No book]
[50]איה חסדיך הראשנים אדני נשבעת לדוד באמונתך [No book]
[51]זכר אדני חרפת עבדיך שאתי בחיקי כל־רבים עמים [No book]
[52]אשר חרפו אויביך יהוה אשר חרפו עקבות משיחך [No book]
[53]ברוך יהוה לעולם אמן ואמן [No book]
Source: unbound.biola.edu
 See information...
Top