|
|
| [No book] |
[1]In lapide luteo lapidatus est piger: et omnes loquentur super aspernationem illius. |
| [No book] |
[2]De stercore boum lapidatus est piger: et omnis qui tetigerit eum excutiet manus. |
| [No book] |
[3]Confusio patris est de filio indisciplinato: filia autem in deminoratione fiet. |
| [No book] |
[4]Filia prudens hæreditas viro suo: nam quæ confundit, in contumeliam fit genitoris. |
| [No book] |
[5]Patrem et virum confundit audax, et ab impiis non minorabitur: ab utrisque autem inhonorabitur. |
| [No book] |
[6]Musica in luctu importuna narratio: flagella et doctrina in omni tempore sapientia. |
| [No book] |
[7]Qui docet fatuum, quasi qui conglutinat testam. |
| [No book] |
[8]Qui narrat verbum non audienti, quasi qui excitat dormientem de gravi somno. |
| [No book] |
[9]Cum dormiente loquitur qui enarrat stulto sapientiam: et in fine narrationis dicit: Quis est hic? |
| [No book] |
[10]Supra mortuum plora, defecit enim lux ejus: et supra fatuum plora, defecit enim sensus. |
| [No book] |
[11]Modicum plora super mortuum, quoniam requievit: |
| [No book] |
[12]nequissimi enim nequissima vita super mortem fatui. |
| [No book] |
[13]Luctus mortui septem dies: fatui autem et impii omnes dies vitæ illorum. |
| [No book] |
[14]Cum stulto ne multum loquaris, et cum insensato ne abieris. |
| [No book] |
[15]Serva te ab illo, ut non molestiam habeas, et non coinquinaberis peccato illius. |
| [No book] |
[16]Deflecte ab illo, et invenies requiem, et non acediaberis in stultitia illius. |
| [No book] |
[17]Super plumbum quid gravabitur? et quod illi aliud nomen quam fatuus? |
| [No book] |
[18]Arenam, et salem, et massam ferri facilius est ferre quam hominem imprudentem, et fatuum, et impium. |
| [No book] |
[19]Loramentum ligneum colligatum in fundamento ædificii non dissolvetur, sic et cor confirmatum in cogitatione consilii. |
| [No book] |
[20]Cogitatus sensati in omni tempore metu non depravabitur. |
| [No book] |
[21]Sicut pali in excelsis, et cæmenta sine impensa posita, contra faciem venti non permanebunt: |
| [No book] |
[22]sic et cor timidum in cogitatione stulti contra impetum timoris non resistet. |
| [No book] |
[23]Sicut cor trepidum in cogitatione fatui omni tempore non metuet, sic et qui in præceptis Dei permanet semper. |
| [No book] |
[24]Pungens oculum deducit lacrimas, et qui pungit cor profert sensum. |
| [No book] |
[25]Mittens lapidem in volatilia, dejiciet illa: sic et qui conviciatur amico, dissolvit amicitiam. |
| [No book] |
[26]Ad amicum etsi produxeris gladium, non desperes: est enim regressus. Ad amicum |
| [No book] |
[27]si aperueris os triste, non timeas: est enim concordatio: excepto convitio, et improperio, et superbia, et mysterii revelatione, et plaga dolosa: in his omnibus effugiet amicus. |
| [No book] |
[28]Fidem posside cum amico in paupertate illius, ut et in bonis illius læteris. |
| [No book] |
[29]In tempore tribulationis illius permane illi fidelis, ut et in hæreditate illius cohæres sis. |
| [No book] |
[30]Ante ignem camini vapor et fumus ignis inaltatur: sic et ante sanguinem maledicta, et contumeliæ, et minæ. |
| [No book] |
[31]Amicum salutare non confundar, a facie illius non me abscondam: et si mala mihi evenerint per illum, sustinebo. |
| [No book] |
[32]Omnis qui audiet cavebit se ab eo. |
| [No book] |
[33]Quis dabit ori meo custodiam, et super labia mea signaculum certum, ut non cadam ab ipsis, et lingua mea perdat me? |