|
|
| [1]Oratio Moysi, hominis Dei. Domine, refugium factus es nobis a generatione in generationem. |
[No book] |
| [2]Priusquam montes fierent, aut formaretur terra et orbis, a sæculo et usque in sæculum tu es Deus. |
[No book] |
| [3]Ne avertas hominem in humilitatem; et dixisti: Convertimini, filii hominum. |
[No book] |
| [4]Quoniam mille anni ante oculos tuos tamquam dies hesterna quæ præteriit, et custodia in nocte; |
[No book] |
| [5]quæ pro nihilo habentur eorum anni erunt. |
[No book] |
| [6]Mane sicut herba transeat; mane floreat, et transeat; vespere decidat, induret, et arescat. |
[No book] |
| [7]Quia defecimus in ira tua, et in furore tuo turbati sumus. |
[No book] |
| [8]Posuisti iniquitates nostras in conspectu tuo, sæculum nostrum in illuminatione vultus tui. |
[No book] |
| [9]Quoniam omnes dies nostri defecerunt; et in ira tua defecimus. Anni nostri sicut aranea meditabuntur; |
[No book] |
| [10]dies annorum nostrorum in ipsis septuaginta anni. Si autem in potentatibus octoginta anni, et amplius eorum labor et dolor; quoniam supervenit mansuetudo, et corripiemur. |
[No book] |
| [11]Quis novit potestatem iræ tuæ, |
[No book] |
| [12]et præ timore tuo iram tuam dinumerare? Dexteram tuam sic notam fac, et eruditos corde in sapientia. |
[No book] |
| [13]Convertere, Domine; usquequo? et deprecabilis esto super servos tuos. |
[No book] |
| [14]Repleti sumus mane misericordia tua; et exsultavimus, et delectati sumus omnibus diebus nostris. |
[No book] |
| [15]Lætati sumus pro diebus quibus nos humiliasti, annis quibus vidimus mala. |
[No book] |
| [16]Respice in servos tuos et in opera tua, et dirige filios eorum. |
[No book] |
| [17]Et sit splendor Domini Dei nostri super nos; et opera manuum nostrarum dirige super nos, et opus manuum nostrarum dirige. |
[No book] |